Banɔkpɛkpɛ Axɔ̃ɛ 22:24 - Nyangbo New Testament

²⁴ keyuiza anɔ gbagbla akɔ ɔsha asɛ bagbanà Paulo avɛnɔ buyuadɛdɛ ɔzãkɔɔ. Akasɛ alɛ asɛ behuisi yɛ tɛ̀ bebisi yɛ, tɛ betì kibui nɔnɔ shu sopɛ banunɔ akpɛ ozĩ ɔlɛ nɛ yɛabha ana.

Banɔkpɛkpɛ Axɔ̃ɛ 22:24 Referans Kwoze

Banɔkpɛkpɛ Axɔ̃ɛ 23:10

Kawlɔ̃akɛ nulũ bagagalĩ gɛ kɛkɔ ɔsɛ kifù bayí keyuiza anɔ gbagbla asɛ banunɔ abatsyɔ̃ɛ Paulo mɛ wluiwlui. Kliso akɔ ɔsha asɛ keyuiza ivolo nɔ ezhi avɛ adɛ yɛkɛ yɛ nɛ balɛ ahɔɛmɛ nɛ tɛgagalĩ mɛ tɛ bagbana yɛ amana buyuadɛdɛ ɔzãkɔɔ.

Banɔkpɛkpɛ Axɔ̃ɛ 21:34

Banunɔ teli nɛ banɔɛza mɛ akpɛ ozĩ aɖɔ kibui ɛlɛ̀, kɛlɛ beteli tsyɛ aɖɔ kɛbhlatɔ, kɛlɛ gɛ keyuiza otugbà anɔ nɔ̀ agɛmɔ kibuiɛ nɛtakpu nɛ ozĩɛ gɛ loyìɛ soɔ, akɔ ɔsha asɛ bagbana Paulo avɛnɔ buyuadɛdɛ ɔzãkɔɔ.

Hebrianɛ 11:35

Banɔ teli anyɛmɛ beyi teli gɛ etsí flogo nɔ, pɛ bedzini alɛ akpɛ ahɔɛ akɔ balɛ elĩ alɛ. Bawɔa ɔfɔ̃ nɛ beteli shu, pɔ bagɛkɔ ɛtakpu asɛ tɛ bashɛnɛ ahɔɛ nɛ balɛishu, sɛ tɛ babamɔ tɛlɔlɔ gbangbã odenɔ bekpu mɛ.

Banɔkpɛkpɛ Axɔ̃ɛ 23:27

Yudanɛ evũ anyɛ alɛ, kɛlɛ bapɛ asɛ tɛ̀ beyìi, pɔ mɛ nɛ̀ mɛ keyuiza bayɛkɛ yɛ nɛ balɛ ahɔɛ mɛ̀, ɔmɔsɛ ɛbatì ɔsɛ Romaeyi yɛenu.

Banɔkpɛkpɛ Axɔ̃ɛ 16:37

Pɔ Paulo etseɖe banɔ gbagbla asɛ, “Behuisi bɔlɔ nɛ kɛtsalɛ mɛ pɛ bakpɛ bɔlɔ nɛ ɔɖavũmɛ, bunu Romanɛ, pɔ begikulu kebhu nɛ̀ bɔlɔ. Kɛlɛ otsi bapɛ asɛ tɛ̀ bashɛnɛ ahɔɛ nɛ bɔlɔ shu nɛ tikpukpũ mɛ dzã? Ao! Nɔkɔ baba ɛkɛlɛ tɛ̀ bebebú bɔlɔ eyinɔ nɛ ɔma mɛ.”

Banɔkpɛkpɛ Axɔ̃ɛ 21:37

Kibeɛ gɛ buyuadɛdɛ agbanà Paulo ebèku buyuadɛ ɔzãkɔɔ, ebisi keyuiza otugbà anɔ nɔ̀ asɛ, “Ɔtɔɔkɔ mɛidzo tɛ ɛɖɔ kibui tili tseɖe wɔ dza?” Ebisi yɛasɛ, “Olũ Helanɛ buluhũ dza?”

Banɔkpɛkpɛ Axɔ̃ɛ 28:18

Bapɔɛ ebui mɛ nimɛ kɛlɛ bapɛ asɛ tɛ̀ bashɛnɛ ahɔɛ nɛ mɛishu, ɔmɔsɛ ɛgɛ bhɛtɛ kibui kpa nanà gɛ bashɔnɔ ɔkɔ butsí.