Banɔkpɛkpɛ Axɔ̃ɛ 21:33 - Nyangbo New Testament

³³ Keyuiza otugbà anɔ nɔ̀ avɛ edivũi, kɛlɛ akɔ asɛ banyã yɛ nɛ̀ ɛɖahui tɛbha. Kɛlɛ ebisì yɛ anɔ nɔɛdi gɛ enuɔ nɛ̀ kɛgɛ yɛabhɛtɛɛ.

Banɔkpɛkpɛ Axɔ̃ɛ 21:33 Referans Kwoze

Efesoanɛ 6:20

gɛ kɛlɛ so pɛ ɛlɛ wɔnɔ inyè mɛ pɛ ɛkpasɛ ɛɖahui mɛ. Nɔokulu Owusoso Akaa sɛ tɛ ɛlà dalɛ ɛlɛ mɛ nɛ kifù masi masi mɛ asɛ gɛ kɛlɛ sɛ ɛbhɛtɛ.

Banɔkpɛkpɛ Axɔ̃ɛ 21:11

Gɛ aba bɔlɔ ɔbhaa, alɔkɔ Paulo yɛatsatsatɔɖɔ pɛ alɔkɔ yɛanyã yɛahɔɛ ɛtsɛɖɛ nɛ̀ ɛhɔɛ pɛ aɖɔ asɛ, “Ɔfɔfuĩa Gbangbã ɔɖɔ ɔsɛ, ‘Kidzo ɛlɛ nabha Yudanɛ abanyã atsatsatɔɖɔ alɛ eleteɛ pɛ babà lɔkɔ yɛakpɛ ahɔɛ akɔ bagɛ betinu Yudanɛ.’ ”

Banɔkpɛkpɛ Axɔ̃ɛ 20:23

Inyi sɛ nɛ ɔmahohoe ka nyia ka mɛɛ, Ɔfɔfuĩa Gbangbã ɔkpɛ ɔsha kɔmɛ ɔsɛ ɔɖavũmɛ tɛzazã nɛ̀ ebui gagalĩ mɛbà dɛ mɔ.

Banɔkpɛkpɛ Axɔ̃ɛ 12:6

Elishi alɛ flogo tɛ̀ Herodes abagbanà yɛ amana kebhuɔ oklukɔɔ, banyã Petro nɛ̀ ɛɖahui tɛbhà pɛ azadɔ taɖa nɛ buyuadɛdɛ taabha nɛishi, flogo pɛ buyuadɛ bhlatɔ tsyɛ azã azãepo kedulũɔ.

Banɔkpɛkpɛ Axɔ̃ɛ 28:20

Nɛ kibui ɛlɛ shu soɔ, ɛpɛ sɛ tɛ ɛmɔ wɔ tɛ̀ bɔɖɔaɖɔ. Mɛ awɔ̃ lulu ɔkɔ Israelanɛ so pɛ banyã mɛ nɛ̀ ɛɖahui ɛlɛ.”

Banɔkpɛkpɛ Axɔ̃ɛ 22:29

Bagɛ apɛ asɛ ebisi yɛ ebuiɛ, beyidè odunu ɔlɛ. Kifù bayí keyuiza anɔ gbagbla tsyɛ gɛ ebetì asɛ anyã Paulo gɛenu Romaeyiɛ akpɛ ɛɖahuiɛ mɛ.

Timoteo 2 2:9

gɛ kɛlɛ shu mɛmɔ bɔtɔ ɔlɛ vɛnɔ sɛ bakpɛ mɛ nɛ ɛɖahui mɛ asɛ kɛtakpu mɛ gagalĩ elete ana. Pɔ bagɛ kpɛ ɛɖahui nɛ Owusoso Akaa nɛibuiɛ xɔnɔ shu.

Timoteo 2 1:16

Kɛkɔ sɛ tɛ̀ Apaleteɛ ebu yɛashagabui bibiɛ akasɛ Onesiforo yɛɔpã, ɔmɔsɛ akpɛ mɛ kemi kibe nyia be kɛlɛ kiwũi tiyii nɛ ɛɖahuiɛ mɛ gɛ ɛkpasɛ shu.

Banɔkpɛkpɛ Axɔ̃ɛ 26:29

Paulo ebuiliulũ asɛ, “Kibeɛ dzi gulũio kizidze tsyɛ elo, itikulù Owusoso Akaa ɔkɔ wɔ ete, pɔ ikului ɔkɔ bagɛ ataatɔ̃ nɛ̀ mɛ oboɔ petee ɔsɛ tɛ bazã asɛ mɛ ana, pɔ batɛ̀kpɛ̀ ɛɖahui ɛlɛ nɛ balɛ xɔnɔ shu.”

Banɔkpɛkpɛ Axɔ̃ɛ 25:16

“Itseɖe balɛ ɔsɛ, kitinu Romanɛ ɔkɔ̀ ɔsɛ tɛ̀ balɔkɔ anɔ nanà akpɛ ahɔɛ tɛ̀ atsyɔa kitemɛ bamɛ nɛ̀ bamɛ, nɛ̀ bagɛ bebhui yɛuluɔ flogo tɛ̀ amɔ kidzò edibu yɛishu ulũ, nɛ̀ ebuiɛ gɛ balɔkɔ nɛishuɔ.

Banɔkpɛkpɛ Axɔ̃ɛ 22:30

Gɛ keliɛ azaa, gɛ keyuiza anɔ gbagbla apɛ asɛ tɛ̀ etì kibui nɔnɔ shu sopɛ Yudanɛ alɔkɔ kibui nɛ Paulo shu soɔ, akɔ bebui nɛ ɔɖavũɔ mɛ kɛlɛ akɔ ɔsha asɛ banɔlũazazã gbagbla nɛ̀ ɔhamɛ besheshèɛ petee ebeshogò. Kɛlɛ agbana Paulo amana pɛ akɔ yɛalɔɛtití nɛ balɛ amɛ.

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.