Banɔkpɛkpɛ Axɔ̃ɛ 25:25 - Nyangbo New Testament

²⁵ Ɛbamɔ ɔsɛ̀ agɛ bhɛtɛ kibui kpa nanà, gɛ kɛshɔnɔ ɔkɔ butsí, pɔ gɛ ebisi asɛ kɛmadi Ekusi Gbagbla elũ yɛibuiɛ soɔ, ɛbhɛtɛ ekpeɖekpeɖe mɛ ɔsɛ ɛbalɔkɔ yɛ sɛsɛ Roma.

Banɔkpɛkpɛ Axɔ̃ɛ 25:25 Referans Kwoze

Banɔkpɛkpɛ Axɔ̃ɛ 23:29

Ɛbamɔ ɔsɛ yɛulũɔ gɛ bebhuiɛ enu ebui bibisi yɛ nɛ balɛ ɔshaa shu, pɔ kibuiɛ gɛ balɔkɔ nanà ma gɛ kɛlɛ ɔsɛ beyii, alo tɛ̀ bakpɛ yɛ nɛ ɔɖavũ mɛ nɛ kɛlɛ ishu.

Banɔkpɛkpɛ Axɔ̃ɛ 23:9

Ozĩ gbagbla ozoyi tɔɖɔ, kɛlɛ ɔshadɔkasɛ teli gɛenu Farisianɛ abalɔɛtití nɛ̀ kawlɔ̃akɛ ebui gagalĩi. Baɖɔ asɛ, bɔgɛmɔ kibui kpà nanà nɛ anyɛ alɛ shu, kiɖuwoe nɔbɔɖɔ gɛ onupɛ edzi asɛ ɔfɔfuĩa alo axɔ̃ɛdɛ teli yɛaɖɔaɖɔ alɛ etseɖe yɛ dza?”

Banɔkpɛkpɛ Axɔ̃ɛ 26:31

Bekoeyì nɛ buvũɔ mɛ, kɛlɛ gɛ bazaɖɔaɖɔ nɛ̀ bagɔlɔ mɛɛ, baɖɔ asɛ, “Anyɛ alɛ atɛ abhɛtɛ kibui nanà gɛ shɔnɔ ɔkɔ butsí alo ɔɖavũmɛ zazã.”

Banɔkpɛkpɛ Axɔ̃ɛ 25:26

Pɔ kibui nanà pɔtìi ma mahɔɛ gɛ ɛba fɔnɔ nɛishu sɛsɛ Ekusi Ohumi eleteɛ. Kliso ɛgbana yɛ mana wɔnɔ petee amɛ, asɛ wɔ Ekusi Agripa amɛ ana, sɛ tɛ̀ odenɔ kibui ɛlɛ mɛ nyɔnyɔ̃ niyɛɛ, ɛbà mɔ kibui tili fɔnɔ.

Banɔkpɛkpɛ Axɔ̃ɛ 27:1

Kibeɛ gɛ bebhui kibui mɛ ɔsɛ bɔbàgã kelĩabha kidzo ɔvɛ Italia nɔ̀, balɔkɔ Paulo nɛ̀ ɔɖavũmɛ azazã anɔ teli kpɛ ahɔɛ akɔ keyuiza anɔ gbagbla gɛ alɛ buyuadɛdɛ akpã ulũ pɛ bezekulu yɛasɛ Yulio ahɔɛ mɛ, anɔ gɛ ewuli akà kpasɛ keyuiza ovolo toli mɛ.

Banɔkpɛkpɛ Axɔ̃ɛ 28:18

Bapɔɛ ebui mɛ nimɛ kɛlɛ bapɛ asɛ tɛ̀ bashɛnɛ ahɔɛ nɛ mɛishu, ɔmɔsɛ ɛgɛ bhɛtɛ kibui kpa nanà gɛ bashɔnɔ ɔkɔ butsí.