Banɔkpɛkpɛ Axɔ̃ɛ 3:11 - Nyangbo New Testament

¹¹ Kibeɛ gɛ anyɛ gɛ ezebisi bɔdɔ̃ atanyanã Petro nɛ̀ Yohanesiɛ, kɛbhɛtɛ banɔ nɔ petee ibi, kɛlɛ balɛ petee bu tsɛtsɛɖɛ mɛ avɛ balɛ ɔbha, nɛ ɛkɛlɛ gɛ beekulu asɛ, “Salomo Kagba mɛ.”

Banɔkpɛkpɛ Axɔ̃ɛ 3:11 Referans Kwoze

Banɔkpɛkpɛ Axɔ̃ɛ 5:12

Banɔkpɛkpɛ abhɛtɛ atsyindzye ebui gelee, nɛ̀ ebui gɛ labhɛtɛ kibì nɛ banunɔ nɛishi bamɔ. Kɛlɛ bayɛyɛkɛŋã petee ezeshogò nɛ Salomo Kagbaa mɛ.

Banɔkpɛkpɛ Axɔ̃ɛ 2:6

Gɛ belũ ozĩ ɔlɛɛ, banɔɛza gbagbla tili bashogò kɛlɛ kɛbhɛtɛ balɛibi, ɔmɔsɛ anɔ nyia anɔ elũ ebuiɛ gɛ baɖɔɔ nɛ yɛulũhũ mɛ.

Banɔkpɛkpɛ Axɔ̃ɛ 3:3

Gɛ amɔ Petro nɛ̀ Yohanes gɛ bavɛ editsoku Akaavũɔ mɛɛ, ebisi balɛ asɛ tɛ bakɔɛ ehoeyi.

Banɔkpɛkpɛ Axɔ̃ɛ 3:4

Petro nɛ̀ Yohanes belu awɔ̃ eɖii, kɛlɛ Petro etseɖe yɛasɛ, “Ɖi bɔlɔ!”

Banɔkpɛkpɛ Axɔ̃ɛ 3:12

Gɛ Petro amɔ kibui ɛlɛ, ebisi balɛ asɛ, “Israelanɛ, kiɖe sopɛ kibui ɛlɛ bhɛtɛ wɔnɔɛ bi ana? Kiɖe sopɛ noyelè bɔlɔ ana asɛ onupɛ bɔlɔ ahɔɛ ohumi alo Owusoso Akaa mɛ tɛzazã so pɛ kɛkpatà ɛlɛ gã dza?”