Banɔkpɛkpɛ Axɔ̃ɛ 24:14 - Nyangbo New Testament

¹⁴ Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Banɔkpɛkpɛ Axɔ̃ɛ 24:14 Referans Kwoze

Banɔkpɛkpɛ Axɔ̃ɛ 9:2

kɛlɛ edibisi buplukpa asɛ bakɔɛ tɛ avɛ ɛtsyɔakɔ nɛ Damasko, sɛ tɛ onupɛ amɔ balɛ ɔmayɛ teli nɛ Kidzo Ɛlɛ Nabha, onupɛ benu banyɛ alo badzɛ tsyɛ, tɛ evũ alɛ asɛ ɔɖavũmɛ elete ana avɛnɔ Yerusalem.

Romanɛ 3:21

Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 3:13

Abraham, Isak nɛ̀ Yakob balɛ Owusoso Akaa, bɔlɔ ashuĩ alɛ Owusoso Akaa yɛadalɛ yɛaxɔ̃ɛdɛ Yesu shu. Pɔ wɔnɔ xɔnɔ ɔlɔkɔɛ ɔkpɛ ahɔɛ asɛ beyii kɛlɛ nɔɖɔ nɛ Pilato yɛamɛ asɛ notinyi yɛ, pɔ yɛ xɔnɔ apɛ asɛ tɛ ashɛnɛ ahɔɛ nɛ yɛishu flogo.

Banɔkpɛkpɛ Axɔ̃ɛ 26:22

Pɔ Owusoso Akaa aplɛnɔ mɛ, oboyinɔ obo kiwui ɛlɛ abha, kliso ɛlɔɛtití nɛ ɛkɛlɛ pɛ ɛdalɛ ebui mɛ ɔkɔ bunɔ bhlui bhlui nɛ̀ behohoeɛ petee shɔshɔɛ. Ɛtɛɛɖɔ kibui nanà falanɔ kɛgɛ ebuiɖɔluanɛ nɛ̀ Mose aɖɔ elúɔ asɛ kɛbàba ɛlɛ mɛ shu,

Banɔkpɛkpɛ Axɔ̃ɛ 24:5

“Bɔbamɔ anyɛ alɛ asɛ enu anɔ gɛ akpɛ banɔ buluhũ, amana kititì lɔlɔ ebui nɛ Yudanɛ ishi nɛ kanɔ nɔ̀ mɛ petee. Enu Nazaretianɛ batɔ̃mɛ gagalĩ otugbà zazã anɔ teli

Timoteo 2 1:3

Ihu Owusoso Akaa ahɔɛ, anɔ gɛ ɛkpɛ kɛtakpu esi ɔkɔ, asɛ kana gɛ mɛashuĩ alɛ abhɛtɛ, nɛ̀ ekpeɖekpeɖe dadalɛ mɛ, ɔmɔ asɛ kɛbakà gɛ ɛbakà wɔɛbui elishi nɛ̀ kemuze kibe nyia be nɛ mɛ Owusoso Akaa tikukulu mɛ.

Banɔkpɛkpɛ Axɔ̃ɛ 26:27

Ekusi Agripa, ɔyɛkɛ ebuiɖɔluanɛ nabha aŋã dza? Inyi sɛ ɔyɛkɛ ɔŋã.”

Kibui Bubú Kasɛ 19:10

Nɛ yɛibui ɛlɛ shuɔ, idzu ekluisi esi sɛ tɛ mɛkpɛ ɛtakpu esi kɔɛ, pɔ etseɖe mɛasɛ, “Tɛbhɛtɛ ibui ɛlɛ! Wɔhagbo axɔ̃ɛdɛ mɛinu plɛnɔ wɔ, ɔlɔkɔ ɔplɛnɔ wɔadzya alɛ gɛ baɖɔaɖɔ adalɛ Yesu shuɔ. Kpɛ ɛtakpu esi ɔkɔ Owusoso Akaa! Ɔmɔsɛ ebuiɛ gɛ baɖɔ adalɛ Yesu shuɔ alɛ enu ɔfɔfuĩa mɛ ebui gɛ baɖɔ eluɔ.”

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Tito 3:10

Kpɛ ɔsha ɔkɔ anɔ gɛ amana ɔtɔbubuɔ bɔkpɛ tunikpo, tɛ̀ owlui ɔkpɛ ɔsha ɔkɔɛ bɔbhalà. Nɛ kɛlɛ edieɛ, tɔɔkɔ fɔɛnii.

Galatianɛ 5:20

ibudi ebui bhɛbhɛtɛ nɛ̀ banɔ tatã, anɔ nyanyana kpɛ ɛyamɛ, ebela pɛpɛɛ, kiwuhũ dzadzã, ɔmɔpɔɛ zizĩ kpɛkpɛ, mɛ ɛyɛ ete tɛpɛpɛ̃, kibui esi malũ malu, kititì lɔlɔ nɛ agɔlɔ shu

Korintoanɛ 1 11:19

Ɔmɔsɛ kɛlɛ sɛ tɛ̀ ɔtɔbubu ɔzã wɔnɔɛishi, tɛ̀ kɛkasɛ wɔnɔ mɛ anunɔ abha gɛ Owusoso Akaa atɔɖɔ ahɔɛ.

Banɔkpɛkpɛ Axɔ̃ɛ 26:6

Kɛlɛ otsiɛ nɔ, kidzoɔ mɛ gɛiɖi ɔkɔ kɛgɛ Owusoso Akaa atɔɖɔ elú akɔ bɔlɔ akaalɛ sopɛ beekulu kebhu nɛ̀ mɛ oboɔ.

Banɔkpɛkpɛ Axɔ̃ɛ 24:22

Kɛlɛ Felike anɔ gɛenyi Kidzo ɛlɛ piapii nɔ, alɔkɔ kebhuɔ atɔɖɔ kiwui bhlatɔ abha. Aɖɔ asɛ, “Onupɛ Lisia gɛenu agɛ yɛagbanà buyuadɛdɛ aba edenɔ Yerusalemuɔ tsyɛ, ɛbàɖi kibhuiɛ gɛ ɛbabhui wɔɛbuiɛ mɛ.”

Banɔkpɛkpɛ Axɔ̃ɛ 22:14

“Kɛlɛ etseɖe mɛ asɛ, ‘Bɔlɔ akaalɛ Owusoso Akaa yɛebú wɔ ɔsɛ tɛ otì kɛgɛ yɛapɛ nɔ, ɔsɛ tɛ̀ ɔmɔ Anɔ Dadalɛ, nɛ̀ tɛ olũ ebui edenɔ yɛolugbũ mɛ̀.

Banɔkpɛkpɛ Axɔ̃ɛ 19:9

Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ.

Banɔkpɛkpɛ Axɔ̃ɛ 13:15

Gɛ bakalà kibuiɛ odenɔ Mose ɔsha nɛ ebuiɖɔluanɛ buplukpa mɛ ebekeɛ, bagɛ beɖi ɔtsyɔakɔ nabha asɛsɛ alɛ ɔklasɔ̃ asɛ, “Bɔlɔ adzya alɛ mɔ, onupɛ kibui tili lɛ wɔnɔ ahɔɛ pɛ nɔbɔ lɔkɔ ɔkpɛ ɔha kemi nɔ, nɔɖɔ ɛlɛ otseɖe bɔlɔ.”

Banɔkpɛkpɛ Axɔ̃ɛ 10:43

Bebuiɖɔluanɛ pete aɖɔ nɛishu asɛ, anɔ ka nyia ka gɛ ayɛkɛ yɛabha ŋãa, babàlɔkɔ yɛ ebui kpa etsye yɛ gana yɛinye mɛ.”

Banɔkpɛkpɛ Axɔ̃ɛ 7:32

‘Mɛinu wɔashuĩ alɛ Owusoso Akaa, Abraham, Isak nɛ̀ Yakob balɛ Owusoso Akaa.’ Mose ebeshuku gbagbà nɛ̀ kifu sisi mɛ, kliso aga kpɛ kitè eɖi ɛkɛlɛ.

Banɔkpɛkpɛ Axɔ̃ɛ 5:30

Bɔlɔ akaalɛ Owusoso Akaa, yɛefeke Yesuɔ edenɔ bekpuɔ mɛ, anɔ gɛ nɔkpiisɔ̃ nɛ busi shu pɛ noyii.

Banɔkpɛkpɛ Axɔ̃ɛ 19:23

Nɛ kibè ɛlɛ kititì lɔlɔ tili babà nɛ Kidzoɔ shu.

Banɔkpɛkpɛ Axɔ̃ɛ 15:5

Kɛlɛ bayɛyɛkɛŋã teli gɛede Farisianɛ kɛzaa mɛ alɔ kititi kɛlɛ baɖɔ asɛ, “Kɛlɛ ɔsɛ bebhui kɛhɔ̃a akɔ bagɛ betinu Yudanɛ tɛ̀ bebisi edenɔ balɛ ahɔɛ mɛ asɛ babhɛtɛ atɔɖɔ Mose ɔsha nabha.”

Banɔkpɛkpɛ Axɔ̃ɛ 25:8

Kɛlɛ Paulo ebu yɛishu ulũ asɛ, “Ɛgɛ bhɛtɛ kibui kpa nanà nɛ Yudanɛ ɔsha, alo Akaavũɔ alo Kaisaro shu.”

Banɔkpɛkpɛ Axɔ̃ɛ 26:4

“Yudanɛ petee enyi kana gɛ ɛzanà mɛkpã odenɔ mɛ kinuvɔbè gɛ ɛkpɛ mɛkpã esi, nɛ mɛ kesiakpa nabhaa nɛ̀ Yerusalemuɔ tsyɛ.

Banɔkpɛkpɛ Axɔ̃ɛ 28:22

Pɔ bɔpɛ sɛ tɛ̀ bulũ kɛgɛ ɔmɔ nɛ kɛlɛ shuɔ, ɔmɔsɛ bunyi sɛ banunɔ nɛ ɔkɔ nyia ɔkɔ aɖɔaɖɔ nɛ ɔhakpa alɛ shu.”

Romanɛ 1:9

Owusoso Akaa, anunɔ gɛ yɛaxɔ̃ɛ mɛdɛ nɛ̀ mɛitúɔ nyɔ̃ɔ nɛ Yɛeyi Nɛibui Gbangbã tɛɖɔɖɔ mɛɛ, yɛabà dalɛ mɛishu nɛ kɛbakà gɛ ɛbakà wɔnɔɛbui ibe nyiɛ beɛ