Banɔkpɛkpɛ Axɔ̃ɛ 9:22 - Nyangbo New Testament

²² Pɔ ohumi nɔ gɛ lɔzã Saulo mɛ lɔzɔ gagalĩ ɔtɔɖɔ, kɛlɛ kɛbhɛtɛ Yudanɛ gɛazã Damasko nɛibi gɛ azadalɛ kɛlɛ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 9:22 Referans Kwoze

Banɔkpɛkpɛ Axɔ̃ɛ 18:5

Kibeɛ gɛ Sila nɛ̀ Timoteo ede Makedonia aba, Paulo alɔkɔ yɛishu akɔ kibuiɛ tɛɖɔɖɔ, pɛ adalɛ kɛlɛ mɛ ɔkɔ Yudanɛ ete ɔsɛ Yesu yɛenu Kristoɔ.

Korintoanɛ 1 1:27

Pɔɔ Owusoso Akaa alɔkɔ bɔga dɔdɔ ebuiɛ nɛ kanɔ nɔ̀ mɛ sɛ tɛ̀ alɔkɔ akpɛ bebutinɛ nawuĩ nɔ. Owusoso Akaa alɔkɔ bɔdɔ̃ gɛ bubotsoɔ akpɛ bɔgagalĩ nawuĩ nɔ.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Banɔkpɛkpɛ Axɔ̃ɛ 17:3

pɛ ezebu ebui mɛ pɛ ebu akasɛ asɛ kɛlɛ ɔsɛ Yesuɔ amɔ bɔtɔ flogo tɛ̀ befeke yɛ edenɔ bekpuɔ mɛ. Aɖɔ asɛ, “Yesu alɛ gɛ yɛibuiɛ mɛɖɔɔ yɛenu Kristoɔ.

Banɔkpɛkpɛ Axɔ̃ɛ 9:20

Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.

Banɔkpɛkpɛ Axɔ̃ɛ 9:21

Kɛbhɛtɛ banunɔ gɛ bazataatɔ̃ elũ yɛebuiɛ petee nɛibi kɛlɛ bebisi asɛ, “Gɛnɛ anyɛ alɛ yɛaza atɔɖɔ kɛtakpu mɛ̀ zizĩ nɛ banunɔ gɛ beze kulu Yesu kinye ɛlɛ dza? Pɔ gɛnɛ yɛazaba ɛkɛlɛ̀ ebeevũ banunɔ pɛ azagbanà alɛ avɛnɔ banɔlũazazã gbagbla ɔkɔ asɛ ɔɖavũmɛ azazãa dza?”

Banɔkpɛkpɛ Axɔ̃ɛ 9:23

Gɛ ewui gelee teli abafala, Yudanɛ atɔɖɔ asɛ tɛ beyìi,

Banɔkpɛkpɛ Axɔ̃ɛ 9:27

Pɔ Banaba agbanà yɛ kɛlɛ alɔkɔ yɛavɛnɔ banɔkpɛkpɛ. Etseɖe balɛ kana gɛ Saulo amɔ Apaleteɛ nɛ yɛidzo gagã mɛ, kana gɛ Apaleteɛ aɖɔaɖɔ niyɛ, ɔplɛnɔ kana gɛ adɛɖɔ kibui Gbangbã nɛ kifu masi masi mɛ nɛ Damasko nɛ Yesu kinyeɛ mɛɛ.

Galatianɛ 1:18

Kɛlɛ nɛ agɔ tata edeɛ, ɛbawù ɔvɛ Yerusalem ɔsɛ tɛ mɛ nɛ Petro butì bagɔlɔ, kɛlɛ ɛzã yɛɔbha ewui lɔfɔ nɛ̀ teti.

Timoteo 1 1:12

Ihu bɔlɔ Apalete Kristo Yesu ahɔɛ, anɔ gɛ yɛakɔ mɛ ohumi, pɛ ayɛkɛ mɛabha aŋã sɛ ɛtɛsɛ asɛnɛ, pɛ ebu mɛ akɔ yɛxɔ̃ɛ wɔawɔa.