Banɔkpɛkpɛ Axɔ̃ɛ 20:31 - Nyangbo New Testament

³¹ Kliso nɔzã nɛ̀ awɔ̃! Nɔbakà ɔsɛ̀ nɛ agɔ tatá mɛɛ, ɛgɛ yɔlɔ ɔsha kpɛkpɛ kɔ wɔnɔ nɛ̀ ɛwɔmɛ bibi mɛ elishi nɛ̀ kemuze.

Banɔkpɛkpɛ Axɔ̃ɛ 20:31 Referans Kwoze

Banɔkpɛkpɛ Axɔ̃ɛ 20:19

Ɛlɛkɔ ishu esi zhizhinɔ hohoe nɛ̀ ɛwɔmɛ kpɛ kɛtakpu esi ɔkɔ Apaleteɛ nɔ, gɛ Yudanɛ alɔkɔ kɛtakpu mɛ kpa tɔtɔɖɔ efeke mɛɖi nɔ nyagaa flogo.

Banɔkpɛkpɛ Axɔ̃ɛ 19:10

Kibui ɛlɛ vɛ ɛlɛ abha nɛ agɔ taabha mɛ, ɔsɛ tɛ Yudanɛ nɛ̀ Helanɛ petee gɛazã Asia bɔdɔ̃ mɛ elũ Apaleteɛ nɛibuiɛ.

Banɔkpɛkpɛ Axɔ̃ɛ 19:8

Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu.

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.

Kibui Bubú Kasɛ 16:15

“Ɖio, ɛba ɔmɔ asɛ ezĩ ana! Beyula anunɔ gɛ alɛ nɛ awɔ̃, pɛ alɔkɔ yɛɔdɔ̃ kpɛkpɛ elu yɛɔbha sɛ tɛ atɛzã bɔdɔ̃ makpɛ makpɛ, sɛ tɛ etibu yɛishu elu nɛ awuĩ mɛ.”

Tesalonikanɛ 2 3:8

alo pɛ bɔŋã anɔ teli bɔdɔ̃ gɛ bɔgɛ buia bɔlɛ ɛbhɛ. Kibui ɛlɛ shu soɔ, bɔwɔa axɔ̃ɛ elishi nɛ̀ kemuze, kɛlɛ buuwu pɛ buuzhì nɛ bɔtɔ mɛ sɛ tɛ bɔtɛ badzi bɔtɔ ɔkɔ wɔnɔ mɛ anɔ nanà.

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Korintoanɛ 1 4:14

Ɛtɛɛ́ fɔnɔ ebuiɛ alɛ kɔ ɔnɔ ɔsɛ tɛ ɛlɔkɔ kpɛ wɔnɔ awuĩ nɔ, pɔ tɛ̀ ɛlɔkɔ kpalà wɔnɔ, ɔmɔ asɛ mɛeyi alɛ gɛ ɛdɛmɛ nɔ ana.

Banɔkpɛkpɛ Axɔ̃ɛ 24:17

“Gɛ agɔ kpekpè teli abafalaa, ɛba Yerusalem ɔsɛ tɛ ɛbakɔ betsyuitsyuiɛ bɔdɔ̃, nɛ̀ tɛ ɛlɔkɔ tuli tsyɛ kpɛ ahɔɛ asɛ bɔdɔ̃ kɔkɔ.

Banɔkpɛkpɛ Axɔ̃ɛ 20:11

Kɛlɛ ezewu avɛ kabha buvũɔ mɛ, pɛ adɛya kifufulũ nɔ atã. Gɛ aɖɔaɖɔ pɛ keliɛ azaa, abashɛ.

Banɔkpɛkpɛ Axɔ̃ɛ 20:7

Nɛ ɔgɔnɛ ɔlɛ kiwuiɛ gɛiputɔ nabhaa, bɔba shogò ɔkɔ bɔlɔ ɔhakpɛkpɛ ɔdɔ̃ ŋaŋã. Paulo azaɖɔaɖɔ ɔkɔ banunɔ ɔmɔsɛ atɔɖɔ ɛlɛ asɛ abashɛ nɛ kelizaza mɛ, kliso azaɖɔaɖɔ idiyinɔ elishi tetì.

Filipianɛ 3:18

Ɔmɔsɛ, asɛ gɛ izi tseɖe ɔnɔ bafalanɔ, pɛ ɛkaɖɔ ɛlɛ nɛ̀ ɛwɔmɛɛ, banɔ kpekpèɛ edzi nɛ̀ ɛkpã asɛ banɔ gɛ agɛ dɛmɛ Kristo yɛutsi osiɛ.

Tesalonikanɛ 2 2:5

Nɔgɛ baka sɛ gɛ ɛzã wɔnɔ ɔbhaa, izitseɖe wɔnɔ ebui alɛ dza?