Banɔkpɛkpɛ Axɔ̃ɛ 9:15 - Nyangbo New Testament

¹⁵ Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 9:15 Referans Kwoze

Romanɛ 11:13

Ɛɖɔ kaɖɔ ɔkɔ wɔnɔ bagɛ notinu Yudanɛ. Mɛ asɛ anɔkpɛkpɛ ɔkɔ wɔnɔ bagɛ notinu Yudanɛ ana, ɛwɔa mɛaxɔ̃ɛ

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 2 2:4

Anɔ nanà atɛwɔa axɔ̃ɛ asɛ keyuadɛ ana, pɛ aza lɔkɔ yɛishu akpɛ kɛxɔ̃ɛ bhlatɔ wɔawɔa mɛ, onupɛ apɛ asɛ tɛ eku yɛanɔ gbagbla nawɔ̃.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Galatianɛ 1:1

Mɛ Paulo, anɔkpɛkpɛ gɛ anɛ baanɔ alo anɔ yɛasɛsɛ mɛ, pɔ Yesu Kristo nɛ̀ Owusoso Akaa, gɛ yɛefeke yɛ odenɔ bekpuɔ mɛ-

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Kibui Bubú Kasɛ 17:14

Babà lɔkɔ eyu nɛ Obhoshieyiɛ shu, pɔ Obhoshieyiɛ abaŋã alɛ abha, ɔmɔsɛ yɛenu Apalete akɔ bapaleteɛ nɛ̀ Ekusi akɔ bekusiɛ-bagɛ babà plɛni yɛɛ, balɛ enu bagɛ ekuluɔ, bagɛ ebuɔ nɛ̀ bagɛ ayɛkɛ yɛabha aŋãa.”

Banɔkpɛkpɛ Axɔ̃ɛ 27:24

pɛ aɖɔ asɛ, ‘Paulo, tɛosi kifù. Kɛlɛ ɔsɛ ɔbà kebhu mɛ nɛ Romanɛ Ekusi Gbagbla namɛ, kɛlɛ Owusoso Akaa etibhui wɔnɛ bagɛ nɔgã kelĩabha kidzoɔ ɛkpã ebú.’

Banɔkpɛkpɛ Axɔ̃ɛ 26:32

Kɛlɛ Agripa etseɖe Festo asɛ, “Pɛ otɛɔsɛ anyɛ alɛ agɛ vɛnɔ kibuiɛ nɛ Romanɛ Ekusi Gbagbla ɔkɔɔ, tsyɛalo bɔtà shɛnɛ ahɔɛ nɛ yɛishu.

Banɔkpɛkpɛ Axɔ̃ɛ 25:22

Kɛlɛ Agripa etseɖe Festo asɛ, “Mɛtsyɛ bapɛ sɛ tɛ̀ ilũ anyɛ alɛ ebuiɛ.” Ebuiliulũ asɛ, “Kivũ tsyɛ òbolũ yɛebuiɛ.”

Banɔkpɛkpɛ Axɔ̃ɛ 21:19

Paulo asɛnɔ alɛ kɛlɛ akɔ alɛ tititì piapi nɛ kɛgɛ Owusoso Akaa abhɛtɛ nɛ bagɛ etinu Yudanɛ nɛishi ɔganà yɛɔdɔ kakasɛ mɛ.

Banɔkpɛkpɛ Axɔ̃ɛ 28:17

Ewui tata edeɛ, Paulo ɛkulu Yudanɛ besheshèɛ eshogò. Gɛ beshogò ebekeɛ, etseɖe balɛ asɛ, “Mɛadzya alɛ Israelanɛ mɔ, ɛgɛ bhɛtɛ kibui kpa nanà nɛ̀ bɔlɔ banunɔ alo bɔlɔ ashuĩ alɛ ɛkɔɔ shu flogo, bevũ mɛ nɛ Yerusalem pɛ balɔkɔ mɛ akpɛ ahɔɛ akɔ Romanɛ.

Banɔkpɛkpɛ Axɔ̃ɛ 22:14

“Kɛlɛ etseɖe mɛ asɛ, ‘Bɔlɔ akaalɛ Owusoso Akaa yɛebú wɔ ɔsɛ tɛ otì kɛgɛ yɛapɛ nɔ, ɔsɛ tɛ̀ ɔmɔ Anɔ Dadalɛ, nɛ̀ tɛ olũ ebui edenɔ yɛolugbũ mɛ̀.

Banɔkpɛkpɛ Axɔ̃ɛ 26:1

Kɛlɛ Agripa etseɖe Paulo asɛ, “Kidzo lɛ kɔwɔ ɔsɛ tɛ̀ ɔɖɔ kaɖɔ obù wɔshu ulũ nɔ̀.” Kliso Paulo ebú yɛɔhɔɛ akasɛ pɛ akpà yɛishu ulũ bú asɛ,

Banɔkpɛkpɛ Axɔ̃ɛ 28:28

“Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Korintoanɛ 1 9:16

Pɔ onupɛ ɛɖɔ kibui gbangbã, ɛtɛ balà feke mɛishu, ɔmɔsɛ batɔɖɔ ɛlɛ akɔ mɛ ɔsɛ tɛ ɛɖɔ Owusoso Akaa ibuiɛ. Abagagalĩ akɔ mɛ gɛ onupɛ ɛgɛ ɖɔ kibui gbangbã.

Efesoanɛ 3:1

Nɛ kibui ɛlɛ shu soɔ, mɛ Paulo, gɛinu buvũazazã ɔkɔ Kristo Yesu nɛ wɔnɔ bagɛ nɔotinu Yudanɛ ɛtakpu-.