Banɔkpɛkpɛ Axɔ̃ɛ 21:37 - Nyangbo New Testament

³⁷ Kibeɛ gɛ buyuadɛdɛ agbanà Paulo ebèku buyuadɛ ɔzãkɔɔ, ebisi keyuiza otugbà anɔ nɔ̀ asɛ, “Ɔtɔɔkɔ mɛidzo tɛ ɛɖɔ kibui tili tseɖe wɔ dza?” Ebisi yɛasɛ, “Olũ Helanɛ buluhũ dza?”

Banɔkpɛkpɛ Axɔ̃ɛ 21:37 Referans Kwoze

Banɔkpɛkpɛ Axɔ̃ɛ 21:34

Banunɔ teli nɛ banɔɛza mɛ akpɛ ozĩ aɖɔ kibui ɛlɛ̀, kɛlɛ beteli tsyɛ aɖɔ kɛbhlatɔ, kɛlɛ gɛ keyuiza otugbà anɔ nɔ̀ agɛmɔ kibuiɛ nɛtakpu nɛ ozĩɛ gɛ loyìɛ soɔ, akɔ ɔsha asɛ bagbana Paulo avɛnɔ buyuadɛdɛ ɔzãkɔɔ.

Banɔkpɛkpɛ Axɔ̃ɛ 21:19

Paulo asɛnɔ alɛ kɛlɛ akɔ alɛ tititì piapi nɛ kɛgɛ Owusoso Akaa abhɛtɛ nɛ bagɛ etinu Yudanɛ nɛishi ɔganà yɛɔdɔ kakasɛ mɛ.

Banɔkpɛkpɛ Axɔ̃ɛ 19:30

Paulo apɛ asɛ tɛ̀ avɛ banɔɛza namɛ pɔ yɛadɔkpasɛanɛ agɛ kɔɛ yɛidzo.

Banɔkpɛkpɛ Axɔ̃ɛ 22:24

keyuiza anɔ gbagbla akɔ ɔsha asɛ bagbanà Paulo avɛnɔ buyuadɛdɛ ɔzãkɔɔ. Akasɛ alɛ asɛ behuisi yɛ tɛ̀ bebisi yɛ, tɛ betì kibui nɔnɔ shu sopɛ banunɔ akpɛ ozĩ ɔlɛ nɛ yɛabha ana.

Banɔkpɛkpɛ Axɔ̃ɛ 23:10

Kawlɔ̃akɛ nulũ bagagalĩ gɛ kɛkɔ ɔsɛ kifù bayí keyuiza anɔ gbagbla asɛ banunɔ abatsyɔ̃ɛ Paulo mɛ wluiwlui. Kliso akɔ ɔsha asɛ keyuiza ivolo nɔ ezhi avɛ adɛ yɛkɛ yɛ nɛ balɛ ahɔɛmɛ nɛ tɛgagalĩ mɛ tɛ bagbana yɛ amana buyuadɛdɛ ɔzãkɔɔ.

Banɔkpɛkpɛ Axɔ̃ɛ 23:16

Pɔ kibeɛ gɛ Paulo yɛada yɛeyianyɛ elũ kibui kpa tɔtɔɖɔ ɛlɛ, avɛ buyuadɛdɛ ɔzãkɔ editseɖe Paulo.