Banɔkpɛkpɛ Axɔ̃ɛ 8:14 - Nyangbo New Testament

¹⁴ Gɛ banɔkpɛkpɛ nɛ Yerusalem elũ asɛ Samarianɛ ayɛkɛ Owusoso Akaa nɛibuiɛ, bakpɛ Petro nɛ̀ Yohanes nɛ balɛ ɔkɔ.

Banɔkpɛkpɛ Axɔ̃ɛ 8:14 Referans Kwoze

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Banɔkpɛkpɛ Axɔ̃ɛ 8:1

Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Tesalonikanɛ 2 2:10

nɛ ebui kpa ka nyia ka ɛdi gɛ lawɔɛ bagɛ ayalaa. Bayala ɔmɔsɛ bagɛ dɛmɛ kibuiɛ gɛlɛ ɛlɛ ɔzãkɔ nɛibui sɛ tɛ bebu alɛ.

Banɔkpɛkpɛ Axɔ̃ɛ 17:11

Otsi nɔ Beroeanɛ bezhinì balɛ ishu esi ɔdɛ Tesalonikanɛ, ɔmɔsɛ bayɛkɛ kibuiɛ nɛ̀ samè kɛlɛ bazapɔɛ kɛlɛ mɛ kiwui nyiɛ wui tɛ̀ beɖi asɛ kibuiɛ gɛ Paulo aɖɔ kpasɛ kɛlɛ mɛ ana dza.

Banɔkpɛkpɛ Axɔ̃ɛ 15:4

Gɛ Paulo nɛ̀ Barnaba ediku Yerusalemuɔ, ɔha, banɔkpɛkpɛ nɛ̀ Yerusalemuɔ ɔhamɛ beshesheɛ ayɛkɛ alɛ. Paulo nɛ̀ Barnaba abakɔ alɛ tititì nɛ kɛka nyia ka gɛ Owusoso Akaa abhɛtɛ aganà balɛ abha shu.

Banɔkpɛkpɛ Axɔ̃ɛ 11:1

Banɔkpɛkpɛ nɛ̀ bagɛ ayɛkɛ aŋã nɛ Yudea bɔdɔ̃ mɛ pete ebelũ asɛ bagɛ betinu Yudanɛ tsyɛ ayɛkɛ Owusoso Akaa nɛibuiɛ.

Banɔkpɛkpɛ Axɔ̃ɛ 2:41

Batɛkpɛ bulĩ akɔ bagɛ ayɛkɛ yɛibuiɛ, kɛlɛ balɔkɔ banɔ asɛ ihotu tɛta aplɛnɔ balɛ tɛkaklà mɛ kiwui ɛlɛ.