Banɔkpɛkpɛ Axɔ̃ɛ 27:23 - Nyangbo New Testament

²³ Kivũɔ elishiɛ, Owusoso Akaa axɔ̃ɛdɛ teli gɛ ɛkpɛ kɛtakpu esì ɔkɔɔ ebu yɛishu akasɛ mɛ

Banɔkpɛkpɛ Axɔ̃ɛ 27:23 Referans Kwoze

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Banɔkpɛkpɛ Axɔ̃ɛ 5:19

Pɔ gɛ elishiɛ anaa, Apaleteɛ yɛaxɔ̃ɛdɛ teli adɛ dalɛ ɔɖavũɔ budulũɔ kɛlɛ agbanà alɛ ekoeyì.

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ

Banɔkpɛkpɛ Axɔ̃ɛ 18:9

Elishi tenikpo Apaleteɛ aɖɔaɖɔ etseɖe Paulo nɛ kɛdɔ̃ mɔmɔ mɛ ɔsɛ, “Tisì kifù, zã kɛlɛ abha tɛ̀ ɔzɔɖɔ kaɖɔɔ, tɛ̀ dã olugbũ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Banɔkpɛkpɛ Axɔ̃ɛ 8:26

Apaleteɛ yɛaxɔ̃ɛdɛ teli ebetseɖe Filipo asɛ, “Lɔ tɛ ɔvɛ kidzoɔ gɛlɛ kanɔ nɔ̀ bɔpialɛ ɔkɔ, oxui kidzoɔ gɛizhi odenɔ Yerusalem pɛ kɛvɛ Gaza nɔ.”

Kibui Bubú Kasɛ 22:16

Mɛinu Yesuɔ, gɛ ɛkpɛ mɛaxɔ̃ɛdɛ sɛ tɛ adalɛ ebui alɛ shu akɔ wɔ tɛ odi tseɖe bahameɛ. Mɛinu David yɛogu nɛ̀ Yɛeshui nɔ, nɛ̀ Kɛvɔlɔ Ɛwɔ̃ɛ gɛ kɔ tɛdadalɛɛ.”

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Timoteo 2 2:24

Pɔ kɛma ɔsɛ Apaleteɛ axɔ̃ɛdɛ apɛ ebelá, pɔ, kɛlɛ sɛ yɛyamɛ pɛ ɔkɔ aka nyia aka, kɛlɛ sɛ alà bɔdɔ̃ akasɛ, atɛza akpɛ ɔmɔpɔɛ.

Timoteo 2 1:3

Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Korintoanɛ 1 6:20

budzi bedzi wɔnɔ nɛ kedzi tieli. Klisoɔ, nɔkpɛ Owusoso Akaa nɛinye nɛ kititi nɛ wɔnɔ ishupiɛ.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Banɔkpɛkpɛ Axɔ̃ɛ 16:17

Adzɛnuvɔɛ nɔ atɔnɔ Paulo nɛ̀ bɔlɔ bagɔgɔɔ pɛ akpɛ ozĩ asɛ, “Banyɛ alɛ enu Kititiayɛ Gbagbla yɛaxɔ̃ɛdɛ, gɛ etseɖe wɔnɔ kidzo nɔnɔ abha gɛ baba yɛkɛ wɔnɔ elú ɛkpã.”

Banɔkpɛkpɛ Axɔ̃ɛ 12:23

Gɛ Herodes agɛkpɛ Owusoso Akaa nɛinyè nɛitití soɔ, tsiɔ ɔlɛ koɔ, Apaleteɛ yɛaxɔ̃ɛdɛ teli ebehui ebho, kɛlɛ asɔ̃ abaŋãyɛ pɛ etsi. (Anɔkpa yɛedzì kɛlɛ so pɛ baɖɔ asɛ asɔ̃ aŋã yɛ pɛ̀ etsi.)