37
Gɛ bagã pɛ bavɛɛ, badɛ tɔnɔ bulĩ tuli kɛlɛ anyɛ gɛ batsarà aɖɔ asɛ, “Ɖio, bulĩ nɔlɛ. Kiɖuwoe so pɛ batɛ akpɛ bulĩ nɛ kɛtakpu ɔkɔ mɛ dza?”
Kɛlɛ anyɛ gɛ batsarà akɔ asɛ batɔ apakaohuɔ. Kɛlɛ Filipo nɛ̀ anyɛ ezhi eku bulĩɛ mɛ, kɛlɛ Filipo akpɛ bulĩ nɛ kɛtakpuɔ akɔɛ.
Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.
Pɔ gɛ bayɛkɛ Filipo abha aŋã nɛ kibui Gbangbã gɛaɖɔ nɛ Owusoso Akaa bukusiŋaŋã shu nɛ̀ Yesu Kristo yɛinyeɛ mɛ soɔ, banyɛ nɛ̀ badzɛ pete akɔ bakpɛ bulĩ nɛ ɛtakpu akɔ alɛ.
Wɔ ɔbhɛtɛkɔ nɛ̀ wɔ ɔŋãkɔ nanà ɔma bɔlɔ axɔ̃ɛdɛdɛ alɛ mɛ, ɔmɔsɛ wɔɛtũɔ mɛ gɛdalɛ nɛ Owusoso Akaa namɛ.
Odunu ɔlɛ koɔ, Saulo akpɛ bɔdɔ̃ kakasɛ esi nɛ ɛtsyɔakɔ asɛ Yesu yɛenu Owusoso Akaa Yɛeyiɛ.
Ɔmɔsɛ wɔɛtúɔ wɔlɔkɔ ɔyɛkɛ ɔŋã nɔ, pɛ bamɔ ɔsɛ onu anɔ gbangbã, kɛlɛ olugbũ wɔlɔkɔ ɔdalɛ ebui mɛ nɔ pɛ bayɛkɛ wɔ elu nɛ ɛkpã.
Klisoɔ, itseɖe wɔnɔ sɛ anɔ nanà gɛ aɖɔaɖɔ nɛ̀ Owusoso Akaa ɔfɔfuĩa nɔ atɛ baɖɔ asɛ, “Baɖɔ kibui akpɛ Yesu,” kɛlɛ ananà tsyɛ atɛbàla aɖɔ asɛ, “Yesu yɛenu Apaleteɛ,” ɔdɛ sɛ Ɔfɔfuĩa Gbangbã ɔkpasɛ yɛ mɛ.
kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,
Onupɛ anɔ teli adalɛ ɛlɛ mɛ asɛ Yesu yɛenu Owusoso Akaa Yɛeyiɛ, Owusoso Akaa akpasɛ yɛmɛ kɛlɛ yɛtsyɛ akpasɛ Owusoso Akaa mɛ.
Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.
Afana gɛenu anɔ gɛ aŋã kanɔ nɔ̀ nabha? Anunɔ gɛ yɛayɛkɛ aŋã sɛ̀ Yesu yɛenu Owusoso Akaa yɛeyiɛ ete.
Kibui ɛlɛ gɛ baɖɔ adalɛ yɛishuɔ bazã anɔ ka nyia ka yɛitúɔ mɛ gɛ ayɛkɛ Owusoso Akaa Eyi nabha aŋãa. Anɔ nyia anɔ gɛ agɛ yɛkɛ Owusoso Akaa nabha aŋãa abhɛtɛ yɛ yɛedzi asɛnɛ elete, ɔmɔsɛ agɛ yɛkɛ kibuiɛ gɛ Owusoso Akaa aɖɔ adalɛ Yɛeyiɛ shuɔ nabha aŋã.
