Banɔkpɛkpɛ Axɔ̃ɛ 20:7 - Nyangbo New Testament

⁷ Nɛ ɔgɔnɛ ɔlɛ kiwuiɛ gɛiputɔ nabhaa, bɔba shogò ɔkɔ bɔlɔ ɔhakpɛkpɛ ɔdɔ̃ ŋaŋã. Paulo azaɖɔaɖɔ ɔkɔ banunɔ ɔmɔsɛ atɔɖɔ ɛlɛ asɛ abashɛ nɛ kelizaza mɛ, kliso azaɖɔaɖɔ idiyinɔ elishi tetì.

Banɔkpɛkpɛ Axɔ̃ɛ 20:7 Referans Kwoze

Korintoanɛ 1 16:2

Nɛ ɔgɔnɛ ka nyia ka ɔlɛ kiwui gɛiputɔ mɛ abhaa, anɔka nyia ka abalɛ ehoeyi teli elu edenɔ yɛɔdɔ mɔmɔ mɛ, azabalɛ alɛ elú, sɛ tɛ̀ onupɛ ɛbakuɔ bazaka yɛkɛ ehoeyi nɛ ananà ahɔɛ.

Banɔkpɛkpɛ Axɔ̃ɛ 2:42

Balɔkɔ balɛishu ashɔkpɛ banɔkpɛkpɛ bɔdɔ̃ kakasɛ nɛ̀ ɔha kpɛkpɛ mɛ, ɔvɛnɔ kifufulũɔ tɛyaya nɛ̀ Owusoso Akaa tikukulu mɛ.

Kibui Bubú Kasɛ 1:10

Nɛ Apalete Nɛiwui nabhaa, Ɔfɔfuĩa nɔ oku mɛ mɛ̀ kɛlɛ izilũ ozĩ toli gagalĩ asɛ kexoele babɔ nɛ mɛedeɛ,

Banɔkpɛkpɛ Axɔ̃ɛ 20:11

Kɛlɛ ezewu avɛ kabha buvũɔ mɛ, pɛ adɛya kifufulũ nɔ atã. Gɛ aɖɔaɖɔ pɛ keliɛ azaa, abashɛ.

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 20:9

Taɖa zibuku anyɛ ayisɔ̃ teli gɛ bekulu yɛasɛ Eutixoɔ, kibeɛ gɛ Paulo azã yɛaɖɔ ɖɔɖɔ nabha. Kibeɛ gɛ abavɛnɔ taɖa mɛɛ, abawɔlɛ edenɔ kabha buvũɔ gɛ babhɔ atɔɖɔ bɔtaɖamɛ nabha abadɔ kesiakpa kɛlɛ gɛ befeke yɛ etitsí.

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Korintoanɛ 1 10:16

Ahɔɛhuhu kayintse nɔ gɛ bɔlɔkɔ huahɔɛ nɔ pɔ, gɛnɛ gɛ bɔlɔkɔ tili nɛ Yesu dzyosu nɔ mɛ soɔ dza? Bɔŋaŋã gɛ bɔya tsyɛ pɔ, butinu tili gɛ bɔlɔkɔ nɛ Kristo ishupiɛ shuɔ so dza?

Banɔkpɛkpɛ Axɔ̃ɛ 20:31

Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.

Banɔkpɛkpɛ Axɔ̃ɛ 2:46

Bazatɔ̃ kɛtakpu nɛ Owusoso Akaavũɔ shu kibe nyia be. Bazaŋã bɔdɔ̃ nɛ kesugba tienikpo mɛ nɛ balɛ bapãmɛ nɛ same nɛ̀ etú dadalɛ mɛ,

Timoteo 2 4:2

Ɖɔ Owusoso Akaa nɛibuiɛ, balɛ sɛ onupɛ banɔ apɛ asɛ tɛ belũ kibuiɛ alo tɛ betielũ ɛlɛ tsyɛo, woese anɔ, tseɖe nɛ̀ anɔ tɛ̀ ɔkpɛ banɔ emi-nɛ kitu esi lulũ nɛ̀ bɔdɔ̃ kakasɛ piapii mɛ.

Banɔkpɛkpɛ Axɔ̃ɛ 16:10

Gɛ bebu ebui alɛ akasɛ Paulo ebekeɛ, bɔbalɛ tsiɔ ɔlɛ kɛlɛ bɔvɛ Makedonia, bɔyɛkɛ kɛlɛ ɔsɛ Owusoso Akaa yɛekulu bɔlɔ ɔsɛ bɔdɛɖɔ kibui gbangbã ɔkɔ alɛ.

Banɔkpɛkpɛ Axɔ̃ɛ 20:5

Banyɛ alɛ eputɔ edeepo bɔlɔ nɛ Troa.