Banɔkpɛkpɛ Axɔ̃ɛ 8:1 - Nyangbo New Testament

¹ Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Banɔkpɛkpɛ Axɔ̃ɛ 8:1 Referans Kwoze

Banɔkpɛkpɛ Axɔ̃ɛ 22:20

Kɛlɛ kibeɛ gɛ bazabalɛ̀ Stefano gɛetsi nɛ wɔɛtakpu dzyosu nɔ, ɛzã ɛkɛlɛ pɛ ɛzɛkpɛ balɛ kemi pɛ izipo bagɛ eyi yɛ akpɛkpɛ nɔ.’

Banɔkpɛkpɛ Axɔ̃ɛ 7:58

betii yɛebu eyinɔ nɛ ɔmamɛ, kɛlɛ bakpà aklagbu atahui. Nɛ kibe ɛlɛ bagɛ bazã amɔ ebui alɛ alɔkɔ balɛ bakpɛkpɛ elú ayisɔ̃ teli gɛ bekulu yɛasɛ Saulo otugbà.

Banɔkpɛkpɛ Axɔ̃ɛ 5:40

Yɛibui ɖɔɖɔ kɔ belũ ebui esi, klisoɔ bekulu banɔkpɛkpɛ amana kɛlɛ bakɔ behuisi alɛ. Kɛlɛ bakpɛ ɔsha akɔ alɛ ɔsɛ batɛ aɖɔaɖɔ nɛ Yesu yɛinyeɛ mɛ, kɛlɛ bashɛnɛ ahɔɛ nɛ balɛishu pɛ bashɛ.

Banɔkpɛkpɛ Axɔ̃ɛ 5:33

Gɛ belũ kibui ɛlɛ, ɔmɔpɔɛ oyí alɛ, kɛlɛ bapɛ asɛ tɛ beyi alɛ.

Banɔkpɛkpɛ Axɔ̃ɛ 1:8

Onupɛ Ɔfɔfuĩa gbangbã ɔba wɔnɔ abhaa, nɔbɔ yɛkɛ ohumi, kɛlɛ nobo dzi banɔ gɛ nɔbɔ mɔ ebui alɛ ɔɖɔ nɛ mɛishu nɛ Yerusalem nɛ̀ Yudea petee ɔvɛnɔ Samaria ɔdɛtɔ̃ kanɔ nɔ̀ ɔtɔ̃kɔ.”

Banɔkpɛkpɛ Axɔ̃ɛ 8:14

Gɛ banɔkpɛkpɛ nɛ Yerusalem elũ asɛ Samarianɛ ayɛkɛ Owusoso Akaa nɛibuiɛ, bakpɛ Petro nɛ̀ Yohanes nɛ balɛ ɔkɔ.

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Banɔkpɛkpɛ Axɔ̃ɛ 8:4

Bagɛ apɔ̃ɛ kanà aɖɔ kibuiɛ nɛ ɔkɔ nyia ɔkɔ gɛ bavɛ.

Hebrianɛ 11:27

Nɛ tɛyɛyɛkɛŋã mɛɛ, ashɛ nɛ Egipte, kɛlɛ ɔmɔpɔɛ nɔ gɛ ekusiɛ akpɛɛ logiku yɛifu, pɔ akpɛ emi avɛ ɛlɛ abha, ɔmɔsɛ azamɔ anunɔ gɛ alɛ tikpukpũ mɛɛ.

Filipianɛ 1:12

Mɛadzya alɛ mɔ, otsiɛ nɔ, ɛpɛɛ sɛ nɔotì ɔsɛ kɛgɛ ba mɛabha kɛlɛ vɛnɔ kibui gbangbã nɛ Otugba.

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Banɔkpɛkpɛ Axɔ̃ɛ 7:38

Yɛazã Israel kɛza nɛishi nɛ oxuiɛ, aplɛnɔ axɔ̃ɛdɛ gɛ aɖɔaɖɔ etseɖe yɛ nɛ̀ yɛashuĩ alɛ nɛ Sinai ketukpɔ nabha, kɛlɛ ayɛkɛ ebui gɛ ɛkpã kpasɛ alɛ mɛ abakpɛ ahɔɛ akɔ bɔlɔ.

Banɔkpɛkpɛ Axɔ̃ɛ 5:20

Etseɖe balɛ asɛ, “Nɔvɛ ɔdɛ lɔ kititì nɛ Owusoso Akaavũɔ shu tɛ̀ nɔɖɔ ɛkpã vɔvɔ ɛlɛ shu ebui otseɖe banunɔ.”

Banɔkpɛkpɛ Axɔ̃ɛ 5:18

Bevũ banɔkpɛkpɛ kɛlɛ balɔkɔ alɛ adɛkpɛ nɛ balɛ ɔɖavũɔ ɔkpɛkɔ.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 7:54

Gɛ belũ stefano yɛebui alɛ, ɔmɔpɔɛ oyi alɛ kɛlɛ batã ene nɛishu.

Banɔkpɛkpɛ Axɔ̃ɛ 8:2

Bagɛ ayɛkɛ Owusoso Akaa nabha aŋã adɛvɔbɔ Stefano pɛ bebii popopo.

Banɔkpɛkpɛ Axɔ̃ɛ 8:5

Filipo ediku ɔma toli mɛ̀ nɛ Samaria pɛ aɖɔ Kristo shu kibuiɛ etseɖe alɛ nɛ ɛkɛlɛ.

Banɔkpɛkpɛ Axɔ̃ɛ 13:36

“Gɛ David abhɛtɛ atɔɖɔ Owusoso Akaa yɛ tɛpɛpɛ nɛ yɛibeɛ ebekeɛ, adɔ taɖa, bavɔbɔ yɛ nɛ yashuĩ alɛ nɛwɔ̃a kɛlɛ yɛetsitsíɛ atsɔmɔ̃.

Banɔkpɛkpɛ Axɔ̃ɛ 26:10

Kibui ɛlɛ mɛzɛ bhɛtɛ nɛ Yerusalemuɔ. Ɔganà banɔlũazazã gbagbla nabhaa, ɛkpɛ banɔ dadalɛ gelee nɛ ɔɖavũ mɛ, kɛlɛ gɛ bezeyi alɛ, ɛzɛ tɔɖɔ ahɔɛ nɛ kɛlɛ abha.

Romanɛ 1:32

Gɛ benyi piapii ɔsɛ Owusoso Akaa ɔsha gɛ akɔ ɔɖɔ ɔsɛ bagɛ bazã nɛ ɛkpã ɛlɛ nɛidiɛ, babapɔ̃ balɛ atɔ̃ nɛ̀ butsí tsyɛ elo, bavɛ ɛlɛ abha azã nɛ̀ ɛkpã kpa ɛlɛ, kɛlɛ bakɔ asɛ tɛ banɔ bhlatɔ tsyɛ azã nɛ̀ ɛkpã ɛlɛ.