Banɔkpɛkpɛ Axɔ̃ɛ 25:8 - Nyangbo New Testament

⁸ Kɛlɛ Paulo ebu yɛishu ulũ asɛ, “Ɛgɛ bhɛtɛ kibui kpa nanà nɛ Yudanɛ ɔsha, alo Akaavũɔ alo Kaisaro shu.”

Banɔkpɛkpɛ Axɔ̃ɛ 25:8 Referans Kwoze

Banɔkpɛkpɛ Axɔ̃ɛ 28:17

Ewui tata edeɛ, Paulo ɛkulu Yudanɛ besheshèɛ eshogò. Gɛ beshogò ebekeɛ, etseɖe balɛ asɛ, “Mɛadzya alɛ Israelanɛ mɔ, ɛgɛ bhɛtɛ kibui kpa nanà nɛ̀ bɔlɔ banunɔ alo bɔlɔ ashuĩ alɛ ɛkɔɔ shu flogo, bevũ mɛ nɛ Yerusalem pɛ balɔkɔ mɛ akpɛ ahɔɛ akɔ Romanɛ.

Banɔkpɛkpɛ Axɔ̃ɛ 24:12

Bagɛ ebhui mɛulũɔ agɛ bamɔ asɛ̀ ili wlɔãkɛ kibui nɛ̀ anana nɛ Akaavũɔ mɛ, alo sɛ ɛɛkpɛ ebelà nɛ banɔɛza nɛishi nɛ ɛtsyɔakɔ, alo ɔmamɛ ɔkɔ nanà tsyɛ.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Banɔkpɛkpɛ Axɔ̃ɛ 28:21

Bebuiliulũ asɛ, “Bɔkà yɛkɛ buplukpa nanà odenɔ Yudea nɛ wɔshu, kɛlɛ badzya ɔmayɛmɛ nanà gɛede ɛkɛlɛ aba, aka kɔ bɔlɔ tititì nanà alo pɛ abaɖɔ kibui kpa nanà nɛ wɔshu.

Banɔkpɛkpɛ Axɔ̃ɛ 25:10

Paulo ebuiliulũ asɛ, “Kaisaro yɛ kebhu okulukɔ mɛ lɛ otsiɛ, ɛkɛlɛ kɛlɛ ɔsɛ bekulu kebhu nɛ mɛ. Ɛgɛ bhɛtɛ kibui kpa nanà nɛ̀ Yudanɛ shu, asɛ gɛ nɔonyi piapii nɔ.

Banɔkpɛkpɛ Axɔ̃ɛ 24:6

kɛlɛ apɛ tsyɛ asɛ tɛ̀ akpɛ Akaavũɔ nɔtsɔ̃, kliso buvũi kɛlɛ bɔpɛ sɛ tɛ̀ bukulu kebhu niyɛ nɛ ɔsha nulũ.

Banɔkpɛkpɛ Axɔ̃ɛ 23:1

Paulo eɖi ɔhamɛ besheshèɛ namɛ pɛ aɖɔ asɛ, “Mɛadzya alɛ mɔ, ɛbhɛtɛ kɛgɛ kɛlɛ sɛ mɛbhɛtɛ petee ɔkɔ Owusoso Akaa nɛ ekpeɖekpeɖe gbangbã mɛ oboyinɔ obuoɔ.”

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,