Banɔkpɛkpɛ Axɔ̃ɛ 24:27 - Nyangbo New Testament

²⁷ Gɛ agɔ taabha abafalaa, Porkio Festo ebedzì kɛmadì ekusi nɛ Felike ede, pɔ gɛ Felike apɛ asɛ tɛ̀ ekù Yudanɛ awɔ̃ soɔ, ashɛnɛ ahɔɛ nɛ Paulo shu asɛ azã ɔɖavũɔ mɛ.

Banɔkpɛkpɛ Axɔ̃ɛ 24:27 Referans Kwoze

Banɔkpɛkpɛ Axɔ̃ɛ 25:9

Festo gɛapɛ asɛ tɛ̀ ekù Yudanɛ awɔ̃ soɔ, etseɖe Paulo asɛ, “Ɔpɛ ɔsɛ tɛ̀ owù ɔvɛ Yerusalemuɔ tɛ mɛidì kulu kebhu nɛ̀wɔ nɛ ebui alɛ gɛ balɔkɔ nɛ wɔshuɔ nɛ ɛkɛlɛ dza?”

Banɔkpɛkpɛ Axɔ̃ɛ 25:14

Gɛ babàzã ɛkɛlɛ ewui kpekpè mɛ soɔ, Festo adɛ tsaɖakɛ Paulo ebuiɛ gɛ balɔkɔ nɛishuɔ nɛ̀ Ekusiɛ. Aɖɔ asɛ, “Anyɛ teli alɛ ɛkɛlɛ gɛ Felike ashɛnɛ ahɔɛ elù asɛ ɔɖavũmɛ azazã.

Banɔkpɛkpɛ Axɔ̃ɛ 12:3

Gɛ amɔ asɛ kibui ɛlɛ ku Yudanɛ sameɛ, ebu katsɛɖɛ edivũ Petro tsyɛ. Kibui ɛlɛ ba ɛlɛ mɛ nɛ Amawɔɛ Gɛ Agɛnyanyã Kiwui ŋaŋã nabha.

Banɔkpɛkpɛ Axɔ̃ɛ 25:1

Ewui tata ede gɛ ediku kesiakpa nabha, Festo alɔ ede kaisarea ewu avɛ Yerusalem,

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Banɔkpɛkpɛ Axɔ̃ɛ 26:32

Kɛlɛ Agripa etseɖe Festo asɛ, “Pɛ otɛɔsɛ anyɛ alɛ agɛ vɛnɔ kibuiɛ nɛ Romanɛ Ekusi Gbagbla ɔkɔɔ, tsyɛalo bɔtà shɛnɛ ahɔɛ nɛ yɛishu.

Banɔkpɛkpɛ Axɔ̃ɛ 28:30

Paulo azã ɛkɛlɛ agɔ taabha nɛ bɔpã tuli gɛ abuia kɛbhɛ asɛ tɛ̀ azã bɔlɛ mɛ, kɛlɛ ayɛkɛ banunɔ nyɔ̃ɔ gɛ bazaba yɛɔkɔ asɛ tɛ bamɔɛ nɔ̀.

Banɔkpɛkpɛ Axɔ̃ɛ 25:4

Festo ebuiliulũ asɛ, “Paulo akpasɛ ɔɖavũ mɛ nɛ Kaisarea, kɛlɛ mɛtsyɛ ɛvɛ ɛkɛlɛ otsiɛ tsiɔ̃.

Banɔkpɛkpɛ Axɔ̃ɛ 23:35

aɖɔ asɛ, “Ɛbàlũ wuɛbuiɛ gɛ onupɛ bagɛ bebhui wɔlũɔ ebekù ɛkɛlɛ.” Kɛlɛ akɔ ɔsha sɛ̀ bezaepò Paulo nɛ Romanɛ ekusi Gbagbala ɔpã mɛ.