Banɔkpɛkpɛ Axɔ̃ɛ 23:10 - Nyangbo New Testament

¹⁰ Kawlɔ̃akɛ nulũ bagagalĩ gɛ kɛkɔ ɔsɛ kifù bayí keyuiza anɔ gbagbla asɛ banunɔ abatsyɔ̃ɛ Paulo mɛ wluiwlui. Kliso akɔ ɔsha asɛ keyuiza ivolo nɔ ezhi avɛ adɛ yɛkɛ yɛ nɛ balɛ ahɔɛmɛ nɛ tɛgagalĩ mɛ tɛ bagbana yɛ amana buyuadɛdɛ ɔzãkɔɔ.

Banɔkpɛkpɛ Axɔ̃ɛ 23:10 Referans Kwoze

Yakobo 3:14

Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Banɔkpɛkpɛ Axɔ̃ɛ 22:24

keyuiza anɔ gbagbla akɔ ɔsha asɛ bagbanà Paulo avɛnɔ buyuadɛdɛ ɔzãkɔɔ. Akasɛ alɛ asɛ behuisi yɛ tɛ̀ bebisi yɛ, tɛ betì kibui nɔnɔ shu sopɛ banunɔ akpɛ ozĩ ɔlɛ nɛ yɛabha ana.

Banɔkpɛkpɛ Axɔ̃ɛ 23:32

Gɛ keliɛ azaa, bakɔ bagɛ bedò ɛsɔ nɔ avɛ ɛplɛnɔ yɛ, kɛlɛ balɛ xɔnɔ etsodzì etsyina aba buyuadɛdɛ ɔzãkɔ.

Banɔkpɛkpɛ Axɔ̃ɛ 23:27

Yudanɛ evũ anyɛ alɛ, kɛlɛ bapɛ asɛ tɛ̀ beyìi, pɔ mɛ nɛ̀ mɛ keyuiza bayɛkɛ yɛ nɛ balɛ ahɔɛ mɛ̀, ɔmɔsɛ ɛbatì ɔsɛ Romaeyi yɛenu.

Banɔkpɛkpɛ Axɔ̃ɛ 23:16

Pɔ kibeɛ gɛ Paulo yɛada yɛeyianyɛ elũ kibui kpa tɔtɔɖɔ ɛlɛ, avɛ buyuadɛdɛ ɔzãkɔ editseɖe Paulo.

Banɔkpɛkpɛ Axɔ̃ɛ 21:37

Kibeɛ gɛ buyuadɛdɛ agbanà Paulo ebèku buyuadɛ ɔzãkɔɔ, ebisi keyuiza otugbà anɔ nɔ̀ asɛ, “Ɔtɔɔkɔ mɛidzo tɛ ɛɖɔ kibui tili tseɖe wɔ dza?” Ebisi yɛasɛ, “Olũ Helanɛ buluhũ dza?”

Banɔkpɛkpɛ Axɔ̃ɛ 23:28

Ɛpɛ sɛ tɛ̀ mɛiti kibui nɔnɔ gɛ kɛlɛ sopɛ bebhui yɛulũɔ, kliso ɛgbana yɛ mana balɛ ɔhamɛ besheshèɛ ɔkɔ.

Korintoanɛ 2 11:26

ɛzã kidzo gagã abha kibe nyia be. Ɛzã butsi nɛ ɛkpã ishi, odenɔ bulĩukekpù mɛ, banɔ kpa, ɛzã butsi nɛ̀ ɛkpã ishi odenɔ mɛahɔɛ banɔ nɔ tɛhɔɛ mɛ, nɛ̀ bagɛ betinu Yudanɛ tsyɛ tɛhɔɛ mɛ, ɛzã butsi nɛ̀ ɛkpã ishi odenɔ ɔma gbagbla mɛ, nɛ̀ bayàa mɛ, nɛ aƒu nabha, nɛ̀ badzya gɛenu basɛnɛ elete mɛ.

Banɔkpɛkpɛ Axɔ̃ɛ 24:7

Pɔ keyuiza anɔ gbagbla Lisia alɔkɔ tɛgagalĩ awlɔakɛ yɛ ayɛkɛ nɛ bɔlɔ ahɔɛ mɛ,