Banɔkpɛkpɛ Axɔ̃ɛ 21:32 - Nyangbo New Testament

³² Tsiɔ̃ ɔlɛ koɔ, kɛlɛ agbana ɛzãkɔ banunɔ nɛ̀ buyuadɛdɛ teli pɛ bebu tɛtsɛɖɛ mɛ avɛ banɔɛzaa mɛ. Kibeɛ gɛ banɔɛza amɔ keyuiza otugbà anɔ nɔ̀ nɛ̀ yɛ̀ buyuadɛdɛ, bayɔlɔ Paulo huisì.

Banɔkpɛkpɛ Axɔ̃ɛ 21:32 Referans Kwoze

Banɔkpɛkpɛ Axɔ̃ɛ 23:27

Yudanɛ evũ anyɛ alɛ, kɛlɛ bapɛ asɛ tɛ̀ beyìi, pɔ mɛ nɛ̀ mɛ keyuiza bayɛkɛ yɛ nɛ balɛ ahɔɛ mɛ̀, ɔmɔsɛ ɛbatì ɔsɛ Romaeyi yɛenu.

Banɔkpɛkpɛ Axɔ̃ɛ 5:40

Yɛibui ɖɔɖɔ kɔ belũ ebui esi, klisoɔ bekulu banɔkpɛkpɛ amana kɛlɛ bakɔ behuisi alɛ. Kɛlɛ bakpɛ ɔsha akɔ alɛ ɔsɛ batɛ aɖɔaɖɔ nɛ Yesu yɛinyeɛ mɛ, kɛlɛ bashɛnɛ ahɔɛ nɛ balɛishu pɛ bashɛ.

Banɔkpɛkpɛ Axɔ̃ɛ 24:6

kɛlɛ apɛ tsyɛ asɛ tɛ̀ akpɛ Akaavũɔ nɔtsɔ̃, kliso buvũi kɛlɛ bɔpɛ sɛ tɛ̀ bukulu kebhu niyɛ nɛ ɔsha nulũ.

Banɔkpɛkpɛ Axɔ̃ɛ 22:19

“Ibuiliulũ sɛ, ‘Apalete, banɔ alɛ enyi asɛ ɛɛlɔ̀de ɔtsyɔakɔ ɔlɛ ɔvɛnɔ ɔbhlatɔ, pɛ idi huisi bagɛ ayɛkɛ wɔabha aŋã pɛ ɛɛkpɛ alɛ nɛ ɔɖavũ mɛ.

Banɔkpɛkpɛ Axɔ̃ɛ 18:17

Kɛlɛ balɛ petee etsyina atɔ̃ Sostene gɛenu ɔtsyɔakɔ abha eɖiɖieleteɛ kɛlɛ behuisi nɛ kebhu okulukɔ buvũɔ otugbà. Pɔ Galio xɔnɔ agɛ lɔkɔ kɛnanà nɛ ɛlɛ mɛ.