Banɔkpɛkpɛ Axɔ̃ɛ 26:7 - Nyangbo New Testament

⁷ Kibui tɔtɔɖɔlu ɛlɛ shù, bɔlɔ egbogbo lɔfɔ nɛ̀ taabha eɖì kidzo mɛ ɔsɛ kɛbà ba ɛlɛ mɛ sopɛ baakpɛ kɛtakpu esi akɔ Owusoso Akaa kemuze nɛ̀ elishi. O Ekusi, kibui ɛlɛ gɛ buɖì kidzo mɛ kɔ sopɛ Yudanɛ alɔkɔ kibui nɛ mɛishu.

Banɔkpɛkpɛ Axɔ̃ɛ 26:7 Referans Kwoze

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Timoteo 1 5:5

Avɛvɛ yɛedziniɛ gɛ kɛdɔ nana ma yɛahɔɛ pɛ yɛ ete yɛalɛ, yɛotugbà mɛ ɖiɖiɛ petee otsiɖi Owusoso Akaa nabha, kɛlɛ azã ɛlɛ abha elishi nɛ̀ kiwui mɛ tɛ ekulu Owusoso Akaa tɛ ezebisi tepɛplɛnɔ edenɔ yɛahɔɛ mɛ.

Tesalonikanɛ 1 3:10

Elishi nɛ̀ kemuze bukulu Owusoso Akaa gagalĩi sɛ tɛ̀ buwlui mɔ wɔnɔ sɛ tɛ bɔkɔ wɔnɔ kɛgɛ ma wɔnɔ ahɔɛ nɛ tɛyɛyɛkɛŋã mɛ.

Filipianɛ 3:11

klisoɔ, nɛ ɔkɔ toliɛ, tɛ mɛtsyɛ mɔ tɛlɔlɔ denɔ bekpuɔ mɛ.

Banɔkpɛkpɛ Axɔ̃ɛ 26:2

Ekusi Agripa, ɛmɔsɛ mɛtakpu pɛ̃, gɛ ɛlɔɛtití nɛ wɔamɛ oboɔ, pɛ ibù mɛishu ulũ nɛ ebuiɛ petee gɛ Yudanɛ alɔkɔ ebhui mɛulũɔ nɔ shu,

Banɔkpɛkpɛ Axɔ̃ɛ 20:31

Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.

Banɔkpɛkpɛ Axɔ̃ɛ 24:15

kɛlɛ kidzo tinikpo ɛlɛ mɛ mɛtsyɛ iɖi ɔkɔ Owusoso Akaa asɛ banɔ alɛ ana, asɛ tɛlɔlɔ odenɔ bekpùmɛ alɛ akɔ banɔ dadalɛ nɛ̀ atakpu mɛ gagalĩ eleteɛ.

Banɔkpɛkpɛ Axɔ̃ɛ 26:3

ɛɖɔ anà ɔmɔsɛ, onyi Yudanɛ ɛkɔɔ piapii nɛ̀ ebui nɔnɔ gɛ alɔɛtití nɛ ɛlɛ shu. Klisoɔ, ɛkɔwɔ kɛtakpu ɔsɛ tɛ̀ olù kitu esi tɛ̀ olũ mɛ kibuiɛ.

Banɔkpɛkpɛ Axɔ̃ɛ 28:20

Nɛ kibui ɛlɛ shu soɔ, ɛpɛ sɛ tɛ ɛmɔ wɔ tɛ̀ bɔɖɔaɖɔ. Mɛ awɔ̃ lulu ɔkɔ Israelanɛ so pɛ banyã mɛ nɛ̀ ɛɖahui ɛlɛ.”