Banɔkpɛkpɛ Axɔ̃ɛ 6:5 - Nyangbo New Testament

⁵ Kɛzaa pete adɛmɛ atɔɖɔ kibui ɛlɛ gɛ bakpɛ amana nabha. Bebu Stefano, anɔ gɛ tɛyɛyɛkɛŋã nɛ̀ Ɔfɔfuĩa Gbangbã oyuku yɛ mɛ nɛ̀ Filipo, Prokoro, Nikanora, Timona, Parmena nɛ̀ Nikanao, anɔ gɛ akpɛ takpu esi akɔ ibudi pɛ ebetsyina edzi Yudaeyi gɛ ede Antioxia.

Banɔkpɛkpɛ Axɔ̃ɛ 6:5 Referans Kwoze

Banɔkpɛkpɛ Axɔ̃ɛ 11:24

Barnaba edzi anɔ gbangbã teli gɛ̀ Ɔfɔfuĩa Gbangbã ɔzã yɛmɛ̀ pɛ̀ ayɛkɛ aŋã, kɛlɛ bagbana banɔ kpekpè teli amana Apaleteɛ ɔkɔ.

Banɔkpɛkpɛ Axɔ̃ɛ 21:8

Gɛ bɔshɛ kelizaza, budiyì nɛ Kaesarea kɛlɛ bɔdɛzã Filipo gɛ aɖɔ kibuiɛ akana pɛ enu banɔ Tegegeneɛ gɛ bebu nɛ yerusalemuɔ ɔmaɛmɛ tenikpoɔ bɔpã mɛ.

Banɔkpɛkpɛ Axɔ̃ɛ 6:8

Stefano anɔ gɛ Owusoso Akaa tibhui bhuibu nɛ̀ ohumi ɔzã yɛmɛ, abhɛtɛ atsyindzye ebui nɛ̀ ebui gɛ labhɛtɛ ibì nɛ banunɔ nɛishi bamɔ.

Banɔkpɛkpɛ Axɔ̃ɛ 7:1

Kɛlɛ ɔzãkɔanɔ gbagbla ebisi yɛasɛ, “Ebui alɛ gɛ balɔkɔ ebhui wɔlũɔ nɔ enu ebui gbã dza?”

Banɔkpɛkpɛ Axɔ̃ɛ 6:3

Kliso, mɛadzya alɛ mɔ, nobu banyɛ tegegene nɛ wɔnɔɛshi gɛ nonyi ɔsɛ, Ɔfɔfuĩa Gbangbã nɛ̀ bubutì kpasɛ alɛ mɛ, bɔbà lɔkɔ kɛxɔ̃ɛ ɛlɛ kpɛ ahɔɛ ɔkɔ alɛ

Banɔkpɛkpɛ Axɔ̃ɛ 13:1

Nɛ Antioxia ɔhaa mɛɛ, bebuiɖɔluanɔ nɛ̀ badɔkasɛ teli azã ɛkɛlɛ gɛ̀ balɛenu, Barnaba, Simeon gɛ bezekulu tsyɛ asɛ Anɔtutũ, Lukio gɛede Kirene, Manahem (Anɔ gɛ banyɔnɔ aplɛnɔ ekusi Herodes Antipa) ɔlɔkɔ ɔplɛnɔ Saulo.

Banɔkpɛkpɛ Axɔ̃ɛ 11:19

Banunɔ gɛ bapɔ̃ɛ alɛ mɛ akanà ɔganà balɛ ede tɛtɔtɔnɔ gɛkpà ɔplɛnɔ Stefano yɛ tiyiyiɛ, bagã kidzo avɛnɔ idzlolo ɔkɔ asɛ Foenisia ana, Kipro nɛ̀ Antoxia pɛ badaaɖɔ Kibui Gbangbã eetseɖe Yudanɛ ete.

Banɔkpɛkpɛ Axɔ̃ɛ 6:10

pɔ, bagɛ lazã yɛubutì nɛ̀ Ɔfɔfuĩa nɔ gɛ ɔlɛ yɛalɔkɔ azaɖɔaɖɔ nulũ.

Kibui Bubú Kasɛ 2:15

Kidzo ɛlɛ nabha wɔnɔ mɛ beteli tsyɛ anyana Nikolaianɛ ɔdɔ̃ kakasɛ mɛ evunɔ.

Kibui Bubú Kasɛ 2:6

Pɔ kɛgiku mɛawɔ̃ nɛ wɔshuɔ nu ɔsɛ, ɔgɛdɛmɛ nɔ nɛ Nikolainɛ ede azazã ebui bhɛbhɛtɛ asɛ kɛdɛmɛ gɛ mɛtsyɛ gɛ dɛmɛ balɛ ibui ana.

Banɔkpɛkpɛ Axɔ̃ɛ 15:22

Kɛlɛ banɔkpɛkpɛ nɛ̀ beshesheɛ ɔlɔkɔ ɔplɛnɔ ɔhaa petee adɛmɛ asɛ bebebu balɛ ahɔɛmɛ banɔ teli nɛ kɛzaa mɛ aplɛnɔ Paulo nɛ̀ Barnaba tɛ basɛsɛ alɛ nɛ Antioxia. Banunɔ gɛ bebuɔ balɛ enu, Yuda, (gɛbekulu tsyɛ asɛ Barsaba) nɛ̀ Sila, banɔ taabha alɛ enu otugbà banɔ nɛ ɔhaa nɛishi.

Banɔkpɛkpɛ Axɔ̃ɛ 2:4

Ɔfɔfuĩa Gbangbã otsoku balɛ pete mɛ, gɛ kɛkɔ ɔsɛ bakpà beluhũ ediedi uhu asɛ gɛ Ɔfɔfuĩa nɔkɔ balɛ kidzo ana.

Banɔkpɛkpɛ Axɔ̃ɛ 11:20

Beteli nɛ balɛ mɛ, banɔ gɛede Kipro nɛ̀ Kirene, bavɛ Antioxia pɛ badaaɖɔ kibuiɛ etseɖe Helanɛ tsyɛ, betseɖe balɛ kibui gbangbã nɛ Apalete Yesu shu.

Banɔkpɛkpɛ Axɔ̃ɛ 11:22

Kibui ɛlɛ baku ɔhaa gɛ̀ lɔlɛ̀ Yerusalemuɔ atɔ̃mɛ, kɛlɛ basɛsɛ Barnaba nɛ Antioxia.

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 11:27

Nɛ kibe ɛlɛ, bebuiɖɔluanɔ teli ede Yerusalem aba Antioxia.

Banɔkpɛkpɛ Axɔ̃ɛ 22:20

Kɛlɛ kibeɛ gɛ bazabalɛ̀ Stefano gɛetsi nɛ wɔɛtakpu dzyosu nɔ, ɛzã ɛkɛlɛ pɛ ɛzɛkpɛ balɛ kemi pɛ izipo bagɛ eyi yɛ akpɛkpɛ nɔ.’