Banɔkpɛkpɛ Axɔ̃ɛ 6:7 - Nyangbo New Testament

⁷ Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Banɔkpɛkpɛ Axɔ̃ɛ 6:7 Referans Kwoze

Banɔkpɛkpɛ Axɔ̃ɛ 19:20

Nɛ kidzo ɛlɛ nabha Apaleteɛ nɛibuiɛ yɛɛvɛ̀ pɛ kɛvɛ̀ kabha nɛ̀ ohumi.

Banɔkpɛkpɛ Axɔ̃ɛ 12:24

Pɔ Owusoso Akaa nɛibuiɛ xɔnɔ zɛvɛ ɛlɛ abha pɛ kɛɛnɛ tɔɖɔ.

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Timoteo 2 2:9

gɛ kɛlɛ shu mɛmɔ bɔtɔ ɔlɛ vɛnɔ sɛ bakpɛ mɛ nɛ ɛɖahui mɛ asɛ kɛtakpu mɛ gagalĩ elete ana. Pɔ bagɛ kpɛ ɛɖahui nɛ Owusoso Akaa nɛibuiɛ xɔnɔ shu.

Tesalonikanɛ 2 1:8

Abapɔ̃ batɔ̃ akɔ bagɛ betinyi Owusoso Akaa pɛ batɛ abhɛtɛ atɔɖɔ kibui gbangbã gɛide Apalete Yesu ɔkɔ nabha.

Banɔkpɛkpɛ Axɔ̃ɛ 21:20

Gɛ belũ kibui ɛlɛ, bakpɛ Owusoso Akaa nɛinyè nɛitití. Kɛlɛ betseɖe Paulo asɛ, “Madzya, ɖi Yudanɛ ihotu tɛshɛ nɔnɔ gɛ bayɛkɛ aŋã pɛ banyana ɔsha mɛ evunɔɔ.

Banɔkpɛkpɛ Axɔ̃ɛ 13:8

Pɔ Elima (gɛ kɛlɛ esi kɛlɛinu ɔsɛ anɔ gɛ kebisì alɛ yɛahɔɛ) alɔɛtití nɛ balɛ shu kɛlɛ apɛ asɛ tɛ̀ etsyina ekusiɛ edenɔ tɛyɛyɛkɛŋã shu.

Banɔkpɛkpɛ Axɔ̃ɛ 2:47

pɛ bazakpɛ Owusoso Akaa nɛinyè nɛitití kɛlɛ balɛ ebuiɛ ezeku banunɔ petee awɔ̃. Kɛlɛ Apaleteɛ akɔ bagɛ ayɛkɛ elú nɛkpã abaplɛnɔ balɛ bekpè atɔɖɔ kiwui nyia wui.

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Galatianɛ 1:23

Bulũ bhui bhui ɛlɛ ete belũ nɛ mɛishu asɛ, “Anyɛ gɛ aza atɔnɔ bɔlɔ ede abafala nɔɔ, otsi alɛ xɔnɔ yɛtsyɛ aɖɔ tɛyɛyɛkɛŋã ibuiɛ gɛ apɛ asɛ ayɛɛ afalanɔ flogo.”

Galatianɛ 6:10

Kliso, gɛ kibè lɛ ɔlɔ ahɔɛ soɔ, nɔkɔ bɔbhɛtɛ kibui gbangbã kɔ anɔ ka nyia ka, asɛ bagɛ ede bayɛyɛkɛŋã eshopo mɛ ana.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Yuda 1:20

Pɔ mɛbhia alɛ gɛ ɛdɛmɛ nɔ xɔnɔ, nɔbhɔ wɔnɔ shu owunɔ kabha nɛ wɔnɔ ishu dadalɛ tɛyɛyɛkɛŋã mɛ̀, tɛ̀ nokulu Owusoso Akaa nɛ Ɔfɔfuĩa Gbangbã mɛ̀.