Banɔkpɛkpɛ Axɔ̃ɛ 5:27 - Nyangbo New Testament

²⁷ Gɛ bagbana banɔkpɛkpɛ amana, bakɔ balɔɛititi nɛ ɔhamɛesheshèɛ namɛ tɛ banɔlũazazã gbagbla ebisi balɛ ebui.

Banɔkpɛkpɛ Axɔ̃ɛ 5:27 Referans Kwoze

Banɔkpɛkpɛ Axɔ̃ɛ 22:30

Gɛ keliɛ azaa, gɛ keyuiza anɔ gbagbla apɛ asɛ tɛ̀ etì kibui nɔnɔ shu sopɛ Yudanɛ alɔkɔ kibui nɛ Paulo shu soɔ, akɔ bebui nɛ ɔɖavũɔ mɛ kɛlɛ akɔ ɔsha asɛ banɔlũazazã gbagbla nɛ̀ ɔhamɛ besheshèɛ petee ebeshogò. Kɛlɛ agbana Paulo amana pɛ akɔ yɛalɔɛtití nɛ balɛ amɛ.

Banɔkpɛkpɛ Axɔ̃ɛ 6:12

Kliso baɖɔaɖɔ etsuifú akpɛ ɔma bɔnɔ besheshèɛ nɛ̀ ɔshadɔkasɛ mɛ. Bevũ Stefano kɛlɛ bagbana yɛamana Ɔhaesheshèɛ ɔkɔ.

Banɔkpɛkpɛ Axɔ̃ɛ 4:7

Bakɔ bagbanà Petro nɛ̀ Yohanes amana balɛ amɛ, kɛlɛ bakpa balɛ ebui ubisi asɛ, “Gana ohumi ɖuwoe abha alo kinye ɖuwoe nɔlɔkɔ ɔbhɛtɛ̀ kibui ɛlɛ nɔ?”

Banɔkpɛkpɛ Axɔ̃ɛ 5:21

Kelizaza nɛvɔlɔɔ, banɔkpɛkpɛ avɛ Owusoso Akaavũɔ shu kɛlɛ bakpà banunɔ bɔdɔ̃ ɔkasɛ asɛ gɛ betseɖe alɛ ana. Gɛ banɔlũazazã gbagbla nɛ̀ yɛɔbhia alɛ ebekuɔ, bekulu ɔhamɛesheshèɛ, gɛinu banɔ sheshè kɛzaa petee nɛ Israel, kɛlɛ bakpɛ banɔ nɛ banɔkpɛkpɛ gɛbakpɛ nɛ ɔɖavũɔ ɔkɔ.

Banɔkpɛkpɛ Axɔ̃ɛ 5:34

Pɔ Farisieyi teli gɛ bezekulu asɛ Gamaliel gɛ edzì ɔshadɔkasɛ pɛ banɔ adɛmɛ nɛ yɛɛ, aba alɔɛtití nɛ ɔhaesheshèɛ namɛ kɛlɛ akɔ ɔsha asɛ bebù banɔkpɛkpɛ eyinɔ ɔtɔ̃ ɛbɔɛ.