Banɔkpɛkpɛ Axɔ̃ɛ 21:40 - Nyangbo New Testament

⁴⁰ Gɛ keyuiza otugbà anɔ nɔ̀ akɔ yɛidzo ebekeɛ, Paulo alɔɛtití nɛ kedulũ okpó nabha pɛ akasɛ banunɔ ahɔɛ asɛ tɛ̀ bataatɔ̃. Gɛ balɛ nyɔ̃ɔ ataatɔ̃ ebekeɛ, aɖɔaɖɔ akɔ alɛ nɛ Aramaik buluhũ mɛ asɛ.

Banɔkpɛkpɛ Axɔ̃ɛ 21:40 Referans Kwoze

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 26:14

Bɔlɔ nyɔ̃ɔ wɔlɛdɔ kesiakpa, kɛlɛ ilũ kaɖɔ tieli gɛ ketseɖe mɛ ebuiɛ nɛ Aramaik buluhũɔ mɛ asɛ, ‘Saulo, Saulo, kiɖe sopɛ ɔtɔnɔ miede ana? Abagagalĩ akɔwɔ tɛ ɔlɔkɔ wɔtsɛɖɛ tá ɔɖà tsɔtsɔ̃.’

Banɔkpɛkpɛ Axɔ̃ɛ 22:2

Gɛ belũ yɛaɖɔaɖɔ ɔkɔ alɛ nɛ Aramaik buluhũɔ mɛ soɔ, badɔ kananá. Kɛlɛ Paulo aɖɔ asɛ,

Banɔkpɛkpɛ Axɔ̃ɛ 21:35

Gɛ Paulo ediku gedulũɔ, kana gɛ banunɔ bamɛ atã kifuɔ ebewù kabha soɔ, kɛlɛ ɔsɛ buyuadɛdɛ abhasà yɛ ewunɔ kabha.

Banɔkpɛkpɛ Axɔ̃ɛ 19:33

Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ.

Kibui Bubú Kasɛ 16:16

Kɛlɛ ɛfɔfuĩa nɔ gbanà bekusiɛ edi shogò nɛ ɔkɔ toli gɛ bekulu nɛ Hebrianɛ uluhũɔ mɛ asɛ, Armagedon.

Kibui Bubú Kasɛ 9:11

Ekusiɛ galɛ alɛ ahɔɛ yɛenu axɔ̃ɛdɛ galɛ ozĩ dzudzu nulũ. Nɛ Hebrianɛ uluhũɔ mɛɛ, bekului asɛ Abadon, kɛlɛ nɛ Helanɛ ɔyɛ mɛ pɔɔ, bekului asɛ Apolion.

Banɔkpɛkpɛ Axɔ̃ɛ 13:16

Gɛ Paulo alɔɛtitíɛ, abhɛtɛ ahɔɛ akasɛ alɛ pɛ aɖɔ asɛ, “Wɔnɔ Israelanɛ nɛ̀ bagɛ notinu Yudanɛ pɛ nɔkpɛ kɛtakpu esi ɔkɔ Owusoso Akaa, nɔtaatɔ̃ nɛ mɛ!

Banɔkpɛkpɛ Axɔ̃ɛ 6:1

Nɛ ewui alɛ mɛ, gɛ badɔkpasɛanɛ tɛkaklà mɛ zikpè tɔɖɔɔ, Helanɛ gɛenu Yudanɛ gɛazã balɛishiɛ bazakpamɛ ishu nɛ Hebrianɛ gɛenu Yudanɛ shu, ɔmɔsɛ beebhui Helanɛ bavɛvɛ edzyini alɛ bho kibe nyia be nɛ bɔŋaŋã tibubú ɔkɔ alɛ mɛ.

Banɔkpɛkpɛ Axɔ̃ɛ 1:19

Anɔ nyia anɔ nɛ Yerusalem elũ kɛgɛ ba ɛlɛ mɛ. Kliso bakɔ kesiakpa alɛ ninye asɛ, “Akeldama” gɛ kɛlɛ esi kɛlɛinu ɔsɛ, Dzyosu Kesiakpa.)