Banɔkpɛkpɛ Axɔ̃ɛ 28:28 - Nyangbo New Testament

²⁸ “Kliso ɛpɛ ɔsɛ tɛ̀ notì ɔsɛ basɛsɛ Owusoso Akaa yɛanɔ bubu lu ɔkɔ ɛkpã nɛ bagɛ betinu Yudanɛ ɔkɔ, kɛlɛ balɛ xɔnɔ abà taatɔ̃ nɛ̀ kibuiɛ!”

Banɔkpɛkpɛ Axɔ̃ɛ 28:28 Referans Kwoze

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 18:6

Pɔ gɛ Yudanɛ alɔɛtití nɛ Paulo shu nɛ̀ akwalatu ebui soɔ, eshuku yɛakpɛkpɛ akasɛ balɛ asɛ, “Wɔnɔ dzosu nɔ aba wɔnɔ atakpu nabha! Ɛbhɛtɛ mɛ ɔbhɛtɛ ɔkɔ. Odenɔ otsiɛ ɔvɛnɔɔ, ɛbavɛ bagɛ betinu Yudanɛ ɔkɔ.”

Banɔkpɛkpɛ Axɔ̃ɛ 15:17

ɔsɛ tɛ banɔ gɔgɔɛ nɔ tsyɛ atɔnɔ Apaleteɛ niede, ɔplɛnɔ bagɛ etinu Yudanɛ petee gɛ mɛinyeɛ lɛ balɛishuɔ. kana Apaleteɛ gɛ abhɛtɛ ebui alɛ aɖɔ,

Banɔkpɛkpɛ Axɔ̃ɛ 15:14

Simon gɛenu Petroɔ ashɔrɔ bɔlɔ kana gɛ putɔnɔ Owusoso Akaa akasɛ yɛ tili tɛlɔlɔkɔ nɛ kibuɔ gɛ ebu banɔ edenɔ bagɛ etinu Yudanɛ mɛ akɔ yɛishu.

Banɔkpɛkpɛ Axɔ̃ɛ 14:27

Gɛ bediku Antioxia nɔ, beshogo ɔha kɛlɛ bakɔ alɛ tititì nɛ ebuiɛ gɛ Owusoso Akaa abhɛtɛ aganà balɛ abha, nɛ̀ kana gɛ adalɛ idzo akɔ tɛyɛyɛkɛŋã ɔkɔ bagɛ etinu Yudanɛ.

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Romanɛ 4:11

Kɛlɛ Abraham ayɛkɛ kɛhɔ̃a bhui bhui ibui, gɛ kidzi kɛklagbu tɔtɔɖɔ nɛ yɛanɔ gbangbã gɛ balɔkɔɛ odenɔ tɛyɛyɛkɛŋã mɛ, gɛ ekebhui kɛhɔ̃a flogo. Kɛlɛ yɛedzi Akaa akɔ bagɛ bayɛkɛ aŋã, pɔ begibhui kɛhɔ̃a flogo, denɔ kɛlɛ mɛɛ sɛ tɛ balɔkɔ alɛ asɛ benu banɔ gbangbã.

Romanɛ 11:11

Ezebisì asɛ, Israel akpata bɔdɔ̃ adɔ oboè pɛ azalà alɔ odenɔ nɛ ɛkɛlɛ dza? Ao, kɛma kɛlɛ mɛ ana! Nɛ Yudanɛ ebui kpa bhɛbhɛtɛ soɔ, tibubu tsyina vɛ bagɛ betinu Yudanɛ ɔkɔ sɛ tɛ kidzi awuhũdzadzã ibui ɔkɔ Israelanɛ.

Banɔkpɛkpɛ Axɔ̃ɛ 13:38

“Kliso mɛadzya alɛ mɔ, ɛpɛ sɛ noti ɔsɛ, gana Yesu abhaa, baɖɔ ebui kpa tɛlɔlɔkɔ tsye ebui etseɖe wɔnɔ.”

Banɔkpɛkpɛ Axɔ̃ɛ 13:26

“Mɛadzya alɛ mɔ, Abraham yɛeshui alɛ, nɛ̀ wɔnɔ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, bɔlɔ so pɛ basɛsɛ kibui ɛlɛ gɛ kɛyɛkɛ banɔ lù nɛ ɛkpã.

Banɔkpɛkpɛ Axɔ̃ɛ 2:14

Petro nɛ̀ yɛɔhayɛ lɔfɔ nɛ̀ toliɛ alɔɛtití pɛ aɖɔaɖɔ etseɖe banɔɛza asɛ, “Mɛɔhayɛ Yudanɛ nɛ̀ wɔnɔ bagɛ alɛ Yerusalemuɔ petee, nɔkɔ mɛibu ebui alɛ esi ɔkɔ wɔnɔ, nɔtaatɔ tɛ̀ nolũ kɛgɛ ɛbaɖɔ tseɖe wɔnɔ piapii.

Banɔkpɛkpɛ Axɔ̃ɛ 4:10

kɛlɛ wɔnɔ nɛ̀ Israelanɛ petee notì kibui ɛlɛ ɔsɛ, kinù kibui gɛgã Yesu Kristo Nazareteyiɛ yɛinyeɛ mɛ, anunɔ gɛ nɔdɛ kpalà nɛ osi shuɔ pɛ Owusoso Akaa efeke yɛ edenɔ bekpuɔ mɛɛ, yɛakɔ asɛ anyɛ alɛ gɛeli wɔnɔ amɛ ishumɛ gagalĩ.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 28:29

Gɛ aɖɔ kibui ɛlɛ ebekeɛ, Yudanɛ ashɛ pɛ baza wlɔãkɛ kibui gagalĩ nɛ bagɔlɔ mɛ.