Banɔkpɛkpɛ Axɔ̃ɛ 5:30 - Nyangbo New Testament

³⁰ Bɔlɔ akaalɛ Owusoso Akaa, yɛefeke Yesuɔ edenɔ bekpuɔ mɛ, anɔ gɛ nɔkpiisɔ̃ nɛ busi shu pɛ noyii.

Banɔkpɛkpɛ Axɔ̃ɛ 5:30 Referans Kwoze

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Banɔkpɛkpɛ Axɔ̃ɛ 10:39

“Bɔzã mɔ kɛka nyia ka gɛ abhɛtɛ nɛ Yudanɛ kesiakpa nabha nɛ̀ Yerusalem. Pɔ bakpalà yɛ nɛ osi shu yɛetsí.

Banɔkpɛkpɛ Axɔ̃ɛ 22:14

“Kɛlɛ etseɖe mɛ asɛ, ‘Bɔlɔ akaalɛ Owusoso Akaa yɛebú wɔ ɔsɛ tɛ otì kɛgɛ yɛapɛ nɔ, ɔsɛ tɛ̀ ɔmɔ Anɔ Dadalɛ, nɛ̀ tɛ olũ ebui edenɔ yɛolugbũ mɛ̀.

Banɔkpɛkpɛ Axɔ̃ɛ 13:33

akɔ kɛba ɛlɛ mɛ ɔkɔ bɔlɔ ginu yɛeyi alɛ, gɛ akɔ Yesu alɔ edenɔ bekpuɔ mɛ. Asɛ kɛfɔ̀nɔ gɛ bafɔnɔ elu nɛ ɛdzɛ keplukpa bhalà mɛ asɛ, “ ‘Wonù mɛeyianyɛ, oboɔ itsyina dzì woakaa.’

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Banɔkpɛkpɛ Axɔ̃ɛ 2:32

Owusoso Akaa efeke Yesu alɛ edenɔ bekpuɔ mɛ amana ɛkpã mɛ gɛ bɔlɔ pete zãmɔ kibui ɛlɛ ɔsɛ kɛba ɛlɛ mɛ kɛgbã.