Banɔkpɛkpɛ Axɔ̃ɛ 28:23 - Nyangbo New Testament

²³ Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 28:23 Referans Kwoze

Banɔkpɛkpɛ Axɔ̃ɛ 19:8

Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.

Banɔkpɛkpɛ Axɔ̃ɛ 18:28

Ɔmɔsɛ awzalɔ̃akɛ ebui nɛ̀ Yudanɛ nɛ ɔmaɛshi ebuimɛ pɔpɔɛ shu, pɛ azadalɛ ebuiɛ mɛ edenɔ Owusoso Akaa ebui fɔfɔnɔ mɛ ɔsɛ Yesu yɛenu Kristoɔ.

Banɔkpɛkpɛ Axɔ̃ɛ 26:6

Kɛlɛ otsiɛ nɔ, kidzoɔ mɛ gɛiɖi ɔkɔ kɛgɛ Owusoso Akaa atɔɖɔ elú akɔ bɔlɔ akaalɛ sopɛ beekulu kebhu nɛ̀ mɛ oboɔ.

Banɔkpɛkpɛ Axɔ̃ɛ 8:35

Kɛlɛ Filipo akpɛ esi edenɔ yɛibuiɛ gɛ akalà nabha kɛlɛ etseɖe Yesu shu kibui gbangbã.

Banɔkpɛkpɛ Axɔ̃ɛ 18:4

Azabhɛtɛ ekpeɖekpeɖe mɛ aplɛnɔ balɛ nɛ Kimoelewui ka nyia ka abha, pɛ apɛ asɛ tɛ̀ ebu ebui mɛ kɔ Yudanɛ nɛ̀ Helanɛ.

Filimon 1:2

bɔsɛsɛ Apia gɛenu bɔlɔ ada, nɛ̀ Arxipo bɔlɔ ɔhagbo keyuta nɛ̀ ɔhaa gɛɔtɔ̃ ɛtakpu nɛ wɔ ɔpãmɛ keplukpa alɛ.

Banɔkpɛkpɛ Axɔ̃ɛ 1:3

Nɛ yɛɔtɔ gɛamɔ niedeɛ, ebu yɛishu akasɛ balɛ kɛlɛ abhɛtɛ kɛlɛ asɛ tɛ betì asɛ alɛ nɛ̀ ɛkpã. Ebu yɛishu akasɛ balɛ nɛ ewui afɛtalɛ nɛ̀ tɔtɔɖɔ mɛ pɛ azaɖɔaɖɔ nɛ Owusoso Akaa ukusi ŋaŋã shu.

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Banɔkpɛkpɛ Axɔ̃ɛ 28:31

Gɛ ananà egidzu ahɔɛ nɛ yɛabha soɔ, aɖɔ Owusoso Akaa bukusiŋaŋã kibuiɛ nɛ bupù mɛ, kɛlɛ akasɛ bɔdɔ̃ nɛ Apalete Yesu Kristo shu.

Filimon 1:22

Kɛlɛ kibui tinikpo katɔ, woese befu ɔtsɛkɔ olú ɔkɔ mɛ, ɔmɔsɛ iɖi idzomɛ ɔsɛ ɛbà tsodzì bà wɔ ɔbha tɛ̀ Owusoso Akaa gɛ okuluɔ ba ɛlɛ mɛ.