Banɔkpɛkpɛ Axɔ̃ɛ 28:15 - Nyangbo New Testament

¹⁵ Badzya nɛ ɛkɛlɛ etilũ asɛ bɔɔbà, kliso baba tsyana ɔlɔ avɛnɔ ɔkɔ dzlolo gɛonu Apio kedziɛ mɛ nɛ̀ beefù ɔtsɛkɔ. Gɛ Paulo anyamɔ banyɛ alɛ koɔ kɛlɛ ehu Owusoso Akaa nɛahɔɛ pɛ kemikpɛkpɛ eku yɛ mɛ.

Banɔkpɛkpɛ Axɔ̃ɛ 28:15 Referans Kwoze

Hebrianɛ 13:3

Nɔbaka bagɛ alɛ ɔɖavũɔ mɛ, asɛ wɔnɔ nɛ alɛ bakpɛ nɛ ɔɖavũɔ mɛ ana, kɛlɛ bagɛ bawɔa alɛ ɔnyɔnyɔ̃ nɔ, ɔmɔ asɛ wɔnɔ tsyɛ wɔnɔ mɔ ɔtɔ ɔlɛ ana.

Romanɛ 15:24

ɛtɔɖɔ sɛ tɛ mɛba wɔnɔ ɔkɔ nɛ kibeɛ gɛ ɛvɛ Spania. Kibui tɔtɔɖɔ kinu ɔsɛ tɛ mɛiku wɔnɔ ɔkɔ nɛ kibeɛ gɛ ɛfala pɛ ɛvɛɛ, kɛlɛ tɛ mɛbabisi tɛpɛplɛnɔ odenɔ wɔnɔ ɔkɔ nɛ kidzoɔ tɛgagã mɛ, onupɛ ɛzã wɔnɔ ɔbha kɛbɔɛ nɔ.

Galatianɛ 4:14

Gɛ mɛ bɔnyã dɔdɔ dzì tifefekeɖi ɔkɔ wɔnɔ tsyɛ elo, ɛgɛ iku wɔnɔ ɛnyɛnyɛ̃. Pɔ, nɔyɛkɛ mɛ asɛ onupɛ Owusoso Akaa axɔ̃ɛdɛ mɛinu dza, asɛ gɛ onupɛ mɛinu Kristo Yesuɔ dza.

Banɔkpɛkpɛ Axɔ̃ɛ 21:5

Pɔ gɛ bɔlɔ kibeɛ naa, bɔshɛ kɛlɛ bɔvɛ bɔlɔ kidzo gagã nabha. Badɔkpasɛanɛ petee, balɛ edzinì nɛ̀ balɛ̀ eyi alɛ nyɔ̃ɔ azã bɔlɔ kede pɛ bagbana ɔlɔ koeyinɔ nɛ ɔmamɛ, kɛlɛ budzu ekluisi esi nɛ aƒu nɔtɔ̃ pɛ bukulu Owusoso Akaa.

Banɔkpɛkpɛ Axɔ̃ɛ 10:25

Gɛ Petro etsoku bɔpã mɛɛ, Kornelio abatsyana yɛ kɛlɛ edzu ekluisi esi nɛ yɛotugbà tɛ alɔkɔ akasɛ ishu esi zhizhinɔ ɔkɔɛ.

Tesalonikanɛ 1 3:7

Klisoɔ, mɛ adzya alɛ mɔ, nɛ bɔlɔ ɔwɔ̃nyɔnɔ nɛ kede tɛtɔtɔnɔ pete mɛɛ, nɔzɔkpɛ bɔlɔ kemì nɛ wɔnɔ tɛyɛyɛkɛŋã shu.

Korintoanɛ 2 2:14

Pɔ ahɔɛhuhu yɛenu Owusoso Akaa ayɛ, anɔ gɛ agbana bɔlɔ kibe nyia be sɛ tɛ bɔŋã kabha nɛ Kristo mɛ, kɛlɛ gana bɔlɔ abhaa yɛ bubutì kɛlɛɛ huhuhuɔ fu vɛ ɔkɔ nyia ɔkɔ.

Banɔkpɛkpɛ Axɔ̃ɛ 1:15

Nɛ ewui alɛ mɛɛ, Petro alɔɛtití nɛ bayɛyɛkɛŋã nɛishi (gɛ balɛ kɛzaa tɛkaklà mɛ bazã asɛ banɔ kɛkpã zɛzɛ̃ nɛ̀ afɛtaabha ana)

Banɔkpɛkpɛ Axɔ̃ɛ 10:23

Kliso Petro ayɛkɛ banyɛ akpɛ yɛɔpã mɛ asɛ yefù ana. Gɛ keliɛ azaa, Petro avɛ nɛ̀ balɛ, kɛlɛ badzya teli nɛ Yopa tsyɛ atɔnɔ balɛ avɛ.

Banɔkpɛkpɛ Axɔ̃ɛ 11:1

Banɔkpɛkpɛ nɛ̀ bagɛ ayɛkɛ aŋã nɛ Yudea bɔdɔ̃ mɛ pete ebelũ asɛ bagɛ betinu Yudanɛ tsyɛ ayɛkɛ Owusoso Akaa nɛibuiɛ.

Banɔkpɛkpɛ Axɔ̃ɛ 11:12

Ɔfɔfuĩa nɔ otseɖe mɛ ɔsɛ, ɛlɔ tɔnɔ̀ alɛ ɔvɛ. Badzya tehlo alɛ tsyɛ avɛ aplɛnɔ mɛ, kɛlɛ budiku anyɛ nɔpã mɛ.

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 28:14

Ɛkɛlɛ bɔdɛ tɔnɔ badzya teli gɛ bekulu ɔlɔ asɛ bɔzã balɛ ɔbha ɔgɔnɛ zɛzɛ. Ɛkɛlɛ bɔlɔde pɛ budiku Roma.