Banɔkpɛkpɛ Axɔ̃ɛ 23:12 - Nyangbo New Testament

¹² Kelizaza nɛvɔlɔɔ, Yudanɛ adɛtɔɖɔ kibui kpa nɛ tikpukpũ mɛ kɛlɛ banya olugbũ akɔ balɛishu asɛ batɛ bàŋã bɔdɔ̃ alo babàwɔɛ kɛdɔ̃ nanà odiyinɔ kibeɛ gɛ beyí Paulo.

Banɔkpɛkpɛ Axɔ̃ɛ 23:12 Referans Kwoze

Banɔkpɛkpɛ Axɔ̃ɛ 23:30

Gɛ bakɔ mɛitì nɛ kibui kpa gɛ batɔɖɔ nɛ anyɛ alɛ shu soɔ, ɛɛlɔkɔ̀ yɛ sɛsɛ wɔ tsiɔ̃ ɔlɛ. Mɛtsyɛ kɔ bagɛ behui yɛulũ ɔsha asɛ, balɔkɔ kibuiɛ gɛ balɔkɔ ebhui yɛulũɔ mana wɔkɔ.

Banɔkpɛkpɛ Axɔ̃ɛ 23:21

Tɛ shɛnɛ ahɔɛ nɛ yɛishu kɔ alɛ, ɔmɔsɛ banyɛ gɛ ekpè adɛ afɛtalɛ edikpũ pɛ beepoe. Badɛ tanà bɔdɔ̃ asɛ batɛbàŋã bɔdɔ̃ alo pɛ babàwɔɛ kɛdɔ̃ nanà ɔvɛnɔ kibèɛ gɛ beyii. Batɛ balɛ eli otsiɛ, pɛ beepo wɔ ɔsɛ tɛ ɔbhɛtɛ tɔɖɔ balɛ kibui bibisi nabha.”

Banɔkpɛkpɛ Axɔ̃ɛ 23:14

Bavɛ banɔlũazazã gbagbla nɛ̀ besheshèɛ ɔkɔ editseɖe balɛ asɛ, “Bɔtanà bɔdɔ̃ ɔsɛ, bɔtɛ bàŋã bɔdɔ̃ nanà odiyinɔ ɔsɛ buyì Paulo.

Banɔkpɛkpɛ Axɔ̃ɛ 25:3

Odunu ɔlɛ bebisi Festo kɛtɔ ɔsɛ tɛ̀ bekù yɛawɔ̃ tɛ̀ akɔ bebú Paulo asɛsɛ Yerusalem, ɔmɔsɛ bazã tikpukpũ mɛ pɛ bezepo yɛ, tɛ̀ beyii nɛ kidzoɔ mɛ.

Galatianɛ 3:13

Kristo ebu ɔlɔ odenɔ kibuiɛ gɛ baɖɔ akpɛ ɔlɔ ɔsha niesi, kɛlɛ yɛebedzi kibuiɛ gɛ baɖɔ akpɛ ɔlɔ, ɔmɔsɛ bafɔnɔ elu asɛ, “Baɖɔ kibui akpɛ anɔ ka nyia ka gɛ akpɛ ohui oli nɛ busi mɛ.”

Korintoanɛ 1 16:22

Onupɛ anɔ teli agɛ dɛmɛ nɔ nɛ Apaleteɛ, kibui ɖɔɖɔ ɔkpɛ anɔ zã yiede. O, Apalete, ba!

Banɔkpɛkpɛ Axɔ̃ɛ 9:23

Gɛ ewui gelee teli abafala, Yudanɛ atɔɖɔ asɛ tɛ beyìi,

Banɔkpɛkpɛ Axɔ̃ɛ 9:24

pɔ Saulo elũ balɛ ebui tɔtɔɖɔ nɛishuɔ. Yudanɛ ezepo budulũɔ elishi nɛ̀ kemuze tɛbevũi eyí.

Banɔkpɛkpɛ Axɔ̃ɛ 23:13

Banunɔ gɛ badɛ tɔɖɔ kibui kpa ɛlɛ ekpè adɛ afɛtalɛ.

Korintoanɛ 2 11:26

ɛzã kidzo gagã abha kibe nyia be. Ɛzã butsi nɛ ɛkpã ishi, odenɔ bulĩukekpù mɛ, banɔ kpa, ɛzã butsi nɛ̀ ɛkpã ishi odenɔ mɛahɔɛ banɔ nɔ tɛhɔɛ mɛ, nɛ̀ bagɛ betinu Yudanɛ tsyɛ tɛhɔɛ mɛ, ɛzã butsi nɛ̀ ɛkpã ishi odenɔ ɔma gbagbla mɛ, nɛ̀ bayàa mɛ, nɛ aƒu nabha, nɛ̀ badzya gɛenu basɛnɛ elete mɛ.

Tesalonikanɛ 1 2:16

babhɛtɛ ɛlɛ ana tɛ badã kidzo akɔ bɔlɔ tɛ bɔtɛ ɖɔ kibuiɛ ɔkɔ bagɛ betinu Yudanɛ sɛ tɛ bayɛkɛ balɛ elu nɛkpã. Nɛidzo ɛlɛ nabhaa, bakaa bhɔ balɛ ebui kpa bhɛbhɛtɛ atɔɖɔ sɛ tɛ lewu kabha. Owusoso Akaa ɔmɔpɔɛ nɔ tɛba balɛ abha otsi alɛ.