Banɔkpɛkpɛ Axɔ̃ɛ 5:12 - Nyangbo New Testament

¹² Banɔkpɛkpɛ abhɛtɛ atsyindzye ebui gelee, nɛ̀ ebui gɛ labhɛtɛ kibì nɛ banunɔ nɛishi bamɔ. Kɛlɛ bayɛyɛkɛŋã petee ezeshogò nɛ Salomo Kagbaa mɛ.

Banɔkpɛkpɛ Axɔ̃ɛ 5:12 Referans Kwoze

Banɔkpɛkpɛ Axɔ̃ɛ 19:11

Owusoso Akaa abhɛtɛ atsyindzye ebui teli idi aganà Paulo abha,

Korintoanɛ 2 12:12

Kɛgɛ kɔ bamɔ anɔ ɔsɛ enu anɔ kpɛkpɛ yɛenu ebui bubukasɛ, ebui gɛ abhɛtɛ ibi nɛ̀ atsyindzye ebui alɛ babhɛtɛ nɛ wɔnɔɛshi nɛ kemikpɛkpɛ.

Hebrianɛ 2:4

Owusoso Akaa tsyɛ aɖɔaɖɔ adalɛ ɛlɛishu ɔgana ɔdɔ̃ tibubu kasɛ, ebui gɛ leku ifu nɛ̀ atsyindzye ebui edi edi mɛ, ɔlɔkɔ plɛnɔ Ɔfɔfuĩa Gbangbã ɔdɔ̃ ɔkɔkɔ nɛ yɛtɛdɛdɛ mɛ ulũ.

Banɔkpɛkpɛ Axɔ̃ɛ 14:3

Kliso Paulo nɛ̀ Barnaba azã ɛkɛlɛ nɛ ewui gele mɛ, pɛ bazaɖɔaɖɔ nɛ Apaleteɛ shu nɛ̀ ohumi. Kɛlɛ Apaleteɛ akɔ bamɔ yɛ tibhui bhuibu ibuiɛ ɔganà atsyindzye nɛ̀ ebui gɛ abhɛtɛ ibi gɛ akɔ babhɛtɛ mɛ.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Banɔkpɛkpɛ Axɔ̃ɛ 3:11

Kibeɛ gɛ anyɛ gɛ ezebisi bɔdɔ̃ atanyanã Petro nɛ̀ Yohanesiɛ, kɛbhɛtɛ banɔ nɔ petee ibi, kɛlɛ balɛ petee bu tsɛtsɛɖɛ mɛ avɛ balɛ ɔbha, nɛ ɛkɛlɛ gɛ beekulu asɛ, “Salomo Kagba mɛ.”

Banɔkpɛkpɛ Axɔ̃ɛ 4:30

Boele wɔahɔɛ mɛ tɛ obu banyãa, tɛ ɔbhɛtɛ atsyindzye ebui nɛ̀ ebui gɛ labhɛtɛ ibi ɔkasɛ alɛ ɔgana woeyi dadalɛ Yesu Kristo yɛinyeɛ mɛ.”

Banɔkpɛkpɛ Axɔ̃ɛ 1:14

Banɔ alɛ nyɔ̃ɔ abhɛtɛ tenikpo nɛ Owusoso Akaa tikukulu mɛ kibe nyia be ɔplɛnɔ badzɛ, nɛ̀ Maria gɛenu Yesu yɛelĩ nɛ̀ yɛadzya alɛ.

Banɔkpɛkpɛ Axɔ̃ɛ 16:18

Azã kibui ɛlɛ abha nɛ ewui gelee mɛ̀. Kidegba kɛbadɛ Paulo ulũ kɛlɛ etsyina kɛlɛ etseɖe ɔfɔfuĩa nɔ asɛ, “Nɛ Yesu Kristo kinye mɛɛ, ɛkpɛ ɔsha akɔwɔ ɔsɛ tɛ okoeyi nɛ adzɛnuvɔɛ nɔ mɛ!” Tsiɔ̃ ɔlɛ koɔ, ɔfɔfuĩa nɔ koeyi nɛ adzɛnuvɔɛ nɔ mɛ.

Banɔkpɛkpɛ Axɔ̃ɛ 9:40

Petro akakà banunɔ pete ebu nɛ buvũɔ mɛ, kɛlɛ edzu ekluisi esi pɛ ekulu kitití ayɛ. Kɛlɛ gɛ etsyina yɛamɛ akpɛ adzɛ ɔkɔɔ, etseɖe yɛasɛ, “Tabita, lɔɛtití!” Adalɛ yɛawuhũɔ kɛlɛ gɛ amɔ Petroɔ, alɔ azã kititì.

Banɔkpɛkpɛ Axɔ̃ɛ 9:33

Ɛkɛlɛ yɛadɛ̀ tɔnɔ anyɛ teli gɛ bezekului asɛ Ainea, anɔ gɛ agbã pɛ azã oputso abha agɔ tasɛ nɛ alɛ.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Banɔkpɛkpɛ Axɔ̃ɛ 28:9

Gɛ kibui ɛlɛ ba ɛlɛ mɛɛ, banyanyã gɔgɔɛ nɔ̀ nɛ aƒumɛ ketukpɔ alɛ nabha aba, kɛlɛ ebu banyã akɔ alɛ.