Banɔkpɛkpɛ Axɔ̃ɛ 7:55 - Nyangbo New Testament

⁵⁵ Pɔ gɛ Ɔfɔfuĩa Gbangbã ɔzã Stefano mɛ soɔ, eɖi kititiɛ kɛlɛ amɔ Owusoso Akaa yɛ tɛdadalɛ mɛ̀, nɛ̀ Yesu gɛalɛ Owusoso Akaa yɛŋã mɛ.

Banɔkpɛkpɛ Axɔ̃ɛ 7:55 Referans Kwoze

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Banɔkpɛkpɛ Axɔ̃ɛ 6:10

pɔ, bagɛ lazã yɛubutì nɛ̀ Ɔfɔfuĩa nɔ gɛ ɔlɛ yɛalɔkɔ azaɖɔaɖɔ nulũ.

Banɔkpɛkpɛ Axɔ̃ɛ 6:8

Stefano anɔ gɛ Owusoso Akaa tibhui bhuibu nɛ̀ ohumi ɔzã yɛmɛ, abhɛtɛ atsyindzye ebui nɛ̀ ebui gɛ labhɛtɛ ibì nɛ banunɔ nɛishi bamɔ.

Banɔkpɛkpɛ Axɔ̃ɛ 6:5

Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Banɔkpɛkpɛ Axɔ̃ɛ 2:4

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Kibui Bubú Kasɛ 21:11

Owusoso Akaa ishu dadalɛ zitse nɛ ɔlɛ mɛ, kɛlɛ ɔlɛ titsetseɛ zã ɔmɔ asɛ yaspa ɛklagbu, gɛ kɛlɛ mɛ dalɛ ɔmɔ asɛ ahuhɔ̃ɛ mɛ.

Petro 2 1:17

Ɔmɔsɛ ayɛkɛ kinye kpɛkpɛ nɛitití nɛ̀ ishu dadalɛ odenɔ Owusoso Akaa ɔkɔ nɛ kibeɛ gɛ ozĩ oyì odenɔ Ohumi Ishudadalɛ Eleteɛ ɔkɔ ɔsɛ, “Mɛeyianyɛ nɛ alɛ, yɛibui mɛdɛmɛ, yɛ shu mɛmɔ same.”

Banɔkpɛkpɛ Axɔ̃ɛ 4:8

Petro gɛ Ɔfɔfuĩa Gbangbã eyukui mɛɛ, etseɖe balɛ asɛ, “Bekusiɛ nɛ̀ ɔma besheshèɛ!