Banɔkpɛkpɛ Axɔ̃ɛ 28:22 - Nyangbo New Testament

²² Pɔ bɔpɛ sɛ tɛ̀ bulũ kɛgɛ ɔmɔ nɛ kɛlɛ shuɔ, ɔmɔsɛ bunyi sɛ banunɔ nɛ ɔkɔ nyia ɔkɔ aɖɔaɖɔ nɛ ɔhakpa alɛ shu.”

Banɔkpɛkpɛ Axɔ̃ɛ 28:22 Referans Kwoze

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Korintoanɛ 1 11:19

Ɔmɔsɛ kɛlɛ sɛ tɛ̀ ɔtɔbubu ɔzã wɔnɔɛishi, tɛ̀ kɛkasɛ wɔnɔ mɛ anunɔ abha gɛ Owusoso Akaa atɔɖɔ ahɔɛ.

Banɔkpɛkpɛ Axɔ̃ɛ 26:5

Benyi mɛ kibè dzlolo nɛ ɛlɛ, kɛlɛ babalà aɖɔaɖɔ adalɛ kɛlɛ shu, onupɛ badɛmɛ, sɛ idzì Farisieyi, banɔ gɛ bagagalĩ nɛ ɔshaa gɛ̀ ɛlɛ kpà plɛnɔ bɔlɔ ɛkɔɔ shuɔ mɛ.

Banɔkpɛkpɛ Axɔ̃ɛ 15:5

Kɛlɛ bayɛyɛkɛŋã teli gɛede Farisianɛ kɛzaa mɛ alɔ kititi kɛlɛ baɖɔ asɛ, “Kɛlɛ ɔsɛ bebhui kɛhɔ̃a akɔ bagɛ betinu Yudanɛ tɛ̀ bebisi edenɔ balɛ ahɔɛ mɛ asɛ babhɛtɛ atɔɖɔ Mose ɔsha nabha.”

Banɔkpɛkpɛ Axɔ̃ɛ 5:17

Kɛlɛ banɔlũazazã gbagbla nɛ̀ yɛɔbhialɛ gɛenu Zadukianɛ kɛza mɛ anunɔ, balɔkɔ kabhã wɔawlɔakɛ.

Romanɛ 1:8

Iputɔ, ihu mɛ Owusoso Akaa ahɔɛ nɛ wɔnɔ ɛtakpu ɔgana Yesu Kristo abha, ɔmɔsɛ baɖɔ wɔnɔ tɛyɛyɛkɛŋã ibui afala nɔ nɛ kanɔ nɔ̀ mɛ nyɔ̃ɔ.