Banɔkpɛkpɛ Axɔ̃ɛ 3:18 - Nyangbo New Testament

¹⁸ Pɔ, kana Owusoso Akaa abhɛtɛ kɛgɛ aɖɔ elúɔ ɔgana yɛebuiɖɔluanɔ nabha gɛ aɖɔ asɛ, yɛ Kristoɔ abamɔ bɔtɔ.

Banɔkpɛkpɛ Axɔ̃ɛ 3:18 Referans Kwoze

Banɔkpɛkpɛ Axɔ̃ɛ 2:23

Owusoso Akaa yɛalɔkɔ anyɛ alɛ akpɛ ahɔɛ akɔ wɔnɔ nɛ yɛ tɛpɛpɛ nɛ̀ kɛgɛ apɛ asɛ tɛ̀ kɛba ɛlɛ mɛ̀ nulũ. Kɛlɛ wɔnɔɔ, atakpu mɛ gagalĩ elete aplɛnɔ ɔnɔ pɛ noyii ɔganà yɛ tɛkpakpalà nɛ osi shu.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Petro 2 1:21

Ɔmɔsɛ kibui gɛ baɖɔ eluɔ tide anɔ nanà tɛpɛpɛ ulũ, banɔ aɖɔaɖɔ odenɔ Owusoso Akaa ɔkɔ gɛ onupɛ Ɔfɔfuĩa Gbangbã gbanà alɛ kanà.