Banɔkpɛkpɛ Axɔ̃ɛ 23:18 - Nyangbo New Testament

¹⁸ Kliso agbana yɛavɛnɔ keyuiza anɔ gbagbla ɔkɔ. Keyuadɛ anɔ gbagbla aɖɔ asɛ, “Paulo gɛenu ɔɖavũmɛ azazã yɛakpɛ banɔ nɛ mɛɔkɔ kɛlɛ etseɖe mɛ asɛ, ɛgbanà anyɛ ayisɔ̃ alɛ mana wɔkɔ ɔmɔsɛ kibui tili lɛ yɛahɔɛ gɛ apɛ asɛ aɖɔ etseɖe wɔ.”

Banɔkpɛkpɛ Axɔ̃ɛ 23:18 Referans Kwoze

Efesoanɛ 3:1

Nɛ kibui ɛlɛ shu soɔ, mɛ Paulo, gɛinu buvũazazã ɔkɔ Kristo Yesu nɛ wɔnɔ bagɛ nɔotinu Yudanɛ ɛtakpu-.

Filimon 1:9

ɛkɔ wɔ ɛtakpu nɛ kɛgɛ kɛlɛinu tɛdɛdɛmɛ nɔ shu. Mɛ Paulo anɔ sheshè pɛ otsi alɛ inu ɔɖavũmɛ azazã nɛ Kristo Yesu ɛtakpu,

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Banɔkpɛkpɛ Axɔ̃ɛ 28:17

Ewui tata edeɛ, Paulo ɛkulu Yudanɛ besheshèɛ eshogò. Gɛ beshogò ebekeɛ, etseɖe balɛ asɛ, “Mɛadzya alɛ Israelanɛ mɔ, ɛgɛ bhɛtɛ kibui kpa nanà nɛ̀ bɔlɔ banunɔ alo bɔlɔ ashuĩ alɛ ɛkɔɔ shu flogo, bevũ mɛ nɛ Yerusalem pɛ balɔkɔ mɛ akpɛ ahɔɛ akɔ Romanɛ.

Banɔkpɛkpɛ Axɔ̃ɛ 27:1

Kibeɛ gɛ bebhui kibui mɛ ɔsɛ bɔbàgã kelĩabha kidzo ɔvɛ Italia nɔ̀, balɔkɔ Paulo nɛ̀ ɔɖavũmɛ azazã anɔ teli kpɛ ahɔɛ akɔ keyuiza anɔ gbagbla gɛ alɛ buyuadɛdɛ akpã ulũ pɛ bezekulu yɛasɛ Yulio ahɔɛ mɛ, anɔ gɛ ewuli akà kpasɛ keyuiza ovolo toli mɛ.

Banɔkpɛkpɛ Axɔ̃ɛ 16:25

Nɛ elishi tetiɛ Paulo nɛ̀ Sila bezekulu Owusoso Akaa pɛ baazhã ɛdzɛ akɔɛ, kɛlɛ ɔɖavũmɛ azazã gɔgɔɛ nɔ aza taatɔ̃ nɛ alɛ.

Banɔkpɛkpɛ Axɔ̃ɛ 23:17

Kɛlɛ Paulo ekulu keyuadɛ anɔ gbagbla tenikpo pɛ etseɖe yɛasɛ, “Gbana anyɛ ayisɔ̃ alɛ ɔvɛnɔ keyuiza anɔ gbagbla ɔkɔ, kibui tili lɛ yɛahɔɛ gɛ apɛ asɛ etseɖe yɛ.”

Banɔkpɛkpɛ Axɔ̃ɛ 23:19

Keyuiza anɔ gbagbla anyanã anyɛ nuvɔɛ nɔ kahɔkpɔ, agbana yɛavɛnɔ kɛwɔa pɛ edibisi yɛasɛ, “Kibui ɖuwoe wɔpɛ ɔsɛ tɛ̀ otseɖe mɛ?”