Banɔkpɛkpɛ Axɔ̃ɛ 26:29 - Nyangbo New Testament

²⁹ Paulo ebuiliulũ asɛ, “Kibeɛ dzi gulũio kizidze tsyɛ elo, itikulù Owusoso Akaa ɔkɔ wɔ ete, pɔ ikului ɔkɔ bagɛ ataatɔ̃ nɛ̀ mɛ oboɔ petee ɔsɛ tɛ bazã asɛ mɛ ana, pɔ batɛ̀kpɛ̀ ɛɖahui ɛlɛ nɛ balɛ xɔnɔ shu.”

Banɔkpɛkpɛ Axɔ̃ɛ 26:29 Referans Kwoze

Efesoanɛ 6:20

gɛ kɛlɛ so pɛ ɛlɛ wɔnɔ inyè mɛ pɛ ɛkpasɛ ɛɖahui mɛ. Nɔokulu Owusoso Akaa sɛ tɛ ɛlà dalɛ ɛlɛ mɛ nɛ kifù masi masi mɛ asɛ gɛ kɛlɛ sɛ ɛbhɛtɛ.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Romanɛ 10:1

Mɛelɛ alɛ mɔ, mɛitú mɛibui tɛpɛpɛ nɛ mɛ Owusoso Akaa tikukulu nɛ Israelanɛ ɛtakpu kɛlinu sɛ tɛ bebu alɛ.

Banɔkpɛkpɛ Axɔ̃ɛ 21:33

Keyuiza otugbà anɔ nɔ̀ avɛ edivũi, kɛlɛ akɔ asɛ banyã yɛ nɛ̀ ɛɖahui tɛbha. Kɛlɛ ebisì yɛ anɔ nɔɛdi gɛ enuɔ nɛ̀ kɛgɛ yɛabhɛtɛɛ.

Korintoanɛ 2 11:1

Iɖi kidzo mɛ sɛ nɔbɔ kpɛ kemì nɛ mɛ bɔgadɔdɔ ɔlɛ shu kɛbɔɛ, pɔ nɔvɛlɔ bhɛtɛ ɛlɛ.

Korintoanɛ 1 7:7

Ɛpɛ sɛ tɛ̀ tsyɛ alo anyɛ ka nyia ka atazã asɛ mɛ ana. Pɔ anyɛ ka nyia ka nɛ kɛgɛ bakɔ yɛ edenɔ Owusoso Akaa ɔkɔ, anɔ alɛ bakɔ yɛ kɛdɔ̃ ɛlɛ, abhlatɔ tsyɛ bakɔ yɛ kɛlɛ.

Korintoanɛ 1 4:8

Putɔnɔ kɛka nyia ka gɛ nɔpɛɛ nɔ lɛ wɔnɔ ahɔɛ xɔɔ! Kɛlɛ nɔotsyina odzi ehoeyielete! Nɔodzi bekusi, gɛ bɔlɔ ahɔɛ tsyɛ akpasɛ ɛlɛ mɛ. Ɛtapɛ ɔsɛ tɛ̀ nodzi bekusi kɛgbã tɛ bɔŋã bukusiɛ plɛnɔ wɔnɔ!

Banɔkpɛkpɛ Axɔ̃ɛ 25:14

Gɛ babàzã ɛkɛlɛ ewui kpekpè mɛ soɔ, Festo adɛ tsaɖakɛ Paulo ebuiɛ gɛ balɔkɔ nɛishuɔ nɛ̀ Ekusiɛ. Aɖɔ asɛ, “Anyɛ teli alɛ ɛkɛlɛ gɛ Felike ashɛnɛ ahɔɛ elù asɛ ɔɖavũmɛ azazã.

Banɔkpɛkpɛ Axɔ̃ɛ 12:6

Elishi alɛ flogo tɛ̀ Herodes abagbanà yɛ amana kebhuɔ oklukɔɔ, banyã Petro nɛ̀ ɛɖahui tɛbhà pɛ azadɔ taɖa nɛ buyuadɛdɛ taabha nɛishi, flogo pɛ buyuadɛ bhlatɔ tsyɛ azã azãepo kedulũɔ.