Banɔkpɛkpɛ Axɔ̃ɛ 5:26 - Nyangbo New Testament

²⁶ Klisoɔ, agɛeɖi akaavũɔ nabha ɔplɛnɔ yɛaxɔ̃ɛwɔaa avɛ adɛgbana banɔkpɛkpɛ amana. Bagɛ gbanà balɛ nɛ tɛgagalĩ mɛ, ɔmɔsɛ beesi kifù asɛ bagɛ akpasɛ bɔdɔ̃ ebehu alɛ aklagbu.

Banɔkpɛkpɛ Axɔ̃ɛ 5:26 Referans Kwoze

Banɔkpɛkpɛ Axɔ̃ɛ 5:13

Anɔ nanà agɛ kpɛ kemi pɛ etsoku balɛishi, pɔ banunɔ nyɔ̃ɔ azakpɛ kɛtakpu esi kɔ alɛ flogo.

Banɔkpɛkpɛ Axɔ̃ɛ 4:21

Gɛ bazakpɛ alɛ ɛkpã nɛifu ebekeɛ, bashɛnɛ ahɔɛ nɛ balɛishu. Bagɛ là atɔɖɔ kɛklagbu nɛ batɔ̃ pɔpɔ̃ ɔkɔ balɛ shu ɔmɔsɛ banunɔ nyɔ̃ɔ azakpɛ Owusoso Akaa nɛinyè nɛitití nɛ kɛgɛ ba ɛlɛ mɛ shu.

Banɔkpɛkpɛ Axɔ̃ɛ 5:24

Gɛ belũ kibui ɛlɛ, kɛbhɛtɛ agɛ eɖi akaavũɔ nabha nɛ̀ banɔlũazazã gbagbla nɛibi, gɛ begilũ kɛlɛ esi kɛlɛ bazã nɛ̀ ɔwɔ̃nyɔnɔ nɛ kɛgɛ badekoeyì nɛ kibui ɛlɛ mɛ.

Banɔkpɛkpɛ Axɔ̃ɛ 5:22

Pɔ gɛ bavɛ ediku ɔɖavũɔ shuɔ, ɔɖavũabha eɖiɖieleteɛ agɛ damɔ banɔkpɛkpɛ nɛuvũɔ mɛ, kliso betsyina avɛ edɛkɔ tititì,

Banɔkpɛkpɛ Axɔ̃ɛ 5:25

Kɛlɛ anɔ teli aba ebetseɖe balɛ asɛ, “Noɖio, banyɛ gɛ novũ ɔkpɛ ɔɖavũɔ, nɛ alɛ balɛ eli akaa vũɔ shu pɛ baakasɛ banunɔ ɔdɔ̃.”