Banɔkpɛkpɛ Axɔ̃ɛ 4:13 - Nyangbo New Testament

¹³ Gɛ bamɔ kitèkpɛkpɛ nɛ Petro nɛ̀ Yohanes mɛ pɛ bamɔ asɛ betinu buplukpaeleteɛ, pɔ banɔ etee ko benuɔ, kɛbhɛtɛ balɛibi kɛlɛ babakà asɛ banɔ alɛ azã aplɛnɔ Yesu.

Banɔkpɛkpɛ Axɔ̃ɛ 4:13 Referans Kwoze

Korintoanɛ 1 1:27

Pɔɔ Owusoso Akaa alɔkɔ bɔga dɔdɔ ebuiɛ nɛ kanɔ nɔ̀ mɛ sɛ tɛ̀ alɔkɔ akpɛ bebutinɛ nawuĩ nɔ. Owusoso Akaa alɔkɔ bɔdɔ̃ gɛ bubotsoɔ akpɛ bɔgagalĩ nawuĩ nɔ.

Banɔkpɛkpɛ Axɔ̃ɛ 4:14

Pɔ gɛ bamɔ kɛkpatà gɛ bakɔ kɛlɛ shu mɛ gagalĩɛ eli kitití nɛ ɛkɛlɛ, bagamɔ kɛnɔnɔ gɛ babaɖɔ.

Banɔkpɛkpɛ Axɔ̃ɛ 4:19

Pɔ, Petro nɛ̀ Yohanes ebuiliulũ asɛ, “Nobhui kibui mɛ ɔkɔ shu ɔsɛ, kiɖuwoe gɛpɛ nɛ Owusoso Akaa namɛ ɔsɛ bɔbhɛtɛ, tɛ bulũ batɔ̃ akɔ wɔnɔ pɛnɔsɛ bulũ batɔ̃ ɔkɔ Owusoso Akaa.

Banɔkpɛkpɛ Axɔ̃ɛ 4:29

Otsi alɛ, Apalete, ɖi kɛkpɛ gɛ bakpɛ balɔ ɛkpã nɛifùɔ tɛ̀ ɔkpɛ̀ wɔaxɔ̃ɛdɛ niemi tɛ aɖɔaɖɔ nɛ bupù hohoe mɛ.

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Banɔkpɛkpɛ Axɔ̃ɛ 9:27

Pɔ Banaba agbanà yɛ kɛlɛ alɔkɔ yɛavɛnɔ banɔkpɛkpɛ. Etseɖe balɛ kana gɛ Saulo amɔ Apaleteɛ nɛ yɛidzo gagã mɛ, kana gɛ Apaleteɛ aɖɔaɖɔ niyɛ, ɔplɛnɔ kana gɛ adɛɖɔ kibui Gbangbã nɛ kifu masi masi mɛ nɛ Damasko nɛ Yesu kinyeɛ mɛɛ.

Banɔkpɛkpɛ Axɔ̃ɛ 9:28

Kliso Saulo azã balɛ ɔbha pɛ azagã afala nɛ ishu yɔyɔ mɛ̀ nɛ̀ Yerusalem ɔmamɛ pɛ azaɖɔaɖɔ nɛ Apalete nɛinyeɛ mɛ.

Korintoanɛ 1 14:25

kɛlɛ ebui kpukpũɔ gɛ akpasɛ yɛitúɔ mɛ ebebu alɛishu kasɛ. Klisoɔ ebezhi nì ekluisi esi pɛ abakpɛ Owusoso Akaa nɛitití nɛ̀ ozĩ asɛ, “Owusoso Akaa akpasɛ wɔnɔɛishi kɛgbã!”

Korintoanɛ 2 3:12

Kliso gɛ buɖi kidzo mɛ ɔkɔ ebui alɛ, kifù tiyi bɔlɔ.