Banɔkpɛkpɛ Axɔ̃ɛ 22:3 - Nyangbo New Testament

³ “Yudaeyi mɛinu, bamɔ́ mɛ nɛ Tarso nɛ Kilikia, pɔ Yerusalem ɔmalɛ mɛ banyɔnɔ mɛ. Gamaliel yɛadɔkpasɛnɛ mɛidzì pɛ ɛkpasɛ bɔlɔ akaalɛ ɔshaa piapii kɛlɛ ɛzɛwlɔakɛ ɔkɔ Owusoso Akaa asɛ kana gɛ wɔnɔ ɔmayɛmɛ aka nyia aka abhɛtɛ ɛlɛ obuɔ ana.

Banɔkpɛkpɛ Axɔ̃ɛ 22:3 Referans Kwoze

Banɔkpɛkpɛ Axɔ̃ɛ 26:5

Benyi mɛ kibè dzlolo nɛ ɛlɛ, kɛlɛ babalà aɖɔaɖɔ adalɛ kɛlɛ shu, onupɛ badɛmɛ, sɛ idzì Farisieyi, banɔ gɛ bagagalĩ nɛ ɔshaa gɛ̀ ɛlɛ kpà plɛnɔ bɔlɔ ɛkɔɔ shuɔ mɛ.

Banɔkpɛkpɛ Axɔ̃ɛ 9:11

Apaleteɛ etseɖe yɛasɛ, “Lɔ tɛ ɔvɛ Yuda bɔpã mɛ nɛ Tipɔɔ Tĩi nabha tɛ odibisi anyɛ teli gɛede Tarso pɛ bekulu asɛ Sauloɔ nɛtɔ, ɔmɔsɛ eekulu Owusoso Akaa.”

Banɔkpɛkpɛ Axɔ̃ɛ 5:34

Pɔ Farisieyi teli gɛ bezekulu asɛ Gamaliel gɛ edzì ɔshadɔkasɛ pɛ banɔ adɛmɛ nɛ yɛɛ, aba alɔɛtití nɛ ɔhaesheshèɛ namɛ kɛlɛ akɔ ɔsha asɛ bebù banɔkpɛkpɛ eyinɔ ɔtɔ̃ ɛbɔɛ.

Banɔkpɛkpɛ Axɔ̃ɛ 21:39

Paulo ebuiliulũ asɛ, “Inu Yudaeyi gɛide Tarso nɛ Kilikia, ɔma gɛ batɛwɔ̀ nɛ ɔlɛ shu mɛ mɛide. Ɛkɔ wɔɛtakpu, kɔ mɛɖɔ kaɖɔ ɔkɔ banɔɛza.”

Banɔkpɛkpɛ Axɔ̃ɛ 21:20

Gɛ belũ kibui ɛlɛ, bakpɛ Owusoso Akaa nɛinyè nɛitití. Kɛlɛ betseɖe Paulo asɛ, “Madzya, ɖi Yudanɛ ihotu tɛshɛ nɔnɔ gɛ bayɛkɛ aŋã pɛ banyana ɔsha mɛ evunɔɔ.

Korintoanɛ 2 11:22

Anɛ Yudaeyi benuɔ dza? Yudaeyi mɛtsyɛ inu. Anɛ Israelanɛ benuɔ dza? Israeleyi mɛtsyɛ inu. Anɛ Abraham yɛeshui alɛ benuɔ dza? Abraham Yɛeshui mɛtsyɛ inu.

Romanɛ 11:1

Kɛlɛ ibisi sɛ, Owusoso Akaa ashɛnɛ ahɔɛ nɛ yɛmadiɛ shu dza? Kɛma kɛlɛ mɛ ana! Israelaeyi mɛinu, kɛlɛ Abraham yɛeshui mɛinu gɛ ide Benyamin yɛigbogboɔ mɛ.

Banɔkpɛkpɛ Axɔ̃ɛ 23:6

Kɛlɛ Paulo, gɛenyi asɛ balɛ mɛ beteli enu Zadukianɛ pɛ bagɔgɔɛ nɔ enu Farisianɛ soɔ, aɖɔaɖɔ gagalĩ etseɖe ɔhamɛ besheshèɛ asɛ, “Mɛadzya alɛ mɔ, Farisieyi mɛinu, inu eyianyɛ ɔkɔ Farisieyi. Bekulu kebhu nɛ mɛ ɔmɔsɛ iɖi otugbà mɛ ɔkɔ betsitsíɛ tɛlɔlɔ.”

Banɔkpɛkpɛ Axɔ̃ɛ 6:9

Pɔ kititì lɔlɔ babá, odenɔ ɔtsyɔakɔ banunɔ gɛ bamɔ ishuahɔɛmɛ zazãa, (asɛ gɛ beekulu alɛ ana) gɛenu Yudanɛ gɛede Kirene nɛ̀ Aleksandro, kɛlɛ beteli tsyɛ ede Kilikia nɛ̀ Asia bɔdɔ̃ mɛ. Banɔ alɛ akpà ebui wlɔakɛ nɛ̀ Stefano,

Galatianɛ 1:21

Kidegbaa, ɛfala ɛdɛ Siria nɛ̀ Kilikia tsyɛ.

Galatianɛ 1:14

Ɛzɛmɔ otugbà vɛvɛ nɛ Yudanɛ ɛkɔ mɛ ɔdɛ Yudanɛ gelee gɛ bɔnɛ alɛ kpasɛ agɔ mɛ, kɛlɛ ɛzã mɛakaa alɛ ɛkɔɔ tishushu ebuiɛ nabha gagalĩi.

Banɔkpɛkpɛ Axɔ̃ɛ 23:34

Kɛmadi ekusiɛ abakalà keplukpa kɛlɛ ebisì yɛ kawɔ̃pɛ nɔnɔ gɛ edeɛ. Gɛ ebetì asɛ Kilikia yɛedeɛ,

Banɔkpɛkpɛ Axɔ̃ɛ 15:41

Agã ekoeyì nɛ Siria nɛ̀ Kilikia pɛ azakpɛ ɔhamɛanɛ ohumi.

Banɔkpɛkpɛ Axɔ̃ɛ 15:23

Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 11:25

Kɛlɛ Barnaba abavɛ Tarso asɛ tɛ̀ adɛpɛ Saulo,

Banɔkpɛkpɛ Axɔ̃ɛ 9:30

Gɛ badzya ebetì kibui ɛlɛ, bagbana yɛ ezhinɔ avɛnɔ Kaisarea, kɛlɛ odenɔ ɛkɛlɛ, basɛsii nɛ Tarso.

Banɔkpɛkpɛ Axɔ̃ɛ 9:1

Nɛ kibe ɛlɛ, Saulo ezewlui akãkɔ Apaleteɛ yɛadɔkpasɛanɛ. Atɔnɔ banɔlũazazã gbagbla avɛ

Banɔkpɛkpɛ Axɔ̃ɛ 26:9

“Mɛtsyɛ kibui ɛlɛ gɛikù mawɔ flogo, kliso ɛbhɛtɛ kɛka nyia gɛ ɛbalà tɛ ɛlɔɛtití nɛ Yesu Nazaretieyiɛ shu.