Banɔkpɛkpɛ Axɔ̃ɛ 24:24 - Nyangbo New Testament

²⁴ Ewui gelee edeɛ, Felike nɛ̀ yɛedzinì Drusila gɛenu Yudadziɛ aba. Akpɛ banɔ nɛ Paulo ɔkɔ kɛlɛ azataatɔ̃ niyɛ kibeɛ gɛ azaɖɔaɖɔ nɛ tɛyɛyɛkɛŋã gɛlɛ Yesu Kristoɔ mɛ shuɔ.

Banɔkpɛkpɛ Axɔ̃ɛ 24:24 Referans Kwoze

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Kibui Bubú Kasɛ 14:12

Kɛlɛ sɛ tɛ bagɛ balɛishu badalɛ, pɛ babhɛtɛ nɛ Owusoso Akaa yɛɔsha nabha, pɛ begi tsodzi nɛ Yesu edeɛ, tɛbadɔ fɔ̃ɔ nɛ kemi kpɛkpɛ mɛ.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Yohanes 1 5:1

Anɔ ka nyia ka gɛ ayɛkɛ aŋã sɛ̀ Yesu yɛenu Kristoɔ, enu Owusoso Akaa ayɛ, kɛlɛ aka nyia aka gɛ adɛmɛ nɔ Akaa adɛmɛ nɔ yɛeyiɛ tsyɛ.

Galatianɛ 3:2

Ɛba pɛ ɔsɛ tɛ mɛ ɛkpasɛ kibui tinikpo odenɔ wɔnɔ ɔkɔ, ɔsha nabha tɛbhɛbhɛtɛ mɛ nɔyɛkɛ Ɔfɔfuĩa nɔ, pɛnɔsɛ tɛyɛyɛkɛŋã nɛ kɛgɛ nɔolũ nabha soɔ dza?

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Banɔkpɛkpɛ Axɔ̃ɛ 26:22

Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Banɔkpɛkpɛ Axɔ̃ɛ 16:31

Bebuiliulũ asɛ, “Yɛkɛ Apalete Yesu abha ɔŋã kɛlɛ ɔbɔ mɔ ɛkpã, wɔ nɛ̀ wɔ bɔpã mɛ anɛ.”

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”