Banɔkpɛkpɛ Axɔ̃ɛ 27:24 - Nyangbo New Testament

²⁴ pɛ aɖɔ asɛ, ‘Paulo, tɛosi kifù. Kɛlɛ ɔsɛ ɔbà kebhu mɛ nɛ Romanɛ Ekusi Gbagbla namɛ, kɛlɛ Owusoso Akaa etibhui wɔnɛ bagɛ nɔgã kelĩabha kidzoɔ ɛkpã ebú.’

Banɔkpɛkpɛ Axɔ̃ɛ 27:24 Referans Kwoze

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Yakobo 5:16

Kliso nɔdalɛ ɔnɔ ebui kpa mɛ ɔkɔ bagɔlɔ, tɛ nokulu Owusoso Akaa ɔkɔ bagɔlɔ tɛ kɛkɔ ɔsɛ nɔmɔ ishu mɛ gagalĩ. Bupu lɛ anɔ gbangbã yɛ Akaa tikukulu mɛ kɛlɛ kɛwɔa axɔ̃ɛ tsyɛ popopo.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Kibui Bubú Kasɛ 1:17

Gɛ ɛmɔ yɛ, izhi kumu nɛ yɛotugbà ɔmɔ asɛ anɔtsitsí ana. Pɔ alɔkɔ yɛŋã ahɔɛ atɔɖɔ mɛabha pɛ etseɖe mɛasɛ, “Tɛ osí ifu. Mɛinu agɛ Eputɔ nɛ̀ Agɔgɔɛ nɔ.

Banɔkpɛkpɛ Axɔ̃ɛ 27:37

Bɔlɔ banunɔ petee gɛzã kelĩabhaohuɔ mɛ azã akpã taabha nɛ̀ afɛtegegene nɛ̀ tehlo.

Banɔkpɛkpɛ Axɔ̃ɛ 27:44

Bagɔgɔɛ nɔ xɔnɔ azã isikpã nɛ̀ kelĩabhaohuɔ gɛɔyɛɛ nɔ̀ busipɛ̃ nabha, kɛlɛ nɛ kidzo ɛlɛ abhaa, aka nyia aka ezhi eku kesiakpa nabha nɛ ishu yɔyɔ mɛ.

Banɔkpɛkpɛ Axɔ̃ɛ 25:11

Onupɛ edzi asɛ kibui kpa tili mɛbhɛtɛ pɛ kɛshɔnɔ ɔkɔ butsì tsyɛ elo, ɛgɛɖɔ ɔsɛ ititsì. Pɔ onupɛ edzì asɛ ebuiɛ gɛ Yudanɛ alɔkɔ nɛ mɛishu etinu ebui gbãa, anɔ nanà agɛmɔ kidzo tɛ̀ alɔkɔ mɛ akpɛ balɛ ahɔɛ mɛ. Ɛkɔ wɔ Kaisaro kɛtakpu ɔsɛ tɛ olũ mɛ kibui ɛlɛ!”

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Banɔkpɛkpɛ Axɔ̃ɛ 27:31

Kɛlɛ Paulo etseɖe keyuiza anɔ gbagbla nɛ̀ buyuadɛdɛ asɛ, “Odiyinɔ̀ ɔsɛ banyɛ alɛ azã kelĩabhaohuɔ mɛɛ, bɔtɛ bazã nɛkpã.”

Banɔkpɛkpɛ Axɔ̃ɛ 27:42

Buyuadɛdɛ anɔ nɔ̀ atɔɖɔ ɛlɛ asɛ tɛ̀ beyì ɔɖavũmɛ azazã, tɛ balɛ ɔmayɛmɛ anɔ nanà etibè de bulĩɛ tɛ ebù tɛtsɛɖɛmɛ ashɛ.

Filimon 1:22

Kɛlɛ kibui tinikpo katɔ, woese befu ɔtsɛkɔ olú ɔkɔ mɛ, ɔmɔsɛ iɖi idzomɛ ɔsɛ ɛbà tsodzì bà wɔ ɔbha tɛ̀ Owusoso Akaa gɛ okuluɔ ba ɛlɛ mɛ.