Banɔkpɛkpɛ Axɔ̃ɛ 26:22 - Nyangbo New Testament

²² Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Banɔkpɛkpɛ Axɔ̃ɛ 26:22 Referans Kwoze

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Kibui Bubú Kasɛ 15:3

kɛlɛ bazazhã Owusoso Akaa axɔ̃ɛdɛ Mose nɛ̀ Obhoshieyiɛ ɔdzɛ asɛ, “Wɔebui bhɛbhɛtɛ egbogblo kɛlɛ labhɛtɛ ibi, Apalete Owusoso Akaa Ohumielete wɔebuiɛ alɛ àlɛ ɔzãkɔ kɛlɛ wɔedzoɔ enu ebui gbã, Wonu Ekusi galɛ odenɔ kuku ibe.

Romanɛ 3:21

Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 26:17

Ɛbà yɛkɛ akɔwɔ odenɔ wɔanunɔ, nɛ̀ bagɛ betinu Yudanɛ ahɔɛ mɛ. Ɛɛkpɛ̀ wɔ nɛ balɛ ɔkɔ

Banɔkpɛkpɛ Axɔ̃ɛ 26:6

Kɛlɛ otsiɛ nɔ, kidzoɔ mɛ gɛiɖi ɔkɔ kɛgɛ Owusoso Akaa atɔɖɔ elú akɔ bɔlɔ akaalɛ sopɛ beekulu kebhu nɛ̀ mɛ oboɔ.

Kibui Bubú Kasɛ 20:12

Kɛlɛ ɛmɔ banɔ tsitsí, besheshè nɛ̀ bunuvɔɛ gɛ bazã itití nɛ ekusiegbuɔ otugbà, kɛlɛ badalɛ uplukpa mɛ elu. Baza dalɛ eplukpa bhlatɔ tsyɛ gɛenu ɛkpã eplukpa. Bekulu ebhu nɛ̀ banɔ tsitsíɛ nɛ kɛzã gɛ bazã nɛ ɛkpã, pɛ bafɔnɔ elu nɛ buplukpa mɛ nulũ.

Kibui Bubú Kasɛ 11:18

ɛmadiɛ kpɛ ɔmɔpɔɛ, kɛlɛ wɔmɔpɔɛ nɔ ɔba. Kebhu kukulu ɔkɔ banɔ tsitsí nɛibe na, kɛlɛ kɛbhɛ buiabe na ɔkɔ baxɔ̃ɛdɛ gɛ benu ebuiɖɔluanɛ nɛ̀ wɔanunɔ dadalɛ nɛ̀ bagɛ elũ atɔ̃ akɔ wɔɛinyeɛ, bunuvɔɛ nɛ̀ besheshè- kɛlɛ kibe na sɛ tɛ beyí banunɔ gɛ bezĩ esiakpa.”

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Banɔkpɛkpɛ Axɔ̃ɛ 13:29

Gɛ babhɛtɛ kɛka nyia ka nɛ kɛfɔ̀nɔ gɛ bafɔnɔ elu nɛ yɛishu ebekeɛ, bebu yɛ nɛ osiɛ shu, pɛ badɛ vɔbɔɛ nɛ odzeɖeɛ mɛ.

Korintoanɛ 1 15:3

Ɔmɔsɛ kɛgɛ mɛyɛkɛ kɛlɛ mɛtsyɛ etseɖe wɔnɔ asɛ kibui gɛiputɔ kɛdzã kiwuhũ ana, sɛ Kristoɔ ebetsí nɛ bɔlɔ ebui kpa bhɛbhɛtɛ nɛtakpu nɛ ebuiɛ gɛ bafɔnɔ nulũ,

Korintoanɛ 1 15:4

kɛlɛ bavɔbɔ yɛ, kɛlɛ befeke yɛ nɛ kiwui tramɛ nabha nɛ ebuiɛ gɛ bafɔnɔ nulũ,