Banɔkpɛkpɛ Axɔ̃ɛ 9:36 - Nyangbo New Testament

³⁶ Nɛ Yopa ɔmamɛɛ, adɔkpasɛnɛ teli gɛ bezekulu yɛasɛ Tabita azã ɛkɛlɛ. (Nɛ Hela buluhũɔ mɛɛ, bekului asɛ Dorkas.) Tabita azabhɛtɛ ebui gbangbã pɛ alɔkɔ aplɛnɔ betsyuitsyuiɛ nɔ.

Banɔkpɛkpɛ Axɔ̃ɛ 9:36 Referans Kwoze

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Banɔkpɛkpɛ Axɔ̃ɛ 10:31

Kɛlɛ aɖɔ asɛ, ‘Kornelio, Owusoso Akaa elũ wɔ tikukuluɔ gɛ okulu yɛ, kɛlɛ abakà ɛyamɛ gbangbã gɛ ɔbhɛtɛ ɔkɔ betsyuitsyuiɛ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Tesalonikanɛ 1 4:10

Kɛlɛ nɛ kibui gbã mɛɛ, nɔdɛmɛ nɛ baadzya petee nɛ Makedonia. Mɛ adzya alɛ, pɔ bɔkà kpalà wɔnɔ sɛ tɛ nɔbhɛtɛ kana odzi nɔ bhɛtɛ.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Banɔkpɛkpɛ Axɔ̃ɛ 9:38

Lida ɔmãa otsò ɔplɛnɔ Yopa, kliso gɛ badɔkpasɛanɛ elũ asɛ Petro azã Lida ɔmãmɛɛ, bakpɛ banɔ taabha nɛ yiede tɛ̀ betseɖe yɛasɛ, “Budzu kɛtakpu esi kɔ wɔ, ba tsĩɔɔ ɔlɛ!”

Banɔkpɛkpɛ Axɔ̃ɛ 9:42

Kibui ɛlɛ bayìfala nɛ Yopa bɔdɔ̃ mɛ, kɛlɛ banɔ kpekpè abayɛkɛ Apalete nabha aŋã.

Banɔkpɛkpɛ Axɔ̃ɛ 10:8

Etseɖe balɛ kɛka nyia ka gɛba ɛlɛ mɛɛ, kɛlɛ akpɛ alɛ nɛ Yopa.

Banɔkpɛkpɛ Axɔ̃ɛ 10:23

Kliso Petro ayɛkɛ banyɛ akpɛ yɛɔpã mɛ asɛ yefù ana. Gɛ keliɛ azaa, Petro avɛ nɛ̀ balɛ, kɛlɛ badzya teli nɛ Yopa tsyɛ atɔnɔ balɛ avɛ.

Banɔkpɛkpɛ Axɔ̃ɛ 11:5

“Ɛzã Yopa ɔma mɛ pɛ izikulu Owusoso Akaa, kɛlɛ asɛ taɖamɛ anaa, ɛmɔ tibubu kasɛ. Ɛmɔ kɛdɔ̃ tilì gɛiyì kɛpɔtɛ gbagbla tili gɛ kizhi odenɔ kititiɛ ɔganà kɛlɛ batɔ̃ talɛ̃ mɛ, kɛlɛ kizhi ba ɛkɛlɛ gɛ ɛzãa.

Banɔkpɛkpɛ Axɔ̃ɛ 11:13

Etseɖe bɔlɔ kana gɛ amɔ axɔ̃ɛdɛ ebu yɛishu akasɛ yɛ nɛ bɔpã mɛ pɛ etseɖe yɛasɛ, ‘Kpɛ anɔ nɛ Simon gɛbekulu tsyɛ asɛ Petroɔ ɔkɔ nɛ Yopa tɛ̀ aba.