Banɔkpɛkpɛ Axɔ̃ɛ 8:22 - Nyangbo New Testament

²² Tsyinà nɛ wɔɛtakpumɛ gagalĩ ebuiɛ alɛ shu tɛ okulu Apaleteɛ. Ɔdɛtsyɛ abalɔkɔ ekpeɖekpeɖeɛ gɛ wɔbhɛtɛ odenɔ wɔɛtúɔ mɛ etsye wɔ.

Banɔkpɛkpɛ Axɔ̃ɛ 8:22 Referans Kwoze

Hebrianɛ 4:12

Ɔmɔsɛ Owusoso Akaa ibuiɛ lɛ nɛ ɛkpã, gɛ kɛwɔa axɔ̃ɛ. Kibuiɛ lɔŋã ɔdɛ bɛtɛɛ̀ ilugbũ tɛbha- ka nyia ka. Ashɔ banɔ kɛlɛ ayɛ kɛtɔwui, ɔfɔfuĩa, axɔa ɔtsyɔakɔ nɛ̀ axɔamɛɔbɔ mɛ. Kɛlɛ ekulu ebhu nɛ anɔ ekpeɖekpeɖe nɛ̀ yɛetú mɛ ebui bhɛbhɛtɛ.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Banɔkpɛkpɛ Axɔ̃ɛ 9:11

Apaleteɛ etseɖe yɛasɛ, “Lɔ tɛ ɔvɛ Yuda bɔpã mɛ nɛ Tipɔɔ Tĩi nabha tɛ odibisi anyɛ teli gɛede Tarso pɛ bekulu asɛ Sauloɔ nɛtɔ, ɔmɔsɛ eekulu Owusoso Akaa.”

Kibui Bubú Kasɛ 2:21

Ɛkɔ yɛibe sɛ tɛ etsyina itúɔ mɛ, nɛ yɛɔmamɛ dɛdɛ ebui kpaa shu, pɔ atɛ adɛmɛ.

Banɔkpɛkpɛ Axɔ̃ɛ 8:20

Petro ebuiliulũ akɔɛ asɛ, “Tsofala nɛ̀ wɔnɛ̀ woehoeyi, ɔmɔsɛ oɖi ɔsɛ ɔbɔlà Owusoso Akaa kɛdɔ̃ kɔkɔ odzi nɛ̀ woehoeyiɛ.

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.