Banɔkpɛkpɛ Axɔ̃ɛ 20:35 - Nyangbo New Testament

³⁵ Nɛ kɛka nyia ka gɛ ɛbhɛtɛ mɛɛ, ɛkasɛ wɔnɔ ɔsɛ̀ kɛxɔ̃ɛ gagalĩ ɛlɛ nɛidi wɔawɔa mɛ kɛlɛ ɔsɛ bɔplɛnɔ bagɛ ohumi ɔma balɛ ahɔɛ, ɛɛbakà ebui alɛ gɛ Apalete Yesu aɖɔ asɛ, ‘Tiyuyulà kpasɛ kɛdɔ̃ kɔkɔ mɛ ɔdɛ kɛdɔ̃ yɛyɛkɛ mɛ.’ ”

Banɔkpɛkpɛ Axɔ̃ɛ 20:35 Referans Kwoze

Hebrianɛ 13:16

Nɔtɛ dzɛkɛ ibui gbangbã tɛbhɛbhɛtɛ nɛ̀ kɛdɔ̃ kɔkɔ banɔ bhlatɔ, ɔmɔsɛ bɔdɔ̃ pɔpɔɛ ɛlɛ nɛidi ku Owusoso Akaa awɔ̃.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Romanɛ 15:1

Bɔlɔ agɛ kpɛ ogù nɛ tɛyɛyɛkɛŋã mɛɛ, kɛlɛ sɛ tɛ bɔyɛkɛ ɔkɔ bagɛ lɔma alɛ ahɔɛ, kɛlɛ kɛma sɛ tɛ bɔɔ bhɛtɛ kɛgɛ iku ɔlɔ awɔ̃ɔ.

Banɔkpɛkpɛ Axɔ̃ɛ 20:27

Ɔmɔsɛ ɛgɛ yɔlɔ ebuiɛ petee gɛ Owusoso Akaa atɔɖɔ tɛɖɔɖɔ tseɖe wɔnɔ.

Hebrianɛ 13:3

Nɔbaka bagɛ alɛ ɔɖavũɔ mɛ, asɛ wɔnɔ nɛ alɛ bakpɛ nɛ ɔɖavũɔ mɛ ana, kɛlɛ bagɛ bawɔa alɛ ɔnyɔnyɔ̃ nɔ, ɔmɔ asɛ wɔnɔ tsyɛ wɔnɔ mɔ ɔtɔ ɔlɛ ana.

Efesoanɛ 4:28

Agɛ yɛezuruɔ, ayɔlɔ yɛuzĩɛ gɛ ezuruɔ, pɔ awɔa axɔ̃ɛ, tɛ alɔkɔ yɛahɔɛ aza bhɛtɛ kibui tili gɛbà plɛnɔ, sɛ tɛ amɔ kɛdɔ̃ tili akɔ bagɛ apɛ ɛdɔ̃.

Banɔkpɛkpɛ Axɔ̃ɛ 20:20

Nɔonyi ɔsɛ igi yide nɛ ebui ɖɔɖɔ nɔnɔ gɛ laba aplɛnɔ wɔnɔ shu, pɔ ɛkasɛ wɔnɔ bɔdɔ̃ nɛ kɛtsalɛ mɛ, nɛ̀ denɔ bɔpã mɛ ɔvɛnɔ bɔpã mɛ.

Korintoanɛ 2 12:13

Kɛlɛ nɔzã asɛ banɔ bhlui ɔkɔ ɔhaa bhlatɔ, gɛ idzi bɔtɔ kɔ wɔnɔ flogo nɔɔ dza? Nɔlɔkɔ kesitata alɛ tsye mɛ!

Korintoanɛ 2 11:9

Kɛlɛ kibeɛ gɛ ɛzã wɔnɔ ɔbha pɛ ɛzɛpɛ kɛdɔ̃ tiliɛ, igidzi bɔtɔ ɔkɔ ananà, ɔmɔsɛ badzya gɛede Makedonia nɔ bakɔ mɛ mɛɔdɔ̃ pɛpɛ nɔ. Ɛgɛpɛ sɛ tɛ mɛidzì bɔtɔ ɔkɔ wɔnɔ nɛ kidzo nanà abha, kɛlɛ ɛbazã kɛlɛ abha zɛbhɛtɛ ana.

Tesalonikanɛ 1 4:11

Nɔlɔkɔ kɛlɛ ɔtɔɖɔ ishu abha sɛ tɛ nɔzãnà ɛkpã yɔyɔ, tɛ noɖi wɔnɔ kɛxɔ̃ɛ ɔkɔ tɛ nɔwɔa axɔ̃ɛ nɛ wɔnɔ ɛhɔɛɛ, asɛ kana gɛ butseɖe wɔnɔ,

Korintoanɛ 2 11:12

Kɛlɛ ɛbazã ɛlɛ abha zɛbhɛtɛ kɛgɛ ɛlɛ mɛbhɛtɛɛ, ɔsɛ tɛ̀ mɛibu bagɛ bapɛ kidzo asɛ tɛ̀ balɛ nɛ bɔlɔ shɔ nɛ ebuiɛ gɛ alɛ shu butũ ahɔɛ nɛ ɔlɔ ɛtelũɔ yinɔ.

Korintoanɛ 1 9:12

Onupɛ bɔkɔ banɔ bhlatɔ amɔ tɛpɛplɛnɔ kidzo ɛlɛ nɛidi denɔ wɔnɔkɔ, kɛlɛ pɛ bɔtaamɔ kɛlɛ dɛ ana dza? Pɔ bɔgɛ gã kidzo ɛlɛ nɛidi abha. Nɛ kɛlɛ shuɔ, bɔyɛkɛ kɛka nyia ka ɔkɔ ishu sɛ tɛ̀ kidzo tɛdã ɔkɔ Kristo yɛibui gbangbã.

Banɔkpɛkpɛ Axɔ̃ɛ 20:34

Nɔonyi ɔsɛ mɛahɔɛ alɛ shu axɔ̃ɛ mɛwɔa lɔkɔ pɛ bɔdɔ̃ ɔkɔ mɛishu nɛ̀ mɛɔhagbo alɛ.

Banɔkpɛkpɛ Axɔ̃ɛ 20:36

Gɛ aɖɔ kibui ɛlɛ ebekeɛ, yɛnɛ̀ balɛ petee edzu ekluisi esi pɛ bekulu Owusoso Akaa.

Yohanes 3 1:7

Kinyeɛ shu sopɛ bavɛ ada ɔnyɔ̃ɔ, pɔ batɛ amɔ tɛpɛplɛnɔ odenɔ bagɛ agɛ yɛkɛŋã ɔkɔ tsyɛ flogo.