Banɔkpɛkpɛ Axɔ̃ɛ 22:14 - Nyangbo New Testament

¹⁴ “Kɛlɛ etseɖe mɛ asɛ, ‘Bɔlɔ akaalɛ Owusoso Akaa yɛebú wɔ ɔsɛ tɛ otì kɛgɛ yɛapɛ nɔ, ɔsɛ tɛ̀ ɔmɔ Anɔ Dadalɛ, nɛ̀ tɛ olũ ebui edenɔ yɛolugbũ mɛ̀.

Banɔkpɛkpɛ Axɔ̃ɛ 22:14 Referans Kwoze

Galatianɛ 1:12

Ɛgɛ yɛkɛ ɛlɛ odenɔ ananà ɔkɔ, pɛ ebedzi asɛ bɔkasɛ bakasɛ mɛ ɛlɛ, pɔ ɛyɛkɛ ɛlɛ odenɔ kibui bubu kasɛ gɛide Yesu Kristo ɔkɔ mɛ.

Korintoanɛ 1 15:8

kɛlɛ gɔgɔɛ nɔ ebebú yɛishu akasɛ mɛ gɛ bamɔ asɛ anɔ gɛ agɛzã piapii ana.

Korintoanɛ 1 9:1

Itinu anɔ gɛ alɛ mɛishu ahɔɛ mɛɛ dza? Itinu anɔkpɛkpɛ dza? Ɛgɛ mɔ Yesu gɛenu bɔlɔ Apaleteɛ tsyɛ dza? Gɛnɛ wɔnɔ onu kɛdɔ̃ gidekoeyì nɛ mɛ axɔ̃ɛ wɔàwɔa nɛ Apaleteɛ mɛ dza?

Banɔkpɛkpɛ Axɔ̃ɛ 26:16

‘Otsi alɛ lɔzã wɔɛtsɛɖɛ abha. Ibu mɛishu kasɛ wɔ, ɔsɛ tɛ̀ ibu wɔ asɛ axɔ̃ɛdɛ, nɛ̀ asɛ anɔ gɛ abaɖɔaɖɔ, nɛ kɛgɛ wɔmɔ nɛ mɛishuɔ, nɛ̀ kɛgɛ ɛzɛbà bùkasɛ wɔ shu.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Yohanes 1 2:1

Mɛeyi alɛ gɛ ɛdɛmɛ nɔ, ɛfɔnɔ ebui alɛ kɔ wɔnɔ ɔsɛ tɛ̀ nɔtɛ̀ bhɛtɛ kibui kpa. Pɔ onupɛ anɔ teli abhɛtɛ kibui kpa, anɔ teli alɛ bɔlɔ ahɔɛ gɛ aɖɔaɖɔ ebu bɔlɔ ulũ nɔ nɛ Akaa namɛ, yɛenu Yesu Kristo, Anɔ Dadalɛ.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Banɔkpɛkpɛ Axɔ̃ɛ 9:17

Kliso Anania avɛ bɔpã mɛ, kɛlɛ editsoku bɔlɛ̀ mɛ. Atɔɖɔ ahɔɛ nɛ Saulo abha pɛ etseɖe yɛasɛ, “Mɛadzya Saulo, Apalete Yesuɔ gɛ ebu yɛishu akasɛ wɔ nɛidzoɔ mɛ gɛɔba ɛkɛlɛ, yɛakpɛ mɛ nɛ wɔkɔ, tɛ̀ wɔ awuhũɔ adalɛ tɛ̀ Ɔfɔfuĩa Gbangbã oyuku wɔ mɛ.”

Banɔkpɛkpɛ Axɔ̃ɛ 7:52

Ebuiɖɔluanɔ teli atɛzã wɔnɔɛshi gɛ wɔnɔ akaalɛ agɛ tɔnɔ yiede eɖiɛ dza? Noyí bagɛ aɖɔ elú asɛ Anɔ Dadalɛ ababaa tsyɛ. Kɛlɛ nɔkpɛ Anɔ dadalɛ ahɔɛ pɛ noyii,

Korintoanɛ 1 11:23

Ɔmɔsɛ kɛgɛ mɛ yɛkɛ odenɔ Apaleteɛ ɔkɔ mɛ ɛtsyɛ lɔkɔ kpɛ ahɔɛ ɛkɔ wɔnɔ. Elishi alɛ, gɛ bakpɛ Apalete Yesu ahɔɛ, alɔkɔ kifufulũ,

Banɔkpɛkpɛ Axɔ̃ɛ 24:14

Pɔ, ɛdɛmɛ tɔɖɔ kɛlɛ abha asɛ ɛɛkpɛ kɛtakpu esi ɔkɔ bɔlɔ akaalɛ Owusoso Akaa asɛ anɔ gɛ etsiɖi Kidzo ɛlɛ gɛ bekulu otsiɛ sɛ̀ Nazaretianɛ batɔ̃mɛ gagalĩ otugbà zazã kidzoɔ. Ɛdɛmɛ tɔɖɔ kɛka nyia ka gɛ ɔsha ɖɔɔ nabha, gɛ kɛlɛ bafɔnɔ elú nɛ ebuiɖɔluanɛ keplukpa mɛ,

Banɔkpɛkpɛ Axɔ̃ɛ 22:18

kɛlɛ ɛmɔ Apaleteɛ yɛaɖɔaɖɔ etseɖe mɛ. Aɖɔ asɛ ‘Hɔa! Shɛ nɛ Yerusalem otsiɛ tsiɔ, ɔmɔsɛ batɛ bayɛkɛ wɔɛbuiɛ gɛ ɔbɔɖɔ nɛ mɛishuɔ.’

Banɔkpɛkpɛ Axɔ̃ɛ 13:17

Israelanɛ Owusoso Akaa ebu bɔlɔ ashuĩ alɛ, akɔ banunɔ amɔ otugbà vɛvɛ nɛ kibeɛ gɛ bazã Egipteɛ, ɔgana ohumi hohoe mɛɛ Owusoso Akaa agbana alɛ eyinɔ edenɔ kesiakpa alɛ mɛ.

Banɔkpɛkpɛ Axɔ̃ɛ 5:30

Bɔlɔ akaalɛ Owusoso Akaa, yɛefeke Yesuɔ edenɔ bekpuɔ mɛ, anɔ gɛ nɔkpiisɔ̃ nɛ busi shu pɛ noyii.

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Timoteo 2 1:1

Paulo, gɛenu Yesu Kristo yɛanɔkpɛkpɛ nɛ Owusoso Akaa tɛpɛpɛ ulũ, nɛ tɛtɔtɔɖɔ olu ɔkɔ ɛkpã zazãna gɛlɛ Kristo Yesu mɛ,

Galatianɛ 1:15

Pɔ Owusoso Akaa anɔ gɛ yɛebu mɛ elu flogo pɛ baba mɔ mɛ, pɛ yɛekulu mɛ akpɛ yɛ tibhui bhuibuɔ mɛɛ, same ebekui

Korintoanɛ 2 5:21

Owusoso Akaa bhɛtɛ anɔ nɔ gɛ yɛishu kibui kpa ma sɛ tɛ edzi kibui kpa nɛ bɔlɔ kɛtakpu, sɛ tɛ gana yɛabhaa, budzi Owusoso Akaa anɔ dadalɛ.

Korintoanɛ 1 15:3

Ɔmɔsɛ kɛgɛ mɛyɛkɛ kɛlɛ mɛtsyɛ etseɖe wɔnɔ asɛ kibui gɛiputɔ kɛdzã kiwuhũ ana, sɛ Kristoɔ ebetsí nɛ bɔlɔ ebui kpa bhɛbhɛtɛ nɛtakpu nɛ ebuiɛ gɛ bafɔnɔ nulũ,

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Banɔkpɛkpɛ Axɔ̃ɛ 22:15

Wɔbodzì anɔ gɛ ɔbɔɖɔaɖɔ ɔdalɛ yɛishu ɔkɔ banunɔ petee nɛ kɛgɛ ɔmɔ pɛ olũɔ shu.