Banɔkpɛkpɛ Axɔ̃ɛ 5:31 - Nyangbo New Testament

³¹ Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Banɔkpɛkpɛ Axɔ̃ɛ 5:31 Referans Kwoze

Banɔkpɛkpɛ Axɔ̃ɛ 2:33

Gɛ befeke yɛavɛnɔ Owusoso Akaa kɛŋãa mɛ ebekeɛ, ayɛkɛ Ɔfɔfuĩa Gbangbã gɛ batɔɖɔ elu akɔɛ odenɔ Akaa ɔkɔ kɛlɛ yɛtsyɛ ashɛnɛ ahɔɛ nɛ ɔlɛ shu asɛ gɛ nɔmɔ pɛ nolũɔ ana.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Yohanes 1 4:14

Kɛlɛ bɔmɔ pɛ bɔɖɔ kaɖɔ dalɛ kɛlɛ shu sɛ, Akaa yɛakpɛ Yɛeyiɛ sɛ tɛ̀ abayɛkɛ akɔ kanɔ nɔ̀ mɛ.

Hebrianɛ 2:10

Tɛ agbana beyianyɛ gelee amana ishu dadalɛ mɛɛ, kɛpɛ sɛ Owusoso Akaa gɛ yɛenu anunɔ gɛ yɛabhɛtɛ kɛka nyia ka, pɛ yɛahɔɛ mɛ bɔlɛ, sɛ tɛ abhɛtɛ Kristoɔ gɛ ebu ulɔ piapii nɔ, ɔgana bɔtɔ mɛ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Yuda 1:25

ishu dadalɛ, bukusi ŋaŋã, ohumi ɔkɔ Owusoso Akaa ete gɛenu anɔ gɛ ebu ulɔ, ɔgana Apalete Yesu Kristo abha, nɛ agɔ gɛ latɛ bafala petee mɛ, odenɔ otsiɛ ɔvɛnɔ tihɔɔ mɛ! Amen.

Petro 2 1:11

kɛlɛ nɔbɔ mɔ tɛtsyatyanà gbangbã otsoku ɔlɔ Apalete Yesu Kristoɔ gɛ ebu ɔlɔ yɛukusi ŋaŋã tihɔɔ nɔ mɛ.

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Filipianɛ 3:20

Pɔ bɔlɔ xɔnɔɔ, bɔlɛ epi alɛ itití. Kɛlɛ bulipo agɛ aba yɛkɛ kɔ ɔlɔ edenɔ ɛkɛlɛ gagalĩ, gɛenu Apalete Yesu Kristo,

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Korintoanɛ 2 2:10

Onupɛ nɔlɔkɔ tsye anɔ teliɛ, kɛlɛ mɛtsyɛ lɔkɔ tsye yɛ. Kɛlɛ kibui nɔnɔ gɛ ɛlɔkɔ tsyeɛ, onupɛ edzi asɛ kibui tili lɛ sɛ balɔkɔ etsye tsyɛ elo, ɛlɔkɔ kɛlɛ itsye nɛ Kristo amɛ nɛ wɔnɔ kɛtakpu so,

Banɔkpɛkpɛ Axɔ̃ɛ 13:23

Gana anyɛ alɛ yɛeshui alɛ nabhaa, Owusoso Akaa amana Yesu, anɔ gɛ ebebu alɛ asɛ kɛtɔɖɔ gɛ atɔɖɔ elu ana.

Banɔkpɛkpɛ Axɔ̃ɛ 4:11

“ ‘Yesu alɛ yɛenu, kɛklagbuɔ gɛ wɔnɔ bevũbhɔ nɔtɛ oluɔ, pɛ kɛlɛ badzi odekrekpu iklagbuɔ.

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.

Petro 2 2:20

Onupɛ bebu tɛtsɛɖɛ mɛ ashɛ nɛ kanɔ alɛ mɛ ebui kpa bhɛbhɛtɛ shu pɛ bebetì Apalete Yesu pɛ banyana yɛ mɛ evunɔ gagalĩ pɛ bezetsodzì avɛ ɛkpã kpa gɛ ɛlɛ batɛzã mɛɛ eɖi pɛ lɛŋã alɛ abha, kidegba ɛkpã gɛ babà zanàa bazĩ ɔdɛ ɛgɛ batɛzã bafala nɔ.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Tito 2:10

kɛlɛ beti zuru alɛ, pɔ kasɛ alɛ ɔsɛ ɔyɛkɛ alɛ abha ɔŋã, sɛ tɛ nɛ kidzo ka nyia ka abha bɔdɔ̃ kakasɛ gɛ bayɛkɛ nɛ Owusoso Akaa agɛ yɛebu ɔlɔ shu tɛ̀ apɔ ɔɖi.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.