Banɔkpɛkpɛ Axɔ̃ɛ 27:1 - Nyangbo New Testament

¹ Kibeɛ gɛ bebhui kibui mɛ ɔsɛ bɔbàgã kelĩabha kidzo ɔvɛ Italia nɔ̀, balɔkɔ Paulo nɛ̀ ɔɖavũmɛ azazã anɔ teli kpɛ ahɔɛ akɔ keyuiza anɔ gbagbla gɛ alɛ buyuadɛdɛ akpã ulũ pɛ bezekulu yɛasɛ Yulio ahɔɛ mɛ, anɔ gɛ ewuli akà kpasɛ keyuiza ovolo toli mɛ.

Banɔkpɛkpɛ Axɔ̃ɛ 27:1 Referans Kwoze

Banɔkpɛkpɛ Axɔ̃ɛ 25:25

Ɛbamɔ ɔsɛ̀ agɛ bhɛtɛ kibui kpa nanà, gɛ kɛshɔnɔ ɔkɔ butsí, pɔ gɛ ebisi asɛ kɛmadi Ekusi Gbagbla elũ yɛibuiɛ soɔ, ɛbhɛtɛ ekpeɖekpeɖe mɛ ɔsɛ ɛbalɔkɔ yɛ sɛsɛ Roma.

Banɔkpɛkpɛ Axɔ̃ɛ 25:12

Kibeɛ gɛ Festo adɛtɔ̃ kɛtakpu nɛ̀ yɛ ɔmaesheshèɛ ebekeɛ, adalɛ ɛlɛ mɛ asɛ, “ɔkɔ kɛtakpu ɔsɛ kebhuɔ avɛ Kaisaro ɔkɔ kliso, Kaisaro ɔkɔ wɔbɔ̀ vɛ!”

Banɔkpɛkpɛ Axɔ̃ɛ 10:1

Nɛ Kaisarea nɔ, anyɛ teli azã gɛ bezekulu yɛasɛ Kornelio, edzi anɔ gɛ agbana keyuiza asɛ banɔ akpã gɛ bezekulu asɛ Italia Keyuizaa.

Banɔkpɛkpɛ Axɔ̃ɛ 27:11

Pɔ keyuiza anɔ gbagbla, gɛ agɛ pɛ asɛ tɛ̀ elũ Paulo ibuiɛ soɔ, avɛ edilũ agɛ yɛegè kelĩabhaohuɔ nɛ̀ ɔlɛ elete nɛibuiɛ.

Banɔkpɛkpɛ Axɔ̃ɛ 18:2

Ɛkɛlɛ yɛadɛ tɔnɔ Yudaeyi teli gɛ bezekulu yɛasɛ Akwila, anɔ gɛede Ponto. Yɛnɛ yɛedzini Priskila ede Italia aba ɛkɛlɛ kiwui kadze, ɔmɔsɛ ekusi Kaisaro Klauda akɔ ɔsha asɛ Yudanɛ petee ashɛ nɛ Roma. Paulo avɛ asɛ ediɖi alɛ,

Hebrianɛ 13:24

Nɔsɛnɔ bagɛ agbana ɔnɔ nɛ̀ Owusoso Akaa anɔ petee. Bagɛ bede Italia aba pete asɛnɔ ɔnɔ.

Banɔkpɛkpɛ Axɔ̃ɛ 28:16

Gɛ budiku Roma nɔ̀, bashɛnɛ ahɔɛ nɛ Paulo shu asɛ tɛ̀ azã yɛishu ahɔɛ mɛ tɛ̀ keyuadɛdɛ tenikpo azãpoe.

Banɔkpɛkpɛ Axɔ̃ɛ 27:43

Pɔ gɛ keyuiza anɔ gbagbla apɛ asɛ tɛ̀ ebù Paulo xɔnɔ eyìnɔ nɛ ɛlɛ mɛ soɔ, agɛkɔ balɛ kidzò. Etseɖe bagɛ babalà bulĩɛ edoɔ asɛ beputɔ̀ atɛɛ ekoeyì nɛ kelĩabhaohuɔ mɛ tɛ̀ bavɛ kesiakpa.

Banɔkpɛkpɛ Axɔ̃ɛ 27:6

Ɛkɛlɛ keyuiza anɔ gbagbla amɔ Aleksandro kelĩabhaohu gɛ lɔvɛ Italia, kɛlɛ akɔ bukù ɔlɛ.

Banɔkpɛkpɛ Axɔ̃ɛ 24:23

Akpɛ keyuadɛdɛ anɔ gbagbla ɔsha asɛ tɛ̀ akɔ bazã epó Paulo piapii, pɔ akɔ yɛazã yɛishu ahɔɛ mɛ tɛ̀ akɔ yɛbhia alɛ ebeɖi yɛabha nɛ̀ kɛgɛ yɛapɛɛ nɔ.

Banɔkpɛkpɛ Axɔ̃ɛ 23:17

Kɛlɛ Paulo ekulu keyuadɛ anɔ gbagbla tenikpo pɛ etseɖe yɛasɛ, “Gbana anyɛ ayisɔ̃ alɛ ɔvɛnɔ keyuiza anɔ gbagbla ɔkɔ, kibui tili lɛ yɛahɔɛ gɛ apɛ asɛ etseɖe yɛ.”

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Banɔkpɛkpɛ Axɔ̃ɛ 22:26

Kibeɛ gɛ keyuiza anɔ gbagbla elũ kibui ɛlɛ, avɛ keyuiza otugbànɔ ɔkɔ adɛ kɔyɛ tititì. Ebisi asɛ, “Kiɖuwoe wɔbɔ ɔbhɛtɛ? Anyɛ alɛ enu Romaeyi.”

Banɔkpɛkpɛ Axɔ̃ɛ 21:32

Tsiɔ̃ ɔlɛ koɔ, kɛlɛ agbana ɛzãkɔ banunɔ nɛ̀ buyuadɛdɛ teli pɛ bebu tɛtsɛɖɛ mɛ avɛ banɔɛzaa mɛ. Kibeɛ gɛ banɔɛza amɔ keyuiza otugbà anɔ nɔ̀ nɛ̀ yɛ̀ buyuadɛdɛ, bayɔlɔ Paulo huisì.

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Banɔkpɛkpɛ Axɔ̃ɛ 16:10

Gɛ bebu ebui alɛ akasɛ Paulo ebekeɛ, bɔbalɛ tsiɔ ɔlɛ kɛlɛ bɔvɛ Makedonia, bɔyɛkɛ kɛlɛ ɔsɛ Owusoso Akaa yɛekulu bɔlɔ ɔsɛ bɔdɛɖɔ kibui gbangbã ɔkɔ alɛ.

Banɔkpɛkpɛ Axɔ̃ɛ 10:22

Banyɛ ebuiliulũ asɛ, “Bude Keyuiza otugbànɔ Kornelio ɔkɔ. Enu anɔ gɛ yɛishu dalɛ pɛ esi Owusoso Akaa nɛifù, anɔ gɛ Yudanɛ petee adɛmɛ yɛibui. Axɔ̃ɛdɛ dadalɛ teli etseɖe yɛasɛ akɔ wɔba yɛɔpã mɛ tɛ̀ ebelũ wɔebuiɛ gɛ ɔpɛ ɔsɛ tɛ̀ ɔɖɔ otseɖe yɛ.”

Banɔkpɛkpɛ Axɔ̃ɛ 28:1

Gɛ budiku ogbogbòɔ nɛ ishu yɔyɔ mɛ koɔ, bɔba mɔsɛ bekulu aƒumɛ ketukpɔ alɛ asɛ̀ Malta.