Banɔkpɛkpɛ Axɔ̃ɛ 26:32 - Nyangbo New Testament

³² Kɛlɛ Agripa etseɖe Festo asɛ, “Pɛ otɛɔsɛ anyɛ alɛ agɛ vɛnɔ kibuiɛ nɛ Romanɛ Ekusi Gbagbla ɔkɔɔ, tsyɛalo bɔtà shɛnɛ ahɔɛ nɛ yɛishu.

Banɔkpɛkpɛ Axɔ̃ɛ 26:32 Referans Kwoze

Banɔkpɛkpɛ Axɔ̃ɛ 28:18

Bapɔɛ ebui mɛ nimɛ kɛlɛ bapɛ asɛ tɛ̀ bashɛnɛ ahɔɛ nɛ mɛishu, ɔmɔsɛ ɛgɛ bhɛtɛ kibui kpa nanà gɛ bashɔnɔ ɔkɔ butsí.

Banɔkpɛkpɛ Axɔ̃ɛ 25:25

Ɛbamɔ ɔsɛ̀ agɛ bhɛtɛ kibui kpa nanà, gɛ kɛshɔnɔ ɔkɔ butsí, pɔ gɛ ebisi asɛ kɛmadi Ekusi Gbagbla elũ yɛibuiɛ soɔ, ɛbhɛtɛ ekpeɖekpeɖe mɛ ɔsɛ ɛbalɔkɔ yɛ sɛsɛ Roma.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 24:27

Gɛ agɔ taabha abafalaa, Porkio Festo ebedzì kɛmadì ekusi nɛ Felike ede, pɔ gɛ Felike apɛ asɛ tɛ̀ ekù Yudanɛ awɔ̃ soɔ, ashɛnɛ ahɔɛ nɛ Paulo shu asɛ azã ɔɖavũɔ mɛ.

Banɔkpɛkpɛ Axɔ̃ɛ 28:19

Pɔ gɛ Yudanɛ agɛ dɛmɛ ana soɔ, bebètũilɛ akpɛ mɛulũ asɛ ɛvɛ Romanɛ Ekusi Gbagbla ɔkɔ, gɛnɛ gɛ kibui nanà gɛlɛ mahɔɛ gɛ ɛpɛ sɛ tɛ̀ ɛlɔkɔ nɛ mɛ banunɔ shu flogo.