Banɔkpɛkpɛ Axɔ̃ɛ 9:38 - Nyangbo New Testament

³⁸ Lida ɔmãa otsò ɔplɛnɔ Yopa, kliso gɛ badɔkpasɛanɛ elũ asɛ Petro azã Lida ɔmãmɛɛ, bakpɛ banɔ taabha nɛ yiede tɛ̀ betseɖe yɛasɛ, “Budzu kɛtakpu esi kɔ wɔ, ba tsĩɔɔ ɔlɛ!”

Banɔkpɛkpɛ Axɔ̃ɛ 9:38 Referans Kwoze

Banɔkpɛkpɛ Axɔ̃ɛ 9:36

Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 9:32

Gɛ Petro anyɔ afala nɛ kesiakpa alɛ nabhaa, avɛ asɛ ediɖi banɔ dadalɛ nɛ Lida ɔmamɛ.

Banɔkpɛkpɛ Axɔ̃ɛ 9:19

kɛlɛ gɛ bakɔɛ kɛdɔ̃ tili yɛaŋã ebekeɛ, azamɔ yɛohumi nɔ. Saulo azã aplɛnɔ badɔkpasɛanɛ nɛ Damasko ewui gelee.

Banɔkpɛkpɛ Axɔ̃ɛ 9:42

Kibui ɛlɛ bayìfala nɛ Yopa bɔdɔ̃ mɛ, kɛlɛ banɔ kpekpè abayɛkɛ Apalete nabha aŋã.

Banɔkpɛkpɛ Axɔ̃ɛ 9:43

Petro azã bagãpi axɔ̃ɛ wɔawɔa elete teli gɛ bezekulu asɛ Simon ɔkɔ nɛ Yopa ɔdɛ nanà kibè tili.

Banɔkpɛkpɛ Axɔ̃ɛ 10:5

Kpɛ̀ banɔ ɔsɛsɛ Yopa tɛ̀ bekulu anyɛ teli gɛ bekulu yɛasɛ Simon, pɛ bekèkulu tsyɛ asɛ Petro ɔmana.

Banɔkpɛkpɛ Axɔ̃ɛ 10:8

Etseɖe balɛ kɛka nyia ka gɛba ɛlɛ mɛɛ, kɛlɛ akpɛ alɛ nɛ Yopa.

Banɔkpɛkpɛ Axɔ̃ɛ 11:5

“Ɛzã Yopa ɔma mɛ pɛ izikulu Owusoso Akaa, kɛlɛ asɛ taɖamɛ anaa, ɛmɔ tibubu kasɛ. Ɛmɔ kɛdɔ̃ tilì gɛiyì kɛpɔtɛ gbagbla tili gɛ kizhi odenɔ kititiɛ ɔganà kɛlɛ batɔ̃ talɛ̃ mɛ, kɛlɛ kizhi ba ɛkɛlɛ gɛ ɛzãa.

Banɔkpɛkpɛ Axɔ̃ɛ 11:13

Etseɖe bɔlɔ kana gɛ amɔ axɔ̃ɛdɛ ebu yɛishu akasɛ yɛ nɛ bɔpã mɛ pɛ etseɖe yɛasɛ, ‘Kpɛ anɔ nɛ Simon gɛbekulu tsyɛ asɛ Petroɔ ɔkɔ nɛ Yopa tɛ̀ aba.