Banɔkpɛkpɛ Axɔ̃ɛ 9:31 - Nyangbo New Testament

³¹ Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Banɔkpɛkpɛ Axɔ̃ɛ 9:31 Referans Kwoze

Romanɛ 5:5

Kɛlɛ awɔ̃luluɔ atɛwɔɛ anɔ, ɔmɔsɛ Owusoso Akaa yɛtɛdɛdɛmɛ nɔ̀ɔ yɛalɔkɔ eyuku bɔlɔ etúɔ mɛ nɔ, ɔgana Ɔfɔfuĩa Gbangbã gɛ akɔ ɔlɔ mɛ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Banɔkpɛkpɛ Axɔ̃ɛ 8:1

Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Korintoanɛ 2 13:10

Kibui ɛlɛ shu so pɛ ɛfɔnɔ ebui alɛ kɔ wɔnɔ nɛ kibeɛ gɛ ɛma wɔnɔ ɔbha, sɛ tɛ onupɛ ɛbaa, ɛtɛba lɔkɔ ɔsha tũ kibui kpɛ kɔ wɔnɔ nɔ, ɔsha gɛ Apaleteɛ akɔ mɛ asɛ tɛ ɛlɔkɔ bhɔ wɔnɔ wunɔ kabha nɔ, gɛnɛ tɛ ɛlɔkɔ ɔlɛ zhini wɔnɔ kpɛ kesi nɔ.

Korintoanɛ 2 10:8

Onupɛ itũ ahɔɛ itelũ nɛ ohumi nɔ gɛ Apaleteɛ akɔ bɔlɔ gɛ bɔlɔkɔ bhɔ wɔnɔ wunɔ kabha ɔdɛ sɛ tɛ buzhini wɔnɔ esiɛ, kiwũi tɛba yimɛ nɛ ɛlɛ shu.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Banɔkpɛkpɛ Axɔ̃ɛ 16:5

Kliso bakɔ ɔhaa amɔ ohumi nɛ balɛ tɛyɛyɛkɛŋã mɛ kɛlɛ balɛ tɛkaklà mɛ zikpè tɔɖɔ kibe nyia be.

Banɔkpɛkpɛ Axɔ̃ɛ 12:24

Pɔ Owusoso Akaa nɛibuiɛ xɔnɔ zɛvɛ ɛlɛ abha pɛ kɛɛnɛ tɔɖɔ.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Yuda 1:20

Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.

Hebrianɛ 4:9

Kliso kimoelewui tili lɛ ɔkɔ Owusoso Akaa yɛeyi alɛ,

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Tesalonikanɛ 1 5:11

Klisoɔ, nɔkpɛ bagɔlɔ kemi tɛ nɔbhɔ bagɔlɔ owunɔ, asɛ kɛbhɛtɛ gɛ nɔbhɛtɛ ɛlɛ ana.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Filipianɛ 2:1

Onupɛ nɔmɔ̃ kemì kpɛkpɛ tieli odenɔ tenikpo bhɛbhɛtɛ nɛ Kristoɔ, onupɛ nɔmɔ ishumɛ yɔyɔ tili tsyɛ odenɔ yɛ tɛdɛdɛmɛ nɔ mɛ, onupɛ bɔkpɛ ɔha nɛ Ɔfɔfuĩa nɔ, onupɛ bɔbhɛtɛ ɛyamɛ yɔyɔ ebui pɛ buɖi banɔ ashagabui,

Efesoanɛ 5:21

nɔkpɛ kɛtakpu esi ɔkɔ agɔlɔ tɛ nɔlɔkɔ kpɛ bagɔlɔ same ɔkɔ Kristo.

Efesoanɛ 4:29

Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Korintoanɛ 2 12:19

Aabhɛtɛ wɔnɔ sɛ bɔpɛ asɛ tɛ bubu bɔlɔshu ulũ nɛ wɔnɔ amɛ dza? Bɔɔɖɔ kaɖɔ nɛ Owusoso Akaa amɛ asɛ banɔ gɛ akpasɛ Kristo mɛ ana, mɛadzya alɛ gɛ ɛdɛmɛ nɔ, kɛka nyia ka gɛ bɔbhɛtɛ, bɔbhɛtɛ ɛlɛ ɔkɔ wɔnɔ sɛ tɛ nɔzã gagalĩ.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Korintoanɛ 1 14:12

Kana kibui ɛlɛ ɛlɛ wɔnɔ kawɔ̃pɛ mɛ. Gɛ nɔpɛ ɔsɛ tɛ̀ nɔyɛkɛ ɔfɔfuĩa mɛ bɔdɔ̃ kɔkɔ soɔ, nɔkpɛ kemi tɛ̀ wu kabha nɛ bɔdɔ̃kɔkɔ nɔnɔ gɛ bɔbà bhɔ ɔhaa wunɔ kabha mɛ.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 5:11

Kifù gbagbla yí ɔhaa nɛ̀ banɔ bhlatɔ pete gɛelũ ebui alɛ gɛ laba ɛlɛ mɛ.

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.