Banɔkpɛkpɛ Axɔ̃ɛ 23:16 - Nyangbo New Testament

¹⁶ Pɔ kibeɛ gɛ Paulo yɛada yɛeyianyɛ elũ kibui kpa tɔtɔɖɔ ɛlɛ, avɛ buyuadɛdɛ ɔzãkɔ editseɖe Paulo.

Banɔkpɛkpɛ Axɔ̃ɛ 23:16 Referans Kwoze

Banɔkpɛkpɛ Axɔ̃ɛ 23:10

Kawlɔ̃akɛ nulũ bagagalĩ gɛ kɛkɔ ɔsɛ kifù bayí keyuiza anɔ gbagbla asɛ banunɔ abatsyɔ̃ɛ Paulo mɛ wluiwlui. Kliso akɔ ɔsha asɛ keyuiza ivolo nɔ ezhi avɛ adɛ yɛkɛ yɛ nɛ balɛ ahɔɛmɛ nɛ tɛgagalĩ mɛ tɛ bagbana yɛ amana buyuadɛdɛ ɔzãkɔɔ.

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Banɔkpɛkpɛ Axɔ̃ɛ 23:32

Gɛ keliɛ azaa, bakɔ bagɛ bedò ɛsɔ nɔ avɛ ɛplɛnɔ yɛ, kɛlɛ balɛ xɔnɔ etsodzì etsyina aba buyuadɛdɛ ɔzãkɔ.

Banɔkpɛkpɛ Axɔ̃ɛ 21:34

Banunɔ teli nɛ banɔɛza mɛ akpɛ ozĩ aɖɔ kibui ɛlɛ̀, kɛlɛ beteli tsyɛ aɖɔ kɛbhlatɔ, kɛlɛ gɛ keyuiza otugbà anɔ nɔ̀ agɛmɔ kibuiɛ nɛtakpu nɛ ozĩɛ gɛ loyìɛ soɔ, akɔ ɔsha asɛ bagbana Paulo avɛnɔ buyuadɛdɛ ɔzãkɔɔ.

Banɔkpɛkpɛ Axɔ̃ɛ 21:37

Kibeɛ gɛ buyuadɛdɛ agbanà Paulo ebèku buyuadɛ ɔzãkɔɔ, ebisi keyuiza otugbà anɔ nɔ̀ asɛ, “Ɔtɔɔkɔ mɛidzo tɛ ɛɖɔ kibui tili tseɖe wɔ dza?” Ebisi yɛasɛ, “Olũ Helanɛ buluhũ dza?”

Banɔkpɛkpɛ Axɔ̃ɛ 23:17

Kɛlɛ Paulo ekulu keyuadɛ anɔ gbagbla tenikpo pɛ etseɖe yɛasɛ, “Gbana anyɛ ayisɔ̃ alɛ ɔvɛnɔ keyuiza anɔ gbagbla ɔkɔ, kibui tili lɛ yɛahɔɛ gɛ apɛ asɛ etseɖe yɛ.”

Banɔkpɛkpɛ Axɔ̃ɛ 24:23

Akpɛ keyuadɛdɛ anɔ gbagbla ɔsha asɛ tɛ̀ akɔ bazã epó Paulo piapii, pɔ akɔ yɛazã yɛishu ahɔɛ mɛ tɛ̀ akɔ yɛbhia alɛ ebeɖi yɛabha nɛ̀ kɛgɛ yɛapɛɛ nɔ.